Louka 2:39 - O Debleskro Lab 2024 (Sinte-Manouche)

³⁹ Oun har i Maria oun o Yosef lauter yaake kran, har an o Debleskro lab činlo his, djan le pale an pengro foro Nazaret, hoy an o them Galilea hi.

O Debleskro Drom 2021 (Sinte)

³⁹ Un har i Maria un o Josef lauter jaake kran, har an o Debleskro lab tchinlo his, djan le pale an pengro foro Nazaret, hoi an o them Galilea hi.

Louka 2:39 Referans Kwoze

Louka 2:4

Oun o Yosef djas peskri pirnyah, i Maria, dran o foro Nazaret, hoy an o them Galilea čiddo hi. Oun yon djan an o foro Betlehem an o them Youdea, te moukenn le kote pengre laba pre te činell. An ko foro his o baro ray David glan i rah tsiro boldo. Oun o Yosef his o Davideskre menshendar. I Maria his ap ko tsiro an vavar koova.

Mateo 3:15

Koy penas o Yezous ap leste: “Mouk kova kanna yaake te vell! Hi mishto menge, te kras kova lauter, hoy o Devel mendar kamella.” Oun o Yohanni kras, hoy o Yezous leske penas,

Louka 2:51

Palle djas lo lentsa pale an o foro Nazaret, oun kras lauter, hoy yon penan leske. Leskri day rikras kol tsele laba, hoy o Yezous penas, an peskro dji.

Louka 1:6

O Zakari oun i Elisabet his lačo an o Debleskre yaka. Oun yon shounan ap o Debleste, oun kran lauter, hoy an o Debleskro lab činlo his.

Louka 1:26

Ap ko tsiro har i Elisabet o shobto čon an vavar koova his, bičras o Devel o bolepaskres, o Gabriyeles, pash i terni čate. Lakro lab his Maria. Yoy djivas an o foro Nazaret. Kova hi i foro an o them Galilea. Oun kolakro pirno kharas Yosef. O Yosef his o Davideskre menshendar.

Louka 4:16

Oun yob vas an o foro Nazaret, kay yob baro vas. Ap o Debleskro dives djas lo an i biboldengri kangri, har yob kova hako Debleskro dives kras. Oun yob stas pre, te draverell lo an o Debleskro lab.

Louka 4:23

O Yezous penas: “Čačepah, t'mer penenna: Dramaskro, kre tout kokres sasto! Tou kral sau baro koova an o foro Kapernaum. Kre kova kate ninna!