Kolossarja 3:1 - O Debleskro Lab 2024 (Sinte-Manouche)

¹ O Devel kras t'men o Yezous Kristeha i moulendar djido. Doleske čivenn t'maro dji ap kova, hoy hi an o bolepen! Kote hi o Yezous Kristo ap i čači rig o Deblestar beshdo!

O Debleskro Drom 2021 (Sinte)

¹ O Dewel kras tumen o Jesus Kristeha i mulendar djido. Doleske tchiwenn tumaro dji ap kowa, hoi hi an o bolepen! Kote hi o Jesus Kristo ap i tchatchi rig o Deblestar beshdo!

Kolossarja 3:1 Referans Kwoze

Remarja 8:6

Kolla, kay djivenn yaake, har yon kamenna, kolla merenna. Kolla, kay krenna, hoy o Debleskro Dourho lenge penella, kolla len o Debleskro djipen oun leskri barht.

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

2. Korintarja 4:18

Kava raylepen hi menge. Mer dikah gar ap kova, hoy i menshe nay dikenna. Na-a, mer dikah ap kova, hoy kanna kek nay dikella. Kova, hoy yon kanna dikenna, hi yek kopo bouder gar koy. Kova, hoy yon gar dikenna, kova ačella hako tsireske.

Kolossarja 3:2

Dikenn ap kova, hoy an o bolepen hi! Ma dikenn ap kova, hoy ap i phoub hi!

Mateo 6:20

Anenn t'menge bravlepen an o bolepen khetne, kay kek čorepaskro t'maro koova hatsella! Oun kek kirme, vitar kek pani krell les paash.

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.

Louka 12:33

Bikrenn, hoy t'men hi! Denn kol love i čorvelende! Palle hi kova yaake, har te krenn t'men i lovengro gono, hoy gar paash djala! Yaake krenn t'menge i baro bravlepen, hoy nashrenn nay gar. Kova hi an o bolepen, kay kek čorepaskro t'maro koova hatsella, oun kek kirme les nay pre rhan!

Debleskri gili 16:11

Tou sikreh o drom, kay an o djipen anell. Pash toute hom barhtelo. Te hom kote, kay tou hal, bashrell miro dji hako tsiro.

Hebrearja 1:3

O Debleskro čavo hi raylo oun baro har o Devel. Oun kova, hoy hi o Debles an o dji, hi ninna o čaves an o dji. Dran leskro zorelo lab rikrell lo lauter khetne, hoy yob kras. O Debleskro čavo las mari doosh oun maro čilačepen mendar, oun yob beshas pes ap i čači rig o baro Deblestar an o bolepen.

Louka 22:69

Ko tsiro vell sik, kay me, o Mensheskro Čavo, hom beshdo ap i čači rig o zorelo Deblestar.”

Kolossarja 2:20

T'mer meran o Yezous Kristeha. Doleske hi i phoubyakro koova bouder gar o ray pral t'mende. Hoske rikrenn t'men gomme ap kol menshengre laba, kay penenn t'menge:

Hebrearja 8:1

Kova hounte djinenn t'mer: Men hi i baro rashay, kova hi o Yezous Kristo. An o bolepen hi lo beshdo ap i čači rig o Deblestar.

Remarja 8:34

Kek nay penell ap mende: Tou djal nashedo! O Yezous Kristo meras menge. Oun kova hi gar lauter. O Devel kras les ninna i moulendar djido. Oun yob hi ap leskri čači rig, oun rakrell menge mishto.

Hebrearja 10:12

O Yezous Kristo das pes yek kopo an o merepen, te lell lo i doosh i menshendar krik, oun beshas pes hako tsireske ap o Debleskri čači rig. Kote dikell lo ap ko dives, kay venn kolla tel leskre pire čiddo, kay kaman les gar.

Mateo 26:64

Penas o Yezous: “Ava, hi yaake, har tou penal. Oun kanna penau t'menge: Ko tsiro vell sik, kay dikenn t'mer o Menshengro Čaves, har hi lo beshdo ap i čači rig o zorelo Deblestar, oun har vell lo ap i volke dran o bolepen.”

Efesarja 4:10

Kova, kay vas tele ap i phoub, hi ninna kova, kay djas pre an o pralstouno bolepen, te djivell lo an o bolepen oun ninna ap i phoub.

Markus 14:62

“Me hom kova,” penas o Yezous, “oun ko dives vella, kay dikenn t'mer o Menshengro Čaves, har hi lo beshdo ap i čači rig o zorelo Deblestar, oun har vell lo an i volke dran o bolepen.”

Hebrearja 1:13

Ap kekeste peskre bolepangre penas lo kova, hoy yob ap peskro čaveste penas: Besh tout ap miri čači rig! Oun me krau, te vess tou o ray pral kolende, kay rhan pen ap toute.

Bičepangre 2:34

O David djas gar pre an o bolepen. Yaake rakras yob gar pral peste, har yob penas: O Devel penas ap miro rayeste: Besh tout ap miri čači rig,

Louka 20:42

O David činas an peskre gilya: O Devel penas ap miro rayeste: Besh tout ap miri čači rig,

Markus 16:19

Har o ray Yezous yaake lentsa rakras, vas lo pral an o bolepen hadedo, oun beshas pes ap o Debleskri čači rig.

Markus 12:36

O David penas lestar, har o Debleskro Dourho ap leste vas: O Devel penas ap miro rayeste: Besh tout ap miri čači rig, bis te čivau kolen tel tire pire, kay hi rhoyedo ap toute.

Bičepangre 7:55

O Stefano, pherdo Debleskro Dourho, dikas an o bolepen pre, oun dikas o Debleskro raylepen oun o Yezouses ap o Debleskri čači rig tardo.

Mateo 22:44

har yob penas: O Devel penas ap miro rayeste: Besh tout ap miri čači rig, te čivap kolen tel tire pire, kay hi rhoyedo ap toute.

Gosewe laba 15:24

Kova, kay hayvell, hoy mishto oun gar mishto hi, koleske djal peskro drom pre an o djipen. Oun yob rikrell pes pale o dromestar, kay djal tele pash i moulende.

Debleskri gili 110:1

I gili o Davidestar. O baro Devel penas ap miro baro rayeste: “Besh tout ap miri čači rig! Kamau te čivap kolen tel tire herya, kay touke čilačepen kamenn.”

Sikepaskro 10:2

O goseveske penell leskro dji, te krell lo, hoy čačo hi. O dineleske penell leskro dji, te krell lo, hoy gar čačo hi.

Efesarja 5:22

T'mer djouvya, ma hadenn t'men pral t'mare romende! Yaake sikrenn t'mer, kay hi o Yezous Kristo t'maro ray.