Louka 12:7 - O Debleskro Lab 2024 (Sinte-Manouche)

⁷ Ninna djinell o Devel kitse balla ap t'maro shero hi. Doleske ma darenn! T'mer molenna boudeder har boud čirkle.

O Debleskro Drom 2021 (Sinte)

⁷ Ninna djinell o Dewel kitse balla ap tumaro shero hi. Doleske ma darenn! Tumer molenna budeder har bud tchirkle.

Louka 12:7 Referans Kwoze

Mateo 6:26

Dikenn ap i čirkle! Yon vitsrenn kek djob an i phoub, te vell lo baro. Vitar gar anenn le o baro djob dren, te čivenn le les an o djobeskro kheer. T'maro dad an o bolepen dell len te rhal. T'mer han boudeder moldo har yon.

Louka 21:18

Čačepah, me penau t'menge: Kek bal ap t'maro shero djal nashedo.

2. Samuel 14:11

Penas li: “De man tiro lab pash o baro Debleste, kay tiro Devel hi, te krell ko morsh kava koova gar gomme djoungleder, kay kamell o rat miro moulo čavestar ap o shero miro vavar čavestar te anell, oun koles te marell.” Penas o baro ray: “Pash o djido Debleste, kek bal tiro čavestar perella ap i phoub.”

1. Samuel 14:45

I Israeleskre morsha penan ap o Saul: “Hounte merell o Yonatan, kay ko baro koova kras oun las o Israel vin? Kova krah mer gar! Pash o djido Debleste dah men sovel: Kek bal te perell tele leskro sherestar! O Devel his ap leskri rig, doleske nay kras yob kava dives sau baro kova.” Yaake lan i morsha o Yonatanes vin dran o merepen. Oun yob vas gar maredo.

Bičepangre 27:34

Doleske mangau t'men: Rhan kanna čomone! Kova hounte krenn, te ačenn djido. Kek t'mendar nashrell i bal ap o shero.”

Debleskri gili 8:6

Tou kral les gar boud tikneder har tout kokres. Baro oun raylo kral tou les.

Mateo 12:12

I mensho hi boudeder moldo har i bakro. Yaake hi kova čačo, te krah mer i menshes ap o Debleskro dives sasto.”

Hiob 35:11

Yob kras, te djinas mer boudeder har i firhe ap i phoub, oun kras men gosveder har i čirklen tel o bolepen.