Markus 11:23 - O Debleskro Lab 2024 (Sinte-Manouche)

²³ Čačepah, me penau t'menge: Te penell yek ap kay berga hade tout, oun vitse tout an o baro pani, oun patsell zoreles an peskro dji, te djal kova, hoy yob penell, palle vell kova ninna.

O Evangelio Jezus Kristusester pala Markus 1912 (Sinte)

²³ Čačo phenau tume, kon ta phenela kava bregeste: Hader tut, ta vicere tuke ani baro pani, ta job pacelo les ani lesker dzi, ta lauter ho phenelo vela kerdo, keake vela kerdo les.

O Debleskro Drom 2021 (Sinte)

²³ Tchatchepah, me penau tumenge: Te penell jek ap kai berga ‘hade tut, un witse tut an o baro pani’, un patsell soreles an peskro dji, te djal kowa, hoi job penell, palle well kowa ninna.

Markus 11:23 Referans Kwoze

Mateo 17:20

Penas lo ap lende: “T'maro patsepen hi tikno. Čačepah, me penau t'menge: Te vals t'maro patsepen ninna tikno har i senftikro djob, nay penans t'mer ap kay berga: Čip tout ap koy vavar rig! Oun koy berga čivals pes ap i vavar rig. Oun či nashte vals, hoy t'mer nashte gar krans.”

Johanni 15:7

Te ačenn t'mer an mande oun krenn kova, hoy me penom, palle nay mangenna mandar, hoy kamenna. Oun kova lenn t'mer.

Mateo 21:21

Penas o Yezous: “Čačepah, me penau t'menge: T'mer te patsenn ap o Debleste, te krell lo nay hako koova, palle nay krenn t'mer ninna boudeder, har me krom kava roukeha. T'mer penenn nay ap koy berga: Hade tout oun vitse tout an o baro pani! Oun kay berga krell kova.

Debleskri gili 37:4

Rode tiri barht pash o baro Debleste, palle dell yob tout lauter, hoy tiro dji kamella.

Johanni 14:13

Oun hoy t'mer an miro lab mangenna, kova kamau me te krell t'menge. Kova, hoy o čavo krella, sikrell i menshende o Debleskro raylepen oun leskri zoor.

Louka 17:6

Koy penas o ray Yezous ap lende: “Te vals t'maro patsepen ninna tikno har i senftikro djob, nay penans t'mer ap ko baro rouk: Vitse tout an o pani! Oun ko rouk shounals ap t'mende.”

1. Korintarja 13:2

Te vals man gar o Debleskro kamlepen an o dji, palle molals ninna kova či, te penoms me i menshenge, hoy o Devel mande sikras. Te vals man gar o Debleskro kamlepen an o dji, palle molals ninna kova či, te djinoms halauter, hoy i vavar gar djinenna oun te hayvoms ko tselo Debleskro drom. Te vals man gar o Debleskro kamlepen an o dji, palle molals ninna kova či, te vals man yek zorelo patsepen, te penoms ap i berge: Hadenn t'men, oun yon hadenna pen.

Mateo 14:13

Oun har o Yezous kova shounas, djas lo an i bero, oun ouleras kote, kay hi lo kokres. Boud menshe shounan, kay yob djas peske. Oun yon van dran i forya, te djan le ap o them pash leste.