Kolossarja 2:15 - O Debleskro Lab 2024 (Sinte-Manouche)

¹⁵ Oun i raya oun lauter, kolen hi penepaske mashkral o bolepen oun i phoub, kolla nashran pengri zoor, har o Yezous Kristo ap o troushel meras. Kote sikras o Devel glan lauterende, kay hi o Yezous Kristo zorleder har yon.

O Debleskro Drom 2021 (Sinte)

¹⁵ Un i raja un lauter, kolen hi penepaske mashkral o bolepen un i phub, kolla nashran pengri soor, har o Jesus Kristo ap o trushel meras. Kote sikras o Dewel glan lauterende, kai hi o Jesus Kristo sorleder har jon.

Kolossarja 2:15 Referans Kwoze

Hebrearja 2:14

Yon hi menshe dran rat oun mass. Doleske vas lo ninna i mensho har yon, oun meras, te las lo o bengeske i zoor krik pral o merepen.

Efesarja 4:8

Doleske hi an o Debleskro lab činlo: Har yob pre an o bolepen djas, las lo kolen peha, kay leskro van, oun das len i boudi o Debleske te krell.

Mateo 12:29

Kova, kay kamell an o kheer i zorelo morshestar dren phagell, te lell lo leskro bravlepen, kova hounte pandell ko zorelo morshes. Oun palle randell lo leskro tselo bravlepen.

Jesaja 53:12

Doleske dau me les i platsa mank i bare oun zorele rayende. Doleske, te das yob peskro djipen an o merepen. Ninna te dikan i menshe ap leste, har te vals lo i čilačo, las yob i doosh kol boudendar ap peste, oun mangas o Debles i čilačenge.

Efesarja 6:12

Mer kourah men gar i menshentsa. Na-a, čilače zorya hi mashkral o bolepen oun i phoub, kay venna o bengestar. Kolen hi penepaske an kava čilačo tsiro. Kolentsa kourah men.

Johanni 16:11

Kay o Debleskri rholi pral kay phoub vella, dikenn le ap kova, kay i phagi pral o rayeste pral kay phoub vi-rakedo hi.

Louka 10:18

Koy penas o Yezous ap peskre malende: “Me dikom o benges, har peras lo dran o bolepen har i yag.

Debleskro tsiro 20:10

Oun o beng, kay anas len ap peskro drom, vell an i bari yag vitsedo, hoy zoreles rhačella oun khandella. Kote hi ninna o firho, oun ko rhorheno rakepaskro. Kote vell len hako tsiro bare douka.

Debleskri gili 68:18

Boud zerya vourdya hi o Debles. Lentsa vas lo ap i berga Sinay, oun djal dren an peskro kheer.

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

Kolossarja 1:16

Dran leste vas lauter kerdo, hoy hi an o bolepen oun ap i phoub, kova, hoy dikah, oun hoy gar dikah. Mank lende hi bare raya oun i zorele pralstoune oun lauter, kay hi len penepaske mashkral o bolepen oun i phoub. Lauter van dran leste, oun van leske kerdo.

Louka 11:22

Yek te vell, kay hi zorleder har yob, oun dell les khetne, palle lell lo leskro rharo krik, hoy leskri zoor his oun lell kova, hoy ko vavar čoras oun dell les ninna i vavarende.

2. Korintarja 4:4

Yon patsenn gar ap leste. O beng, kay o ray hi pral kay phoub, kras len korelo, te dikenn le gar, havo lačepen vell dran o lačo lab o Yezous Kristestar. Ko lab sikrell men o Yezouseskro raylepen. Oun yob hi yaake har o Devel.

Debleskro tsiro 12:9

Oun o baro lolo sap vas vin vitsedo. Yob hi ko phouro sap, hoy kharella ninna Beng oun Satan, ko rhorheno, kay tserdell i menshen ap i tseli phoub ap peskro drom. Yob vas tele vitsedo ap i phoub, oun leskre kourepangre leha.

Johanni 19:30

Har piyas o Yezous koy shoutli mool, penas lo: “Me krom lauter, hoy hounte krom.” Oun yob čivas peskro shero glan tele, oun meras.

1. Korintarja 15:24

Pal kova herell kava tsiro pre. Hako ray, hako pralstouno oun hakeno, koles hi penepaske, koleske lell o Yezous Kristo i zoor krik oun dell lauter o Debleste, peskro dadeste, te vell o Devel kokres o ray pral halauter.

2. Korintarja 2:14

Me parkrau man pash o Debleste, te dell lo men i zoor, te djas ap o Yezouseskro drom. Khetne o Yezouseha ham hako tsiro zorleder har o čilačepen. Oun kote, kay penah i menshenge o lačo lab o Yezousestar, hi kova yaake, har te vell i lačo soungepen pash boud menshende.

Efesarja 3:10

Kanna dikenn i raya oun i pralstoune an o bolepen, har baro o Debleskro gosvepen hi. Kova dikenn le ap kova, hoy yob i patslenge kras.