Kolossarja 1:27 - O Debleskro Lab 2024 (Sinte-Manouche)

²⁷ Kolen sikras o Devel, har baro oun shoukar ko drom hi, hoy anell ninna kol menshen pash leste, kay kek bibolde hi. Oun ko drom hi o Yezous Kristo, kay djivell an t'mende. Doleske djinenn nay, te djivenn t'mer leha khetne an o bolepen.

O Debleskro Drom 2021 (Sinte)

²⁷ Kolen sikras o Dewel, har baro un shukar ko drom hi, hoi anell ninna kol menshen pash leste, kai kek bibolde hi. Un ko drom hi o Jesus Kristo, kai djiwell an tumende. Doleske djinenn nai, te djiwenn tumer leha khetne an o bolepen.

Kolossarja 1:27 Referans Kwoze

Johanni 14:20

Ko dives vella, kay t'mer djinenna, kay me an miro dadeste hom, oun t'mer an mande han, oun me an t'mende hom.

Remarja 8:10

Te djivell o Yezous Kristo an t'mende, han t'mer čačo glan o Debleste, oun o Debleskro Dourho dell t'men o djipen, ninna te vell ko dives, kay hounte merell t'maro mass. O čilačepen an i menshende kras, te hounte merell o mass.

1. Johanni 4:4

Mire čave, t'mer han o Deblestar, oun han zorleder har kol rhorhene rakepangre. O Debleskro Dourho, kay an t'mende hi, hi zorleder har o beng, kay an i menshende hi, kay o Debles gar prindjrenna.

Galatarja 2:20

Kova hom gar me, kay djivau kanna. Hi o Yezous Kristo, kay djivell an mande. Oun ko djipen, hoy kanna djivau, djivau me an o patsepen ap o Debleskro čaveste. Yob kamas te djivap, oun das peskro djipen mange an o merepen.

1. Korintarja 3:16

Djinenn t'mer gar, kay han t'mer o Debleskro kheer, oun kay o Debleskro Dourho an t'mende djivella?

Debleskro tsiro 3:20

Dikenn, me hom glan o voudar tardo, oun dau ap ko voudar. Koon shounell, hoy me penau, oun krell mange o voudar pre, pash koleste djau me dren, oun rhau leha, oun yob rhal mantsa.

Johanni 14:17

Kova hi o Debleskro Dourho, kay penell i menshenge o čačepen pral o Debleste. Kolla, kay patsenn gar ap o Debleste, nay lenn les gar. Yon dikenn les gar oun prindjrenn les gar. T'mer prindjrenn les. Yob ačell pash t'mende, oun hi an t'mende.

Galatarja 4:19

Mire phrala! Me kamau t'men o djiyestar, har te vans mire čave. Yaake har i djouvyat douka hi, te lell li i ternepen, yaake hi man pale douka t'menge, bis te vell o Yezous Kristo diklo an t'mende.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

1. Timoteo 1:1

Me, o Paulo, činau kava liil. Me hom o Yezous Kristeskro bičepaskro, te penap i menshenge leskro lab. Yaake kamell kova o Devel, kay lell men dran o čilačepen vin, oun o Yezous Kristo, ap koleste patsah.

Kolossarja 2:3

Yob kokres nay dell t'men o tselo gosvepen, te hayvenn o Debleskro lab mishto.

Johanni 14:23

Koy penas o Yezous ap leste: “Te kamell man yek o djiyestar, kova krell, hoy me penau. Koles kamell miro dad. Oun mer vah pash leste oun ačah pash leste.

2. Korintarja 6:16

An o Debleskro baro kheer vell o djido Devel kokres sharedo oun kek vavar koova. Mer halauter ham o djido Debleskro baro kheer. O Devel penas: Me kamau te djivap pash lende oun mashkral lende. Me kamau lengro Devel te vell, oun yon hi mire menshe.

