Louka 2:47 - O Debleskro Lab 2024 (Sinte-Manouche)

⁴⁷ Lauter, hoy shounan, hoy yob lenge penas, kran bare yaka, yaake gosevo his kava čavo.

O Debleskro Drom 2021 (Sinte)

⁴⁷ Lauter, hoi shunan, hoi job lenge penas, kran bare jaka, jaake gosewo his kau tchawo.

Louka 2:47 Referans Kwoze

Mateo 7:28

Oun har o Yezous kova lauter penas, kran kol boud menshe, kay troul leste his, bare yaka.

Louka 4:32

Oun yob rakras yaake bari zoryah, te kran le bare yaka pral kova, hoy yob lenge penas.

Debleskri gili 119:99

Me rakrau miro djiyeha pral tire laba, hoy menge sikrenn, har te djivas. Doleske hayvau boudeder har mire sikepangre.

Johanni 7:15

Koy kran i pralstoune bibolde bare yaka, oun penan: “Har nay djinell yob yaake boud? Kek anas leske kova pashel.”

Markus 1:22

Oun yon kran bare yaka pral kova, hoy yob lenge penas. Yob rakras bari zoryah oun gar yaake har i biboldengre čačepangre rakrenna.

Johanni 7:46

“Har kava morsh rakras, shounam mer maro tselo djipen gar!” penan i kliste ap lende.

Louka 4:22

Lauter rakran lestar mishto, oun leskro rakepen his lenge pherdo lačepen. Oun yon kran bare yaka. Oun yon penan: “Hi kava gar o Yosefeskro čavo?”

Mateo 13:54

Oun yob djas an peskro dadeskro foro, oun penas i menshenge o Debleskro lab an lengri kangri. Oun yon kran bare yaka oun penan: “Koon das les ko gosvepen oun koy zoor, te nay krell lo savo baro koova?

Mateo 22:33

Kolla boud menshe, kay troul o Yezouseste tardo his, kolenge ačas o rakepen krik, har yon kova lestar shounan.

Markus 6:2

Ap o Debleskro dives djas lo an i biboldengri kangri oun sikras i menshende o Debleskro drom. Oun boud menshe, kay shounan les, kran bare yaka pral kova, hoy yob penas. Yon penan: “Koon penas leske kova lauter? Koon das les savo gosvepen? Kay vell leskri bari zoor, te nay krell lo savo baro koova?”

Markus 11:18

Oun kova shounan i bare rashaya oun i biboldengre čačepangre. Oun yon dikan, har kran i tsele menshe bare yaka pral leskro rakepen. Doleske daran le lestar oun rodan, har te nay marenn le les.

Louka 2:46

Pal triin divessa hatsan le les an o Debleskro baro kheer. Oun yob his beshdo mashkral i sikepangre. Oun yob shounas, hoy yon rakran, oun yob poučas boud lendar.

Louka 2:18

Oun lauter kran bare yaka, har yon shounan, hoy i bakrengre lenge penan.