Markus 12:37 - O Debleskro Lab 2024 (Sinte-Manouche)

³⁷ Koy penell o David mo ray ap leste. Har vell lo nay leskro čavo? Oun i tsele menshe kaman, te shounenn le o Yezouseskro rakepen.

O Evangelio Jezus Kristusester pala Markus 1912 (Sinte)

³⁷ David, ta kharelo les lesker rai. Her ta pala lesker čavo? Ta o čel hundes apo leste.

O Debleskro Drom 2021 (Sinte)

³⁷ Koi penell o David mo rai ap leste. Har well lo nai leskro tchawo? Un i tsele menshe kaman, te shunenn le o Jesuseskro rakepen.

Markus 12:37 Referans Kwoze

Debleskro tsiro 22:16

Me, o Yezous, bičrom miro bolepaskres pash t'mende, te penell lo kava koova i patslenge. Me hom o Davideskro čavo. Me hom koy rayli bolepaskri momeli, hoy djal pre taysarlake ap o bolepen.”

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

Remarja 9:5

Lengre phoure hi o Abraham, o Isaak oun o Yakob. Ninna o Yezous Kristo vas i Israelitari, har vas lo boldo. Sharas o Debles pral kova lauter hako tsireske. Amen!

Johanni 12:9

Boud bibolde shounan, kay o Yezous an o gab Betani hi, oun van koy. Yon van gar, te dikenn le o Yezouses kokres. O Lazares kaman le ninna te dikell, koles, kay o Yezous i moulendar djides kras.

Louka 21:38

Taysarlake van boud menshe an o Debleskro baro kheer, te shounenn yon, hoy o Yezous penella.

Louka 19:48

Yon djinan gar, har nay tapran le les. Boud menshe his troul leste, oun kaman hako lab te shounell, hoy yob penas.

Mateo 21:46

Oun yon kaman les te taprell, oun kran kova gar. Yon daran i menshendar. Kolla patsan, kay hi o Yezous o Debleskro rakepaskro.

Mateo 11:25

Oun ap kava tsiro penas o Yezous: Tata, tou hal o ray pral o bolepen oun i phoub. Me sharau tout. Kova, hoy tou kreh, sikral tou kolende, kay gar boud djinenna. Kolla, kay gosevo hi oun boud djinenna, kolla hayvenn kova gar.

Mateo 11:5

I korele dikenna pale oun i bange nashenna pale. I nassele, kay lengro mass ap lende tele merell, kolla venna sasto. Kolla, kay nay shounan gar, shounenna kanna. I moule venna djido. I čorvele shounenn o Debleskro lačo lab.

Mateo 1:23

I terni čay, kay gomme kek morshestar an tapedo vas, lella i ternepen. Oun yon denn les o lab Emmanuel. Kova kharella: O Devel hi mentsa.”

Mateo 21:45

I bare rashaya oun i Farisarya shounan kol laba oun hayvan, te rakras lo lendar.