Louka 6:22 - O Debleskro Lab 2024 (Sinte-Manouche)

²² Barhtele han t'mer, te venn i menshe rhoyedo ap t'mende, oun čivenn t'men pale, oun praasenn t'men, oun rakrenn čilačes pral t'mende, oun kova lauter krenn le doleske, te patsenn t'mer ap o Menshengro Čaveste!

O Debleskro Drom 2021 (Sinte)

²² Bachtele han tumer, te wenn i menshe chojedo ap tumende, un tchiwenn tumen pale, un praassenn tumen, un rakrenn tchilatches pral tumende, un kowa lauter krenn le doleske, te patsenn tumer ap o Menshengro Tchaweste!

Louka 6:22 Referans Kwoze

Mateo 10:22

T'mer patsenn ap mande. Doleske venn i menshe rhoyedo ap t'mende. Kova, kay ačell zoreles tardo an o patsepen, yaake rah, har yob djivella, kova lell o Debleskro djipen.

1. Petro 3:14

T'mer krenn, hoy o Devel t'mendar kamella. Nay vell, te lenn le t'men doleske palla. Palle han barhtelo. Te denn le t'men trad, ma darenn! Ma trashenn lendar!

Johanni 16:2

Yon krenn t'men pale-čiddo. Oun ko tsiro vella, kay denn yon t'men moulo oun penenn: O Devel kamas kova yaake.

Johanni 7:7

I menshe hi gar čilačo ap t'mende. Ap mande hi le čilačo. Me penom lenge, kay kova, hoy yon krenna, čilačo hi.

Jesaja 66:5

Shounenn, hoy o baro Devel penell, t'mer, kay glan leskro lab darenna. T'mer rikrenn pash mande, doleske rhoyrenn pen t'mare phrala pral t'mende, oun čivenn t'men pale, oun praasenn t'men oun penenn: Mou sikrell o baro Devel peskro barepen oun peskri zoor, te dikas mer, har yob t'men barhteles krell! Kolla hounte ladjenn pen palle.

Johanni 12:42

Ninna boud kol pralstoune biboldendar patsan ap leste. Oun yon penan či i vavarenge, kay yon ninna ap o Yezouseste patsenna. Yon daran i Farisarendar, te venn le lendar gar pale-čiddo kerdo.

Jesaja 65:5

Oun yon penenn i vavarenge: Ač krik touke, ma tape man an! Me taprom ko koova miro deblestar an. Save menshe, penell o baro Devel, nay dikau me gar glan i yaka. Miri rholi pral lende hi har i yag, hoy o tselo dives rhačell.

Bičepangre 24:5

Mer djinah, kay kava morsh čilačo hi, oun kay yob čingepen krella mashkral kol tsele biboldende, kay ap i tseli phoub djivenna. Yob hi i pralstouno rakepaskro kolendar, kay patsenna ap o Yezous dran Nazaret.

Bičepangre 9:16

Me kamau leste te sikrell, kay hounte lell yob boud douka mange ap peste.”

Johanni 17:14

Me penom lenge tire laba. Yon hi gar kay phoubyatar, yaake har me hom vitar gar kay phoubyatar. Doleske hi i menshe ap kay phoub rhoyemen ap lende.

Louka 21:17

Hakeno hi rhoyedo ap t'mende doleske, kay patsenn t'mer ap mande.

Mateo 10:39

Koon kamell peskro djipen te rikrell, kova nashrell les. Koon peskro djipen mange nashrella, kova lell les pale.

Bičepangre 22:22

Har kol tsele menshe o Pauleskre laba shounan, dan le lauter gole: “Anenn les krik oun denn les moulo!”

Johanni 9:34

Koy penan yon ap leste: “Tou, kay boldo hal an o čilačepen, kameh kanna maro sikepaskro te vell?” Oun yon vitsran les vin.

Louka 20:15

Oun yon vitsran les dran ko drakengro them vin, oun maran les. Hoy krell kanna ko ray pral ko drakengro them i harhentsa?

Mateo 10:18

T'mer patsenn ap mande. Doleske anenn le t'men glan i pralstunende oun glan i bare rayende, te rakrenn yon i phagi vin pral t'mende. Kova vell ap t'mende, te rakrenn t'mer mandar glan lende oun glan kolende, kay o Debles gar prindjrenna.

Louka 6:21

Barhtele han t'mer, kay kanna bokenna. T'mer venna čalo. Barhtele han t'mer, kay kanna rovenna. T'mer san pale.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.