Louka 20:20 - O Debleskro Lab 2024 (Sinte-Manouche)

²⁰ Yon lan o Yezouses an o yak. Oun yon bičran morshen, kay kran, har te vans le lačo. Oun kolla poučan boud koova lestar, te dikenn le, hoy yob penals, yaake te nay taprenn le les an leskro rakepen, oun te nay denn le les an i Remaryengre vasta.

O Debleskro Drom 2021 (Sinte)

²⁰ Jon lan o Jesuses an o jak. Un jon bitchran murshen, kai kran, har te wans le latcho. Un kolla putchan bud koowa lestar, te dikenn le, hoi job penals, jaake te nai taprenn le les an leskro rakepen, un te nai denn le les an i Remarjengre wasta.

Louka 20:20 Referans Kwoze

Louka 11:54

Oun yon dan yak ap hako lab lestar, te nay taprenn le les leskre labentsa.

Mateo 27:2

Oun yon pandan les, oun anan les pash o themeskro rayeste. Leskro lab his Pilato. Yob his i Remari. An leskre vasta dan le o Yezouses.

Jeremia 11:19

Me homs har i terno bakro, kay djinell gar, te vell lo kote anlo, kay vell lo maredo. Yaake djinom gar, kay rakran le khetne, har te krenn le mange čilačepen. Yon penan mandar, har te voms i rouk: Mer dah ko rouk tele, yaake rah har hi lo sasto. Maras les, te vell lo bistedo!

Debleskri gili 81:15

Sik anoms ladj ap kolende, kay ap lende djan, oun čivoms miro vast phares ap lende.

2. Petro 2:3

Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.

Louka 20:26

Oun kote glan i menshende nay tapran le les gar an leskro rakepen, oun kran bare yaka pral kova, hoy yob penas, oun djinan bouder gar, hoy te penenn le.

Markus 3:2

Oun yon dikan ap leste, oun poučan pendar: “Krell lo kanna kava morshes ap o Debleskro dives sasto?” Yon rodan čomone, te nay anenn le les glan i čačepangre.

Jeremia 20:10

Me shounau, har boud menshe čorrhanes rakrenna: “Yob krell menge či har traash. Anas doosh ap leste! Sikras les an!” Ninna mire mala lourenn koy pre, te perap. “Dikas, te anas les yaake dour, te penell yob čomone, hoy gar mishto hi. Palle dah les pale, hoy lo mentsa kras!”

Jeremia 18:18

Koy hi menshe, kay penenn: Avenn, te rakras koy pral, havo čilačepen mer nay krah ap o Yeremia. Men hi doha rashaya, kay nay sikrenn men maro drom, oun doha goseve, kay nay penenn menge, hoy te kras, oun doha Debleskre rakepangre, kay nay penenn menge o Debleskre laba. Mer tapras les leskre labentsa, oun das či ap leskro rakepen!

Debleskri gili 66:3

Penenn ap o Debleste: Har baro hi kova lauter, hoy tou kral. Kolla, kay tout gar kaman, hounte čivenn pen tele glan toute, glan tiri bari zoor!

Debleskri gili 38:12

Mire mala oun mire menshe darenn glan miro nasslepen. Oun kolla, kay pash mande djivenna, hi dour mandar krik tardo.

2. Samuel 14:2

Oun yob bičras yekes an o gab Tekoa, oun moukas kotar i gosevi djouvyat te anell, oun penas ap late: “Kre yaake har te vals i djouvel, kay rovell pral yekeste, kay meras! Oun rib touke i kalo ripen an, oun mak tout gar o djeteha dren! Kre yaake har i djouvel krella, kay lake rah tsiro ropaske hi pral koleste, kay meras.

Daniel 6:4

Oun o Daniel his gosveder oun feteder har kol tsele vavar raya oun pralstoune. Oun doleske his o baro rayes an peskro dji, te čivell lo les pral o tselo rayeskro them.

Louka 20:21

Oun yaake penan le ap leste: “Sikepaskro, mer djinah, te dareh tou kekestar. Oun tou peneh o čačepen i menshenge an o mouy. Oun tou sikreh lende o Debleskro drom.