Markus 12:40 - O Debleskro Lab 2024 (Sinte-Manouche)

⁴⁰ Yon lenn i khera kol djouvyendar krik, kolengre romma meran. Yon rakrenn o Debleha i rah tsiro, te dikenn i menshe, har patslo yon hi. Ap ko dives, kay rakrell o Devel o čačepen pral lende vin, lenn le i zorleder phagi har kol vavar.

O Evangelio Jezus Kristusester pala Markus 1912 (Sinte)

⁴⁰ Kola kai lena kala romniender kher, kai hi len kenk rom, ta priserenle fonci keake raha: prala kalende džala i bareder krisni.

O Debleskro Drom 2021 (Sinte)

⁴⁰ Jon lenn i khera kol djuwjendar krik, kolengre romma meran. Jon rakrenn o Debleha i rah tsiro, te dikenn i menshe, har patslo jon hi. Ap ko diwes, kai rakrell o Dewel o tchatchepen pral lende win, lenn le i sorleder phagi har kol wawar.

Markus 12:40 Referans Kwoze

Louka 20:47

Yon lenn i khera kol djouvyendar krik, kolengre romma moulo hi. Te mangenn le o Debles, palle rakrenn le leha i rah tsiro, te dikenn i menshe, har patslo yon hi. O Devel rakrell i phagi pral lende vin, oun yon lenna i bareder phagi har i vavar.”

Mateo 23:33

T'mer han sapa. Ava, čilače sapa han t'mer. O Devel vitsrell t'men an o bengeskri yag. Oun t'mer nashte nashenn gar glan koleste krik.

Mateo 23:13

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen! T'mer krenn o voudar pandlo, te vell kek ap o Debleskro drom. T'mer djan gar koy dren. Vitar gar moukenn i vavaren dren te djal.

Mateo 6:7

T'mer te rakrenn o Debleha, palle penenn leske gar boud laba, yaake har kolla krenna, kay prindjrenn o čačo Debles gar. Yon patsenna, te rakrenn le boud, palle shounell len lengro devel.

2. Timoteo 3:6

Mashkral lende hi menshe, kay djan an i khera, te taprenn le save djouvyen, kay ladjenn pen glan či, oun ap lende boud doosh hi.

Ezekiel 22:25

Tire raya hi mank toute har leve, kay denn gole, har dandrenn le firhen khetne. Yon marenn menshen, čorenn penge bravlepen khetne, oun krenn, te nashrenn boud romya an o them pengre romen.

Micha 2:2

Kamenn le yekeskro kotar phoub, randenn le les, oun lenn penge khera vavar menshendar, har yon kamenna. Čilači zoryah djan le ap yekeste, oun lenn penge leskro kheer oun kova, hoy les peskro dadestar vas.

Mateo 23:14

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen. T'mer lenn i khera i djouvyendar krik, kolengre romma moulo hi. T'mer te rakrenn o Debleha, rakrenn t'mer i rah tsiro, te dikenn i menshe har patslo t'mer han. O Devel rakrell o čačepen pral t'mende vin, oun t'mer lenn i zorleder phagi har i vavar.

Markus 12:39

An i biboldengre kangria kamenn le ap i pralstoune beshepangre te beshenn. Oun pash i baro rhapen kamenn le ap i feteder beshepangre te beshenn.

2. Korintarja 11:20

Te hadell pes yek pral t'mende, krenn t'mer, hoy yob penell. Te kamell yob t'mare love te lell, oun kamell t'men ap peste te pandell, oun ninna yob te doukrell t'men, oun dell t'men an o mouy, moukenn t'mer kova t'mentsa te krell.