Louka 13:14 - O Debleskro Lab 2024 (Sinte-Manouche)

¹⁴ Koy rhoyras pes ko pralstouno an i biboldengri kangri, kay o Yezous koy djouvyat ap o Debleskro dives sasto kras. Oun kova penas ap i menshende: “Mer hounte boudras shob divessa. Avenn an kolla divessa, te moukenn t'men sasto te krell, oun gar ap o Debleskro dives!”

O Debleskro Drom 2021 (Sinte)

¹⁴ Koi choiras pes ko pralstuno an i biboldengri kangri, kai o Jesus koi djuwjat ap o Debleskro diwes sasto kras. Un kowa penas ap i menshende: “Mer hunte budras shob diwessa. Awenn an kolla diwessa, te mukenn tumen sasto te krell, un gar ap o Debleskro diwes!”

Louka 13:14 Referans Kwoze

2. Mose 20:9

Shob divessa dja ap tiri boudi oun kre tiri tseli boudi!

Mateo 12:2

Kova dikan i Farisarya oun penan ap o Yezouseste: “Dik, tire mala krenn ap o Debleskro dives, hoy hi gar pal o biboldengro čačepen.”

Louka 6:7

I biboldengre čačepangre oun i Farisarya dikan ap o Yezouseste, oun poučan pendar: “Krell lo kava morshes ap o Debleskro dives sasto?” Yon kaman čomone ap leste pre te anell, te anenn le les nay glan i čačepangre.

Louka 8:41

Koy vas i morsh pash o Yezouseste. Leskro lab his Yayro. Yob his i pralstouno an i biboldengri kangri. Kova vitsras pes glan o Yezouseste tele, oun mangas les, te vell lo an leskro kheer.

Markus 5:22

koy vas i pralstouno pral i biboldengri kangri. Leskro lab his Yayro. Har dikas lo o Yezouses, peras lo glan leste tele,

Remarja 10:2

Me djinau čačepah, yon krenn boud koova o tselo djiyeha o Debleske. Ninna te krenn le kova, djinenn le čačepah gar, hoy o Devel kamella.

Bičepangre 18:17

Koy tapran kol bibolde o Sostenes, kol pralstounes pral i biboldengri kangri, oun dan les dava glan o Gallio, oun kova dikas kova, oun kras či.

Bičepangre 18:8

O Krispo, ko pralstouno pral i biboldengri kangri, vas peskre tsele menshentsa patslo ap o rayeste, o Yezouseste. Ninna boud menshe an o foro Korint van patslo oun moukan pen te taufrell.

Bičepangre 13:15

Koy pal, har i bibolde dran kol lila glan draveran, hoy o Mose oun o Debleskre rakepangre činan, moukan lenge kol pralstoune pral i biboldengri kangri te penell: “Mare phrala, te kamenn t'mer menge i lab te penell, hoy krell men zorelo an o patsepen, penenn les menge!”

Louka 6:11

Koy van yon rhoyedo ap o Yezouseste, oun rakran khetne, hoy yon o Yezouseha nay krans.

Ezekiel 20:12

Ninna čivom o dives dren, hoy mange hi, kay hounte boudrenn le gar. Ko dives his o sikepen koleske, hoy vin kram. Yaake kamom, te djinenn i Israelitarya, kay me, o baro Devel, rodom len mange vin, te venn le mire menshe.

3. Mose 23:3

Rikrenn o Debleskro dives! Shob divessa boudrenn, ap o eftato dives krenn kek boudi! Ko dives hi o baro Debleske. Ap leste avenn khetne glan leste! Ap kava dives krenn kek boudi, kay t'mer ninna djivenna!

2. Mose 23:12

Shob divessa boudress tou! Ap o eftato dives boudress tou gar! Ninna tire groumya, tiri bourika, tire boudepangre oun i vi-themarya, hoy pash toute hi, boudrenn ap ko dives gar, yaake te nay lenn le pale nevi zoor.

5. Mose 5:13

Shob divessa dja ap tiri boudi oun kre tiri tseli boudi!

Ezekiel 34:21

T'mer zorele, t'mer dan i spildini kolenge, kay len kek zoor hi, oun dan t'mare shingentsa an lende dren, yaake rah bis te tradan len vin t'mendar.