Markus 10:43 - O Debleskro Lab 2024 (Sinte-Manouche)

⁴³ Mank t'mende hounte vell kova gar yaake! Koon t'mendar kamell, te vell lo baro, kova hounte vell t'maro boudepaskro.

O Evangelio Jezus Kristusester pala Markus 1912 (Sinte)

⁴³ Gar hi keake tela tumende, foni kon ta kamel ta vela bares tela tumende, vela tumaro valeto,

O Debleskro Drom 2021 (Sinte)

⁴³ Mank tumende hunte well kowa gar jaake! Koon tumendar kamell, te well lo baro, kowa hunte well tumaro budepaskro.

Markus 10:43 Referans Kwoze

Louka 14:11

Koon pes baro krella, koles sharell o Devel gar. Koon pes gar baro krella, oun penella: Me molau či, koles krell o Devel baro.”

Markus 9:35

Koy beshas lo pes, oun das kol deesh-te-douyen gole, oun penas ap lende: “Yek te kamell o pralstouno te vell, hounte vell kova o tikneder lauterendar. Oun yob hounte boudrell i vavarenge.”

Louka 9:48

oun penas ap lende: “Kova, kay lell kava čaves pash peste pre an miro lab, kova lell man pash peste pre. Koon man pre lella, kova lell koles pre, kay bičras man. Koon mashkral t'mende o tikneder hi, kova hi baro.”

Remarja 12:2

I menshe ap kay phoub djivenn pal pengro shero. Ma djivenn yaake har yon! Moukenn t'men o Deblestar neves te krell, te hayvenn t'mer, hoy yob kamella: kova, hoy hi lačo oun mishto oun čačo.

Galatarja 5:13

Mire phrala, o Devel das t'men gole, te djivenn i djipen, kay han bouder gar pandlo ap čomone. Kal labentsa penau gar, te krenn t'mer nay, hoy kamenna, oun djivenn nay t'maro phouro djipen. Na-a, avenn yek o vavareske koy! Krenn kova dran o kamlepen!

Johanni 18:36

Koy penas o Yezous: “Miro them oun i menshe, kolengro ray me hom hi gar kay phoubyatar. Te vals miro them kay phoubyatar, oun ninna i menshe, kolengro ray me hom, palle kourans pen mire boudepangre i biboldentsa, te perap me gar an kolengre vasta. Me penau touke: Miro them oun mire menshe, kolengro ray me hom, hi gar kay phoubyatar.”

Louka 18:14

Oun o Yezous penas: “Me penau t'menge: O Devel dikas ap kaleste, oun his leske lačo oun gar ko vavareske. Kova, kay pes bares krella, koles sharell o Devel gar. Oun kova, kay pes gar bares krella, koles krell o Devel bares.”

Markus 10:42

Koy das len o Yezous pash peste gole, oun penas ap lende: “T'mer djinenna, i bare rayen hi penepaske pral i menshende an lengre themma. Oun i pralstoune rikrenn pengre menshen zoryah tele.

Markus 10:44

Oun koon t'mendar kamell o pralstouno te vell, kova hounte vell hakeneskro boudepaskro.

Louka 22:26

Me penau t'menge: Ma krenn kova yaake har kolla! O bareder mashkral t'mende hounte vell yaake har o tikneder t'mendar. Oun kova, kay kamell o pralstouno te vell, hounte vell o telstouno, kay boudrell i vavarenge.