Louka 1:64 - O Debleskro Lab 2024 (Sinte-Manouche)

⁶⁴ Ap yek kopo nay rakras o Zakari pale, oun sharas o Debles.

O Debleskro Drom 2021 (Sinte)

⁶⁴ Ap jek kopo nai rakras o Zachari pale, un sharas o Debles.

Louka 1:64 Referans Kwoze

Louka 1:20

Ap o čačo tsiro vell kova yaake, har touke penom. Tou patsal mire laba gar, oun doleske lell o Devel tiro rakepen yaake rah krik, bis te vell ko dives, kay kova lauter vella.”

Jeremia 1:9

Oun o baro Devel čivas peskro vast ap miro mouy, oun penas ap mande: Dik, me čivau mire laba an tiro mouy.

Ezekiel 33:22

I rati glan kova vas o vast o baro Deblestar phares ap mande. Kanna ap koy tsalla, kay kova pash mande vas, kras o baro Devel miro mouy pre, yaake te nay rakrom pale.

Debleskri gili 51:15

Kolen, kay shounenn gar ap toute, kamau me tiro drom te sikrell, te moukenn le pengro čilačo drom, oun venn pale pash toute.

Mateo 9:33

Oun o Yezous tradas o benges vin. Har ko beng vin his, nay rakras ko morsh pale. Oun kol boud menshe, kay kote tardo his, kran bare yaka oun penan: “Kek tsireske vas savo koova an o them Israel diklo.”

Ezekiel 3:27

Ap ko tsiro kay rakrau pale touha, krau me tiro mouy pre. Oun tou peness palle ap lende: Kava penell o baro Devel, maro ray … Koon kamell te shounell, kova shounell ap toute. Koon kamell gar te shounell, kova shounell gar ap toute. Yon hi menshe, kay moukenn pen či te penell.

Jesaja 12:1

I dives vella, kay i menshe an Yerusalem givenna: Me sharau tout, baro Devel! Ava, tou hals rhoyedo ap mande. Kanna hal bouder gar rhoyedo oun rakreh lačes mantsa.

Ezekiel 29:21

An ko tsiro moukau me o kheer Israel pale zoreles te vell. Oun touke, Ezekiel, krau o mouy pre, te rakress mire laba mank lende. Palle dikenn oun hayvenn le, te hom me o baro Devel.

2. Mose 4:11

Pale penas o baro Devel ap o Moseste: “Koon krell, te nay rakrenn i menshe? Oun koon krell kova, te nay rakrell oun shounell yek gar? Koon krell kova, te nay dikenn le? Oun koon krell, te nay dikell yek gar? Hom kova gar me?