Louka 8:32 - O Debleskro Lab 2024 (Sinte-Manouche)

³² Oun kote ap koy berga his boud bale, hoy kote rhan. Oun kol benga mangan lestar: “Mouk men an kol balende te djal!” Oun yob moukas len an lende dren te djal.

O Debleskro Drom 2021 (Sinte)

³² Un kote ap koi berga his bud bale, hoi kote chan. Un kol benga mangan lestar: “Muk men an kol balende te djal!” Un job mukas len an lende dren te djal.

Louka 8:32 Referans Kwoze

Jesaja 66:3

Kova, kay mange i gouroum marell, marell ninna i menshes i rhorheno debleske. Kova, kay mange i terno bakro temerl dell, marell ninna i djoukles i rhorheno debleske. Kova, kay mange rhapen glan anell, anell ninna balengro rat i rhorheno debleske. Kova, kay mange soungepaskro koova rhačrell, parkrell pes ninna pash i rhorheno debleste. Yon djan pengre dromma yaake har yon les kamenna. Oun shoukar hi an lengre yaka, hoy an mire yaka djoungeles hi.

Jesaja 65:4

Rati hi le beshdo pash i moulengre khera, te poučenn le i moulen, oun ačenn pral i rat an khatede platse, kay mangenn le vavar deblen an. Yon rhan balengro mass, oun piyenn soummi, hoy mass dren hi kol firhendar, hoy pale-čiddo hi.

Debleskro tsiro 20:7

Pal kol zero bersh vell o beng dran peskro stilepen vin mouklo.

1. Johanni 4:4

Mire čave, t'mer han o Deblestar, oun han zorleder har kol rhorhene rakepangre. O Debleskro Dourho, kay an t'mende hi, hi zorleder har o beng, kay an i menshende hi, kay o Debles gar prindjrenna.

Johanni 19:11

Penas o Yezous: “Tout vals kek zoor pral mande, te dals tout o Devel koya gar. Doleske hi koles, kay das man an tire vasta, bareder doosh har tout.”

Debleskri gili 62:11

Ma patsenn, te lenn bravlepen, te djan ap yekeste i zoryah pre! Ma patsenn, te krell t'men kova bravelo, hoy čoran! Ninna te venn bravleder oun bravleder, ma čivenn t'mare djia pre!

Hiob 2:6

Kote penas o baro Devel ap o beng: “Mishto, dau les an tiro vast. Leskro djipen ma tape an!”

Hiob 1:12

Kote penas o baro Devel ap o beng: “Mishto! Halauter, hoy les hi, dau an tiro vast. Les kokres ma tape an!” Pal kova djas o beng krik o baro Deblestar.

Hiob 1:10

Tou deh yak ap leskro kheer oun ap lauter, hoy les hi. Tou čival tiri barht ap lauter, hoy yob an-taprell. Oun leskre firhe van boud oun boudeder an o tselo them.

1. Rajengro liil 22:22

Oun yob penas: Me moukau i rhorhepaskro dourho te vell, hoy rakrell dran i mouya leskre tsele dikepangren! Koy penas o baro Devel: Tou hounte kress kova. Touke djal kova mishto. Dja vin, oun kre les yaake!”

3. Mose 11:7

Oun o bales hounte rhan gar, ninna te hi les pre-phagede pire. O balo rhal o rhapen gar douy kope. Pale-čiddo vell lo t'menge.

Mateo 7:6

Ma vitsrenn gar o Debleskro bravlepen glan i djouklende, te djan yon gar ap t'mende pre! Ma vitsrenn gar i kouč barra glan i balende, te stakrenn le len gar i pirentsa khetne.

Louka 8:31

Oun yon mangan les, te bičrell lo len gar an i telstouni phoub.

Louka 8:33

Koy van kol benga dran o morsheste vin, oun djan an kol balende. Oun kol tsele bale van divyo, oun nashan i berga tele, oun stan an o baro pani, oun tassan.