Louka 2:41 - O Debleskro Lab 2024 (Sinte-Manouche)

^41-42 Hako bersh, har van kol bare divessa, kay kharenna Passa, djan i Maria oun o Yosef an o foro Yerusalem. Oun har o Yezous deesh-te-douy bersha phouro his, lan yon les peha.

O Debleskro Drom 2021 (Sinte)

^41-42 Hako bersh, har wan kol bare diwessa, kai kharenna Passa, djan i Maria un o Josef an o foro Jerusalem. Un har o Jesus deesh-te-dui bersha phuro his, lan jon les peha.

Louka 2:41 Referans Kwoze

5. Mose 12:18

Kova vell anlo glan t'maro baro Debleste ap koy platsa, hoy yob peske vin rodell. Kote rhan t'mer les, t'mer oun t'mare čave oun ča, oun t'mare boudepangre, morsha har djouvya, oun i Levitarya, kay pash t'mende djivenn. Avenn barhtelo glan t'maro Debleste pral halauter, hoy t'mare vastentsa khetne lan.

Johanni 2:13

Glan kol biboldengre bare divessa, kay kharenna Passa, djas o Yezous an o foro Yerusalem.

1. Samuel 1:21

O vavar bersh, har djas o Elkana pale pre peskri tseli familyah har hako bersh, te anell lo o baro Debleske i firhes, hoy vell leske rhačedo, ninna yekes, te rikrell lo peskri sovel, hoy yob das,

1. Samuel 1:3

Oun ko morsh djas hako bersh vin dran peskro foro, te mangell lo an o foro Shilo o baro Debles an, ko rayes pral o bolepen oun i phoub, oun te anell lo leske i firhes, hoy vell leske maredo. Kote his douy phrala o baro Debleskre rashaya: o Hofni oun o Pinhas. Kolengro dad his o Eli.

5. Mose 16:16

Triin kope an o bersh hounte venn t'mare tsele morsha glan t'maro baro Debleste ap koy platsa, hoy yob peske vin rodell: ap kol bare divessa, kay rhan kek maro dran shoutlo yarro, oun ap ko baro dives, kay anenn o baro Debleske o nevo djobestar, hoy t'mer dren anan, oun ap kol divessa, kay djivenn an patyengre khera. Oun kek vell, koles či pash peste hi, hoy yob o baro Debleske anella.

5. Mose 12:11

Palle hi vavarčandes har kanna: Palle anenn kova, hoy denn o baro Debleste, ap koy platsa, hoy yob peske vin rodas, te vell lo kote an-mangedo. Kote anenn lauter, hoy me t'menge penau: kol firhen, hoy kamenn leske te marell, save, hoy venn leske tseles rhačedo oun save, hoy rhan khetne. Kote anenn ninna o deshto kotar kolestar, hoy dren anan, oun ko vavar koova, hoy glan činlo hi, oun kova hoy denna yaake har t'men sovel dan.

4. Mose 28:16

Ap o deesh-te-starto dives an o ersto čon hi ko dives, hoy hi o baro Debleske, oun hoy kharell Passa.

3. Mose 23:5

Ap o 14. (deesh-te-starto) dives an o ersto čon, har o kham tele djas, vell ko dives, hoy hi o baro Debleske. Kava dives kharell Passa.

2. Mose 34:23

Ap kol bare divessa, triin kope an o bersh, hounte venn i tsele morsha glan mande, lengro rayeste. Me hom o baro Devel, o Devel pral o Israel.

2. Mose 12:14

Bistrenn kava dives gar! Krenn lestar i baro dives, kay sharenn o baro Debles, t'mer oun t'mare čave, kay venna pal t'mende! Hako bersh vell kava yaake pash t'mende kerdo kanna oun hako tsiro.

Johanni 13:1

His o dives glan kol bare divessa, kay kharenna Passa. O Yezous djinas, kay leskro tsiro vas, te moukell lo i phoub, te djal lo pale pash peskro dadeste. O tselo tsiro kamas lo kolen o djiyestar, kay leskre his. Oun yob moukas gar tele, te kamell lo len.

Johanni 11:55

His i tikno tsiro glan kol bare biboldengre divessa, kay kharenna Passa. Dran ko tselo them van i menshe an o foro Yerusalem, te thovenn pen le an o pani glan o Passa, yaake har i biboldengro koova hi.

Johanni 6:4

His i tikno tsiro glan i biboldengre bare divessa, kay kharenna Passa.

2. Mose 12:11

Yaake hounte rhan les: troul t'maro per i dori pandlo, i kirrha ap t'mare herya, oun i kasht an t'maro vast. Rhan o rhapen sik! Ko rhapen kharell Passa. T'mer rhan les, te sharenn man, t'maro baro Debles.