Louka 4:5 - O Debleskro Lab 2024 (Sinte-Manouche)

⁵ Palle anas les o beng ap i berga, oun sikras leste ap yek kopo i tsele themma ap i phoub.

O Debleskro Drom 2021 (Sinte)

⁵ Palle anas les o beng ap i berga, un sikras leste ap jek kopo i tsele themma ap i phub.

Louka 4:5 Referans Kwoze

Efesarja 6:12

Mer kourah men gar i menshentsa. Na-a, čilače zorya hi mashkral o bolepen oun i phoub, kay venna o bengestar. Kolen hi penepaske an kava čilačo tsiro. Kolentsa kourah men.

1. Korintarja 15:52

Kova vell ap yek kopo, yaake sik, har kek nay dikella. Ap ko tsiro shounah mer i bashepaskri, kay yek dren phourdell. Te shounah mer koy bashepaskri, stenn i moule pre, oun venn djido. Oun mer, kay gomme djivah, vah vin lino dran kova, hoy mer kanna ham, oun vavarčandes kerdo.

Mateo 4:8

Pal kova anas les o beng ap i bari berga pre, oun sikras les i tsele themma ap i phoub oun lengro bravlepen,

Debleskri gili 73:19

Ap yek kopo hi le bouder gar koy. Lengro merepen nay vals gar djoungleder!

Hiob 20:5

vell koy barhteli gole kol čilačendar kokres i tikno tsiro shounlo. Oun koy barht kolestar, kay kamell či o Deblestar te djinell, djal sik trouyel.

Efesarja 2:2

T'mer djan ap o čilačo drom, yaake har i vavar menshe, oun shounan ap o bengeste. Kova hi o ray pral i čilače zorya mashkral o bolepen oun i phoub. Oun yob boudrell an i djia kolendar, kay shounenn gar ap o Debleste.

2. Korintarja 4:17

Ko pharo koova, hoy mer kanna hidjrah, hi tikno oun djal peske. Pal kova vell i baro raylepen. Kova hi shoukeder har halauter, hoy kanna djinah, oun djal peske gar.

1. Korintarja 7:31

Kay phoub oun lauter, hoy koy pre hi, ačella gar. Doleske pandenn t'men gar ap ko koova, hoy i menshenge ap kay phoub yaake boud moldo hi!

Mateo 24:14

Ap i tseli phoub vell i menshenge ko lačo lab penlo, kay o Devel kamell len dran o čilačepen te lell oun kamell lengro ray te vell. I menshe an hake themma hounte shounenn ko lab. Oun palle vell ko tsiro, kay hi o Devel o ray pral lauterende.