Kolossarja 2:9 - O Debleskro Lab 2024 (Sinte-Manouche)

^9-10 O Yezous Kristo hi o ray pral i tsele rayende oun lauterende, kay hi len penepaske mashkral o bolepen oun i phoub. Les hi o tselo Debleskro djipen an peste. Oun ko djipen dell lo kolende, kay leskro hi.

O Debleskro Drom 2021 (Sinte)

^9-10 O Jesus Kristo hi o rai pral i tsele rajende un lauterende, kai hi len penepaske mashkral o bolepen un i phub. Les hi o tselo Debleskro djipen an peste. Un ko djipen dell lo kolende, kai leskro hi.

Kolossarja 2:9 Referans Kwoze

Kolossarja 1:19

O Debles his an peskro dji, te djivell lo an peskro čaveste, te vell o čavo yaake har o dad.

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

Johanni 10:30

Me oun o dad ham yek.”

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

Johanni 10:38

Te krau me, hoy o dad mange penas, patsenn ap kova, hoy me krau! Yaake dikenn oun prindjrenn t'mer, kay o dad an mande hi oun me an leste.”

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.

Johanni 14:20

Ko dives vella, kay t'mer djinenna, kay me an miro dadeste hom, oun t'mer an mande han, oun me an t'mende hom.

Johanni 17:21

Me mangau toutar, te venn le halauter yek, yaake har tou, tata, an mande hal, oun me an toute hom. Yaake te venn yon yek an mende, te patsenn i menshe, kay tou man bičral.

Tito 2:13

Oun mer dikah ap ko barhtelo dives, kay vell o Yezous Kristo pale an o shoukar raylepen. Yob hi maro baro Devel, kay las men dran o čilačepen vin.

Louka 3:22

Oun o Debleskro Dourho vas har i parno čirklo ap leste tele. Oun i rakepen dran o bolepen penas: “Tou hal miro čavo, koles me kamau. Pral toute hom barhtelo.”

Mateo 1:23

I terni čay, kay gomme kek morshestar an tapedo vas, lella i ternepen. Oun yon denn les o lab Emmanuel. Kova kharella: O Devel hi mentsa.”

Jesaja 7:14

Doleske dell o baro Devel kanna kokres i sikepen, te sikrell lo, kay hi lo ap t'mari rig: I terni čay vell vavarčandes oun lell i morsh čaves. Oun koles dell li o lab Immanuel.

2. Korintarja 5:19

O Devel his an peskro čaveste, o Yezous Kristeste, oun kras, te nay venn i menshe leha khetne. Lengri doosh las lo lendar krik. Yaake vas kova krik lino, hoy his mank lende oun o Debleste tardo. Mende das lo kay boudi, te penas kal lače laba i menshenge.

1. Johanni 5:7

Kolla hi triin, kay sikrenn mende, kay o Yezous o Debleskro čavo hi:

Johanni 2:21

Har rakras o Yezous pral o Debleskro kheer, rakras lo pral peste kokres.

Johanni 1:16

Mer halauter lam pale oun pale boud lačepen lestar, kay les yaake boud hi.

Bičepangre 17:29

Mer te vah o Deblestar, palle hi kova dinlepen, te patsenn t'mer, kay hatsenn o Debles an kova, hoy t'mer t'mare vastentsa kran dran sonakay, roup oun barra.

Louka 14:22

Oun pal i tsiro vas o boudepaskro pale oun penas: Me krom, hoy tou penal. O kheer hi gar pherdo.