Kolossarja 3:11

Kote, kay o Devel i menshen neves kras, kote hi yek yaake boud moldo har o vavar: I bibolde oun kolla, kay kek bibolde hi; kolla, kay ap o mass činlo hi oun kolla, kay gar ap o mass činlo hi; vi-themarya oun divye; raya oun boudepangre. O Yezous Kristo djivell an hakeneste mendar.

Johanni 17:26

Me sikrom lende, koon tou hal. Kova krau me doureder, te vell tiro kamlepen, hoy hi tout mange, ninna an lende. Yaake djivau me an lende.”

Efesarja 2:22

Ninna t'mer djivenn o Yezous Kristeha khetne. Doleske han t'mer ninna har barra an o Debleskro kheer, kay o Debleskro Dourho djivella.

Johanni 6:56

Koon rhala miro mass, oun piyell miro rat, kova ačella an mande, oun me ačau an leste.

Efesarja 1:7

Har o Yezous Kristo ap o troushel meras, oun peskro rat menge ratas, las lo mari doosh oun phagi mendar. Yaake baro his leskro lačepen ap mende!

Filiparja 4:19

Miro Devel dell ninna t'men lauter, hoy t'men hounte vell djipaske. Les hi i baro bravlepen an o bolepen. Kova dell lo kolen, kay djan ap o Yezous Kristeskro drom.

Remarja 9:23

Kova kras lo, te sikrell lo peskro baro raylepen ap kolende, kay lan leskro kamlepen. Kolen rodas lo vin, te djivenn le leha khetne an leskro raylepen.

Remarja 5:2

O Yezous Kristo anas men ap o Debleskro drom oun kras menge o voudar pre, te djivas o Debleha khetne. Yaake lačo his lo menge. Oun mer djinah: O dives vella, kay djivah leha khetne an leskro raylepen. Pral kova ham barhtelo.

Kolossarja 1:5

T'maro patsepen oun kamlepen vell dran kova, kay dikenn t'mer ap ko dives, kay djivenn t'mer o Debleha khetne an o bolepen. Kova shounan t'mer ap ko tsiro, har t'menge o lačo lab o Yezous Kristestar penlo vas. Oun ko lab hi čačo.

2. Korintarja 4:17

Ko pharo koova, hoy mer kanna hidjrah, hi tikno oun djal peske. Pal kova vell i baro raylepen. Kova hi shoukeder har halauter, hoy kanna djinah, oun djal peske gar.

Louka 17:21

Ninna nay penell yek gar: Kanna hi ko tsiro kay.” Oun o Yezous penas doureder: “Kote, kay i mensho kamell, te vell o Devel leskro ray, kote vas ko tsiro.”

Mateo 13:11

Penas lo ap lende: O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. I vavar menshe hayvenn kova gar.

2. Korintarja 2:14

Me parkrau man pash o Debleste, te dell lo men i zoor, te djas ap o Yezouseskro drom. Khetne o Yezouseha ham hako tsiro zorleder har o čilačepen. Oun kote, kay penah i menshenge o lačo lab o Yezousestar, hi kova yaake, har te vell i lačo soungepen pash boud menshende.

Remarja 11:33

Har baro hi o Debleskro lačepen ap lauterende! Har baro hi leskro gosvepen! Yob djinell halauter, hoy kek vavar nay djinella. Kek nay djinell, har yob rakrell o čačepen vin. Kek nay hayvell leskre tsele dromma.

Remarja 2:4

Hi touke o Debleskro baro lačepen či moldo? Les hi i baro dji oun dell i menshen gar sik pre. Djineh tou gar o Debleskro lačepen, hoy kamell tout ap leskro drom te anell?

Hebrearja 6:19

Kava patsepen rikrell maro djipen, yaake har rikrell i zorelo saster i shiffo, te djal lo gar ap o pani nashedo. Oun kova, ap koleste patsah oun dikah, kova hi o Yezous. Yob djas glan mende pash o Debleste an o bolepen, yaake har djas o baro rashay an o phouro tsiro an o Debleskro kheer. Oun yaake vas o Yezous hako tsireske savo baro rashay, har glan i rah tsiro o Melkisedek his.