Louka 15:18 - O Debleskro Lab 2024 (Sinte-Manouche)

¹⁸ Me kamau pash miro dadeste te djal, te penap: Tata, me krom i čilačo koova, kay me djom toutar oun o Deblestar krik.

O Debleskro Drom 2021 (Sinte)

¹⁸ Me kamau pash miro dadeste te djal, te penap: Tata, me krom i tchilatcho koowa, kai me djom tutar un o Deblestar krik.

Louka 15:18 Referans Kwoze

Ropaskre gilja 3:40

Dikas ap maro djipen, har mer djivah, oun rissras trouyel pash o baro Debleste.

Louka 15:21

Koy penas o čavo ap leste: Tata, me krom i čilačo koova, kay me djom toutar oun o Deblestar krik. Oun me hom gar moldo, te ačap tiro čavo.

Louka 18:13

Ko pale-čiddo ačas palla tardo, oun hadas gar peskro shero pre. Oun yob das ap peskro beč, te sikrell lo, kay leskro čilačo koova khaytas les, oun penas: Miro Devel, me hom i čilačo morsh. Dik ap mande oun ab mange lačo!”

Mateo 6:14

T'mer te bistrenn o čilačo koova, hoy i vavar ap t'mende kran, palle bistrell t'maro dad an o bolepen ninna o čilačepen, hoy t'mer kran.

Jeremia 3:19

Me, o baro Devel penom, har nay rikrau me tout, har te vess tou miro čavo? Kamoms te dap tout ko lačo them, ko shoukester kotar them i tsele themendar. Oun patsom, tou peness palle ap mande kamlo tata, oun djals bouder gar mandar krik.

Debleskri gili 25:11

Baro Devel, kre tiro lab baro, oun le miri doosh mandar krik, hoy yaake bares hi!

Mateo 6:9

T'mer te rakrenn o Debleha, penenn: Maro dad an o bolepen. Tiro lab vell sharedo!

Mateo 3:6

Oun yon penan glan i menshende havo čilačo koova yon kran, oun moukan pen lestar an o pani Yordan te taufrell.

Jeremia 31:20

Efrayim, tou hal miro kouč čavo, miro čavo, koles kamau boud! Hako kopo, kay hounte dap les trad, vell lo mange gar dran o shero. Miro dji dell zoreles an mande: me hounte vap leske lačes, penell o baro Devel.

Jesaja 63:16

Tou hal maro dad. O Abraham djinell či mendar, oun o Yakob prindjrell men gar. Tou, baro Devel, hal maro dad, kova kay men vin las dran o them Egiptia. Glan rah tsiro kral tou touke koleha i baro lab.

Gosewe laba 23:13

Ma rike tout pale, te dess tiro čaves i phagi. Te deh les o kashteha, merell lo kolestar gar.

Mateo 7:11

Ninna te han t'mer čilače menshe, denn t'mer t'mare čaven lačo koova. Har boud boudeder dell t'maro dad an o bolepen lačo koova kolen, kay les mangenna.

2. Familjakro liil 33:19

An o liil, hoy i dikepangre činan, hi činlo, har o Manasse o baro Debles mangas, oun har kova les shounas, ninna leskri tseli doosh, oun har lo o baro Debles moukas, oun kay lo moulne platse kras, oun rhorhene deblen pre čivas, ninna koy figura, hoy i Ashera sikras, – kova lauter, hoy lo kras, glan te dikas lo peskri doosh dren glan o baro Debleste.

Louka 11:2

Penas o Yezous ap peskre malende: “Te rakrenn o Debleha, penenn: Maro dad, tiro lab vell sharedo. Te vell ko tsiro sik, kay tou o ray hal pral i tseli phoub!

Jona 3:9

Koon djinella? – Kova, hoy o Devel kamas te krell, nay khaytell les, oun yob moukell peskri rholi gar pral mende te vell, te meras gar halauter.”

Jona 2:4

Tou vitsral man dour tele an o baro pani. Zorele panya his troul mande. Tire tsele panya djan pral oun tele oun phagan pral mande khetne.

Daniel 4:26

Har 12 (deesh-te-douy) čonna trouyel his, oun yob pral ap peskro kheer an o foro Babilon trouyel djas,

Ropaskre gilja 3:29

Peskro mouy mou čivell lo tele an i čik, Nay vell i tsiro, kay djal leske pale feteder.

Louka 15:17

Oun yob penas ap peste: Miro dades hi boud boudepangre. Kolen hi boud te rhal, oun me merau kate i bokatar.

Louka 15:19

Me hom gar moldo, te ačap tiro čavo. Le man pash toute pre, te vap tiro boudepaskro!