Louka 5:20 - O Debleskro Lab 2024 (Sinte-Manouche)

²⁰ Oun o Yezous dikas lengro patsepen, oun penas ap ko morsheste, kay nasselo hi: “Čava, me lau tiri doosh toutar.”

O Debleskro Drom 2021 (Sinte)

²⁰ Un o Jesus dikas lengro patsepen, un penas ap ko mursheste, kai nasselo hi: “Tchawa, me lau tiri doosh tutar.”

Louka 5:20 Referans Kwoze

Bičepangre 14:9

Kova shounas, hoy o Paulo rakras. Oun har o Paulo hayvas, kay yob patsella, kay o Yezous nay krell les sasto, dikas lo ap leste,

Mateo 9:2

Oun yon anan i morshes pash leste. Kova nashte nashell gar oun his ap o čiben čiddo. Oun har o Yezous kolengro patsepen dikas, penas lo ap ko morsheste: “Ma traash, miro čavo! Me lau tiri doosh toutar.”

Louka 7:48

Oun o Yezous penas ap late: “Tiri doosh hi toutar krik lino.”

Kolossarja 3:13

te rhoyrell pes kek sik pral o vavareste. Oun bistrenn ko čilačo koova, hoy i vavar ap t'mende kran! Yaake har o ray, o Yezous Kristo, t'mari doosh bistras, hounte krenn t'mer kova ninna.

Johanni 2:25

Yob djinas, har i menshe hi. Leske hounte penell kek, hoy an o mensheskro dji hi.

Markus 2:5

Har o Yezous lengro patsepen dikas, penas lo ap koleste, kay nay nashell gar: “Miro čavo, me lau tiri doosh toutar.”

Jakobo 2:18

Kanna nay vell yek, kay penella: “Yekes hi patsepen oun i vavar krell lačo koova.” Koleske penau me: Sike mande o patsepen kolestar, kay krell kek lačo koova. Miro patsepen sikrau toute dran kova, hoy me krau.

2. Korintarja 2:10

Te bistrenn t'mer o čilačepen, hoy o vavar ap t'mende kras, palle bistrau me kova ninna. Ava, te dals čomone, hoy hounte bistroms me, palle bistrom me kova t'menge. Kova djinell o Yezous Kristo.

Jesaja 38:17

Dik, kova his mange mishto, te vom nasselo: An tiro kamlepen tserdal tou miro djipen vin dran o merepen. I tseli doosh, hoy me ap mande anom, vitsral tou pal tiro doumo.

Bičepangre 11:23

Har yob koy his oun dikas, hoy o Devel an peskro baro lačepen kote lauter kras, vas lo barhtelo oun mangas len, te ačenn le pengro tselo djiyeha pash o Yezouseste.

Johanni 5:14

Pal i tsiro tapras o Yezous ko morshes pale an o Debleskro baro kheer. “Tou hal kanna sasto,” penas lo ap leste, “kre kek čilačo koova bouder, te vell gar boudeder ap toute har ko nasslepen!”

1. Mose 22:12

Penas o bolepaskro: “Tape kol čaves gar an! Oun kre les či! Kanna djinau me, kay shouneh o tselo djiyeha ap o Debleste oun kreh, hoy yob penell. Tou rikral tiro yek čaves mandar gar pale.”

Mateo 9:5

Hi kova phareder, te penap ap leste: Me lau tiri doosh toutar, har te penap: Ste pre oun dja khere?