Kolossarja 1:29 - O Debleskro Lab 2024 (Sinte-Manouche)

²⁹ Dran kova boudrau i tseli zoryah, hoy o Yezous Kristo an mande das.

O Debleskro Drom 2021 (Sinte)

²⁹ Dran kowa budrau i tseli sorjah, hoi o Jesus Kristo an mande das.

Kolossarja 1:29 Referans Kwoze

1. Korintarja 15:10

O Devel kamas an peskro baro lačepen, te vap me kova, hoy me kanna hom. Oun leskro baro lačepen, hoy yob man das, his gar čičeske. Me boudrom boudeder har kol tsele vavar. Gar me kokres, o Debleskro lačepen an mande boudras mantsa, te krap nay koy boudi.

Efesarja 1:19

Oun me mangau lestar ninna, te hayvenn t'mer, har bari leskri zoor hi, hoy an mende hi, kay patsah. Koy zoor hi i emligi bari zoor,

Efesarja 3:7

Kava lačo lab penau i menshenge. O Devel his mange lačo, te das lo man kay boudi. Ninna das lo man i zoor, te krap kova.

Filiparja 2:13

Yob sikrell t'men, hoy yob kamella. Ninna krell lo an t'mende, te kamenn t'mer kova, hoy yob kamella, oun te nay krenn kova ninna.

Hebrearja 13:21

Mangau o Deblestar, te dell lo t'men i zoor, te krenn lauter kova, hoy lačo hi, yaake har yob kamella. Mou dell lo men i zoor, te djivas yaake, har mishto hi glan leskre yaka. O Yezous Kristo nay krell kova. Sharas o Yezous Kristes kanna oun hako tsiro! Amen.

Kolossarja 2:1

Me kamau, te djinenn t'mer, har me marau man tele t'menge oun kol patslenge an o foro Laodicea, ninna kolenge, kay prindjrenn man gar.

2. Tessalonikarja 3:8

rham pash kekeste čičeske. O dives oun i rati boudram, te djivas mer gar t'mare lovendar.

1. Tessalonikarja 2:9

Mire phrala, t'mer djinenna, har phari mari boudi his, har hams pash t'mende, oun sikram t'mende o Debleskro drom. Ap o dives oun an i rat boudram, te djivas gar dran t'mari possita.

Kolossarja 4:12

Ninna o Epafras penell t'menge: “Ačenn o Debleha!” Kova hi yek t'mendar, oun boudrell o Yezous Kristeske. Yob mangell o Debles hako tsiro t'menge, te venn t'mer zoreles an o patsepen, te djinenn lauter, hoy o Devel t'mendar kamella oun te krenn kova ninna.

Filiparja 2:16

te rikrenn t'mer ap o Debleskro lačo lab, hoy o djipen della. Te krenn t'mer kova lauter, palle hom me barhtelo ap ko dives, kay o Yezous Kristo pale vella. Yaake his miri boudi pash t'mende gar čičeske.

1. Korintarja 12:11

Kova krell lauter ko yek Debleskro Dourho, oun yob dell hakenes kova yaake, har yob kamella.

Remarja 15:20

Ap o tselo drom penom ko lab kokres kote, kay o Yezous Kristo gar prindjedo his, yaake te penell kek ap mande: “Tou boudreh kote, kay i vavar glan toute boudras.”

Debleskro tsiro 2:3

T'mer dan t'maro patsepen gar pre, oun lan i pharo djipen mange ap t'mende, oun t'mer van gar khino an t'mari boudi mange.

2. Timoteo 2:10

Me lau kova lauter ap mande kol menshenge, kolen o Devel vin rodas, te lenn yon o djipen oun o raylepen, hoy gar pre-herella. Kova dell len o Yezous Kristo.

Filiparja 1:30

Kol douka, hoy ap t'mende venna, his man ninna, har homs pash t'mende. Oun ninna kanna ap kava tsiro shounenn t'mer mandar, kay hounte lap douka ap mande.

Filiparja 1:27

Kanna, krenn lauter, te djan yaake ap o Yezouseskro drom, har kova t'mende siklo vas! Krenn kova ninna, te hom gar pash t'mende! Te dikau t'men gar, kamaus te shounap, te rikrenn t'mer lauter khetne an o patsepen, oun te krenn i tseli zoryah lauter, te vell o patsepen ap o Yezous Kristeste zorelo pash t'mende.

Efesarja 3:20

Oun yob nay krell boudeder, har mer lestar mangah, oun boudeder, hoy mer hayvah. Yaake bari hi leskri zoor, hoy an mende kova lauter krella. Mer lauter, kay patsah ap o Yezous Kristeste, sharas maro Debles kanna oun hako tsiro. Amen.

2. Korintarja 13:3

Palle dikenn t'mer mishto, te vas miro rakepen o Yezous Kristestar. Yob hi zorelo pash t'mende, oun sikrell t'men peskri bari zoor.

2. Korintarja 11:23

Yon penenn, te hi le o Yezous Kristeskre boudepangre. Kanna rakrau har i dinelo: Me hom boudeder har yon leskro boudepaskro. Me boudrom boudeder. Me vom boudeder stildo. Me lom boudeder dava. Man his boudeder o merepen glan i yaka har yon.

2. Korintarja 6:5

Ninna te denn le men dava, te vitsrenn le men an o stilepen, te lenn le men palla, dah mer gar pre. Mer marah men tele, oun della divessa, kay sovah gar oun rhah gar.

2. Korintarja 5:9

Doleske kamah lauter te krell, te vell yob barhtelo pral mende kate ap kay phoub, oun ninna kote pash leste.

1. Korintarja 12:6

Oun della boud dromma, har o Debleskro Dourho an i patslende boudrella. Hi yek Devel, kolestar kova lauter vella.

Remarja 15:30

Mire phrala, mangau t'mendar an o lab maro rayestar o Yezous Kristestar, oun an o kamlepen, hoy o Debleskro Dourho men das: Mangenn mantsa khetne o Debles o tselo djiyeha,

Louka 13:24

Oun o Yezous penas pale: “Krenn lauter, te djan an ko tikno voudar dren! Me penau t'menge: Boud kamenn an ko voudar dren te djal. Oun hayvenn kova gar.

Hebrearja 12:4

Me djinau, t'mer kamenn gar, te vell o čilačepen o ray pral t'mende. Ninna te vas t'menge pharo, te penenn na-a ap o čilačepen, meran doleske gomme gar.

Kolossarja 2:12

Har van t'mer taufedo, vas t'maro phouro djipen paskedo. Oun yaake van t'mer o Yezous Kristeha paskedo. Har t'mer ap leste patsan, kras o Devel t'men djido, yaake har yob o Yezous Kristes i moulendar djido kras.