Louka 1:6 - O Debleskro Lab 2024 (Sinte-Manouche)

⁶ O Zakari oun i Elisabet his lačo an o Debleskre yaka. Oun yon shounan ap o Debleste, oun kran lauter, hoy an o Debleskro lab činlo his.

O Debleskro Drom 2021 (Sinte)

⁶ O Zachari un i Elisabet his latcho an o Debleskre jaka. Un jon shunan ap o Debleste, un kran lauter, hoi an o Debleskro lab tchinlo his.

Louka 1:6 Referans Kwoze

1. Mose 7:1

Oun o baro Devel penas ap o Noah: “Dja an ko panyeskro kheer: tou oun tiri tseli familya. I tsele menshendar ap i phoub hal tou kokres lačo oun čačo glan mande.

1. Mose 17:1

O Abram his 99 (enya-deesh-te-enya) bersh phouro. Koy moukas pes o baro Devel glan leste te dikell, oun penas ap leste: “Me hom o zorelo Devel. Dja ap miro drom, te hatsap kek čilačepen ap toute!

Filiparja 2:15

Yaake djivenn t'mer, har mishto hi. Oun kek hatsell i doosh ap t'mende. T'mer han o Debleskre čave, oun djivenn mashkral kol menshende, kay hi čilačo oun nashran pen an boud dinelo koova. Mashkral kolende han t'mer har i momlia an i rati,

Bičepangre 24:16

Doleske krau lauter te djivap yaake, te vell man hako tsiro i djoudjo dji glan o Debleste oun glan i menshende.

1. Rajengro liil 9:4

Oun tou, te djiveh tou glan mande, har tiro dad, o David, glan mande djivas i djoudjo djiyeha oun kek rhorhepah, oun kreh halauter yaake, har me touke penom, oun mire laba rikreh, oun pal miro čačepen djiveh,

1. Tessalonikarja 3:13

Palle venn t'mare djia zorelo oun djoudjo. Oun o Devel, maro dad, hatsell kek doosh ap t'mende ap ko dives, kay vell o Yezous, maro ray, pale lauterentsa, kay leskre hi.

Hiob 1:1

An o them Ous djivas i morsh, kova kharas Hiob. Yob his an o čačepen tardo, oun kek doosh his ap leste. Yob mangas o Debles an, oun rikras pes dour krik o čilačepastar.

1. Johanni 2:3

Mer te krah kova, hoy o Devel menge penas, te kras, djinah mer, te prindjrah les.

2. Petro 3:14

Lače phrala oun phenya, t'mer kamenna, te vell ko dives sik. Doleske krenn lauter, te vell či mank t'mende oun o Debleste tardo! Djivenn yaake, te hi t'men i djoudjo dji, oun te hatsell o Devel kek doosh ap t'mende ap ko dives, kay venna glan leste tardo!

Hiob 1:8

Oun o baro Devel poučas o bengestar: “Dal tou ninna yak ap miro boudepaskro, o Hiob? Kek vavar hi ap i phoub, kay hi yaake har kova. Yob hi an o čačepen tardo, oun kek doosh hi ap leste. Yob mangell man an, oun rikrell pes dour krik o čilačepastar.”

1. Johanni 3:7

Čovale, moukenn t'men kekestar o Debleskro dromestar tele te anell! T'mer hounte djinenna, kolla, kay krenna, hoy čačo hi glan o Debleskre yaka, kolla hi an o čačepen tardo glan o Debleste yaake har o Yezous an o čačepen tardo hi glan o Debleste.

1. Johanni 2:29

T'mer djinenna: O Yezous Kristo kras, hoy čačo hi glan o Debleste. Yaake djinenn t'mer ninna: Kolla, kay krenn, hoy čačo hi glan o Debleste, kolla hi o Debleskre čave.

Kolossarja 1:22

Kanna van t'mer o Debleskre mala. Har peskro čavo t'menge meras, las lo t'mari doosh t'mendar oun kras t'men djoudjo oun erligo glan leste.

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

1. Korintarja 11:2

Me hom barhtelo pral t'mende, te bistran t'mer gar, hoy me t'menge penom. Kova, hoy shounom oun t'menge penom, krenn t'mer.

Bičepangre 23:1

O Paulo dikas ap kol pralstoune biboldende, oun penas: “T'mer morsha, mire phrala, o tselo djipen boudrom o Debleske, oun man hi i djoudjo dji.”

Debleskri gili 119:6

Te dau yak ap tire laba, krau či te hounte ladjap man.

Hiob 9:2

Čačepah, djinau te hi yaake. Har nay vell i mensho an o čačepen glan o Debleste?

2. Rajengro liil 20:3

“Ah, baro Devel, mangau tout, biste gar, kay djivom glan toute an o čačepen oun i djoudjo djiyeha oun krom, hoy mishto hi glan tire yaka.” Oun o Hiskiya rovas i baro ropen glan leste.

1. Mose 6:9

Kova hi ko liil, kay činlo hi pral o Noah peskre čaventsa. O Noah his i morsh, kay lačo oun čačo his. I tsele menshendar an ko tsiro kras yob kokres kek čilačepen. O Noah djivas o Debleha.

Louka 16:15

Koy penas o Yezous ap lende: “Glan i menshengre yaka kamenn t'mer lačo te vell. O Devel prindjrell t'maro dji. Hoy pash i menshende boud molella, hi či moldo an o Debleskre yaka.

5. Mose 5:33

Djan yaake ap leskro drom, har yob t'menge sikras! Palle ačenn djido, oun djal t'menge mishto. Oun t'mer nay djivenna i rah tsiro an ko them, hoy t'mer dren lenn, te vell lo t'maro.

1. Rajengro liil 15:5

O David kras, hoy glan o baro Debleskre yaka mishto his, oun rikras pes peskro tselo djipen ap kol tsele laba, hoy o baro Devel leske penas; vin lino hi ko koova, hoy kras lo ko morsheha Uriya, ko Hetari.

Louka 1:7

Len his kek čave. Yoy nay las kek. Oun yon douy his phouro.

Louka 2:25

Ap ko tsiro djivas an o foro Yerusalem i morsh. Leskro lab his Simeon. Kova patsas ap o Debleste, oun djivas yaake, har o Devel kova kamas. Oun yob dikas ap ko tsiro, kay lell o Devel i bibarht i Israeleskre menshendar krik. O Simeon his pherdo Debleskro Dourho.

Bičepangre 2:25

Ninna o David rakras o Yezousestar, har yob penas: Me dikau hako tsiro ap o Debleste, miro rayeste. Yob dell man zoor, te rikrap man ap leste.

Bičepangre 8:21

Kava koova, hoy mer krah, hi o Debleskro koova oun gar tiro koova. Tiro dji hi gar čačo glan o Debleste.

Remarja 8:4

Kova kras o Devel, te vas mer yaake čačo glan leste, har yob mendar kamella. Yob kras kova menge, kay djivah kanna o nevo djipen, hoy o Debleskro Dourho men das, oun bouder gar maro phouro djipen.

2. Familjakro liil 17:4

O Yosafat rodas o Debles peskre phourendar, oun djivas pal o Debleskre laba, – oun gar yaake har i bare raya pral Israel djivan.