Louka 22:64 - O Debleskro Lab 2024 (Sinte-Manouche)

⁶⁴ Oun yon pandan leskre yaka, oun penan: “Pen menge, koon das tout!”

O Debleskro Drom 2021 (Sinte)

⁶⁴ Un jon pandan leskre jaka, un penan: “Pen menge, koon das tut!”

Louka 22:64 Referans Kwoze

Čačepangre 16:25

Oun har lengre djia barhteles his, penan le: “Anas mer o Simsones kay! Yob krell menge dinelo koova, te nay sanas pral leste!” Oun yon lan o Simsones dran o stilepen. Oun yob hounte kras dinelo koova, te nay san le pral leste. Oun yon čivan les kote, kay serves oun čačes lestar bare barra yek ap o vavareste pre-čidde his, te hidjrenn le o kheer.

Čačepangre 16:21

Oun i Filistarya tapran les, oun dan leske i yaka vin čourye. Oun yon anan les tele an o foro Gaza oun pandan les sasterne shellentsa. Oun an o stilepen hounte kras lo o djob tiknes an i djobeskri.

Mateo 26:68

oun penan ap leste: “Tou, baro ray, pen menge, koon das tout?”

Markus 14:65

Koy van morsha oun čoungran leske an o mouy, pandan leske čomone troul leskre yaka, dan les oun penan ap leste: “Pen menge, koon das tout?” Oun i lourde dan les an o mouy.