Kolossarja 2:7 - O Debleskro Lab 2024 (Sinte-Manouche)

⁷ te vell t'maro patsepen yaake zorelo har i rouk, hoy zoreles an i phoub tardo hi! Ma moukenn ko čačo drom, hoy t'mende siklo vas! Bistrenn vitar gar, te parkrenn t'men boud pash o Debleste!

O Debleskro Drom 2021 (Sinte)

⁷ te well tumaro patsepen jaake sorelo har i ruk, hoi soreles an i phub tardo hi! Ma mukenn ko tchatcho drom, hoi tumende siklo was! Bistrenn witar gar, te parkrenn tumen bud pash o Debleste!

Kolossarja 2:7 Referans Kwoze

Efesarja 3:17

Me mangau lestar ninna, te djivell o Yezous Kristo an t'mende dran t'maro patsepen, oun te kamenn t'mer o Debles oun ninna yek o vavares o djiyestar. Palle han t'mer har i rouk, koleskre draba djan dour an i phoub. Oun t'mer han har i kheer, hoy zoreles tardo hi.

Jeremia 17:8

Kova hi har i rouk, kay pash o pani tardo hi, oun čivell peskre draba an o pani. Ninna te vell o baro tatepen, hi les kek traash. Leskre patria ačenn zenelo. Te vell i bersh, kay dell kek brishin, hounte vell les kek daar. Yob moukell gar tele, te hidjrell lo roukengre.

Kolossarja 1:23

Yek koova hounte krenn t'mer: Ačenn ap o Yezouseskro drom! Patsenn zoreles ap leste! Moukenn gar tele, te dikenn ap kova, hoy t'men hi pash o Debleste! Rikrenn zoreles ap leskro lačo lab, hoy t'menge penlo vas! Ko lab vas penlo ap i tseli phoub. Ninna me, o Paulo, hounte penap ko lab i menshenge. Kova hi miri boudi.

2. Tessalonikarja 2:17

te dell lo t'men zoor an t'mare djia, te nay krenna oun penenna lauter, hoy mishto hi.

Jesaja 61:3

Oun kolla an o foro Sion, kolengre djia rovenn, hounte venn bouder gar beshdo an i yagakri čik oun rido an gone. Na-a, me dau len verklia, te krenn le pen shoukar, oun soungepaskro djet. Lengre djia te givenn oun ačenn bouder gar phagedo. Oun yon venn kharedo: Bare rouka, hoy anenn sharepen o Debleske, oun Ruka, hoy o baro Devel peske an i phoub čivas, te vell leskro raylepen diklo.

1. Petro 5:10

I tikno tsiro vell pharo koova ap t'mende. An kava tsiro lenn t'mer i zoor, te ačenn ap o Debleskro drom. O Devel, kolestar vell o tselo lačepen, yob das t'men gole, te djivenn hako tsiro khetne o Yezous Kristeha oun lenn leskro raylepen. Yob dell t'men ninna i zoor, te ačenn zoreles an o patsepen oun an o djipen.

Efesarja 5:20

Parkrenn t'men hako tsiro pash o Debleste, maro dadeste, lautereske, hoy das lo t'men! Krenn kova an o lab maro rayestar, o Yezous Kristestar!

Remarja 16:25

Sharedo vell o baro Devel! Les hi i zoor, te krell lo t'maro patsepen zoreles. Yaake penell les o lačo lab, hoy me penau i menshenge, ko lačo lab o Yezous Kristestar. Kate vell siklo o drom pash o Debleste. Kova djinan le i rah tsiro gar.

Debleskri gili 92:13

Kolla, kay an o čačepen tardo hi, venn zorelo har i zenele palmtikre rouka. Yon vell baro har i cedertikre rouka ap i berga Libanon.

Debleskri gili 1:3

Kova hi har i rouk, hoy tardo hi pash o pani. Ap o čačo tsiro venn leskre roukengre baro. Oun leskre patria ačenn zenelo. Lauter, hoy yob krella, djala mishto.

Judas 1:24

Maro Debles hi i zoor, te rikrell lo t'men ap leskro drom, te hatsell lo kek doosh ap t'mende ap ko dives, kay han glan leste tardo, oun dikenn leskro raylepen, oun han barhteles.

1. Korintarja 15:58

Doleske, mire kamle phrala, ačenn zoreles an o patsepen! Ma moukenn t'men kekestar o Debleskro dromestar tele te anell! Avenn hako tsiro o Debleske koy, oun boudrenn leske mishto! T'mer djinenna: Kay boudi, hoy leske krenna, hi gar čičeske.

Hebrearja 13:15

Dran kova parkras men pash o Debleste, sharas les hako tsiro, oun kras o Yezouseskro lab bares.

Kolossarja 3:17

Oun lauter, hoy t'mer krenna oun penenna, kova krenn oun penenn yaake, te vell maro ray Yezous sharedo! Oun parkrenn t'men pash o Debleste, maro dadeste, lautereske, hoy o Yezous Kristo t'menge kras!

1. Tessalonikarja 5:18

Parkrenn t'men pash leste pral halauter! Kova kamell o Devel lauterendar, kay djan ap o Yezouseskro drom.

Louka 6:48

kova hi har i mensho, kay kras peske i kheer. Yob hadas i phoub vin, bis te vas lo ap i zorelo baro bar. Kote čivas yob peskro kheer pre. Oun o baro pani vas, oun kamas ko kheer paash te krell. Oun kova djas gar. Ko kheer his ap o zorelo bar tardo.

Efesarja 4:21

T'mer shounan lestar, oun djinenna, har yob djivas. Ko drom, hoy yob sikras men, hi o čačo drom.

Judas 1:20

T'mer, mire phrala oun phenya, ačenn zoreles an t'maro patsepen, hoy das t'men o Devel. Oun mangenn les yaake, har leskro Dourho an t'mende kamell.

2. Korintarja 1:21

O Devel krell men, ninna t'men lauteren, zoreles an o patsepen ap o Yezous Kristeste. Yob rodas men peske vin,

Judas 1:12

Kol menshenge hounte ladjenn t'men. Te venn t'mer khetne, te piyenn oun te rhan, palle rhan yon pen thoulles pash t'mende oun ladjenn pen gar. Yon dikenn ap pende kokres, te djal lenge kokres mishto. Yon krenn bare laba, hoy či moldo hi. Yon hi har rouka, ap kolende či baro vella, vitar kek patria, oun kay hi tseles moulo oun venn tele dino.

1. Korintarja 1:8

Yob dell t'men i zoor, te ačenn an o patsepen, bis te vell lo pale. Oun kek nay anell i doosh ap t'mende ap ko dives.

Hebrearja 13:9

Te hi menshe koy, kay sikrenn t'men vavar dromma oun kamenn t'men o Debleskro dromestar tele te anell, palle patsenn lenge gar! Har shoukar hi kova, te venn t'mer zorelo an o dji! Kova krell o Devel, kay hi yaake lačo ap t'mende. Kolla, kay penenn t'menge, hoy te rhan oun hoy te rhan gar, kolla nay krenn gar t'maro patsepen zoreles. Lengre laba hi či moldo.