Biblia Todo Logo
Bib sou entènèt

- Piblisite -




Kolossarja 1:16 - O Debleskro Lab 2024 (Sinte-Manouche)

16 Dran leste vas lauter kerdo, hoy hi an o bolepen oun ap i phoub, kova, hoy dikah, oun hoy gar dikah. Mank lende hi bare raya oun i zorele pralstoune oun lauter, kay hi len penepaske mashkral o bolepen oun i phoub. Lauter van dran leste, oun van leske kerdo.

Gade chapit la Kopi

O Debleskro Drom 2021 (Sinte)

16 Dran leste was lauter kerdo, hoi hi an o bolepen un ap i phub, kowa, hoi dikah, un hoi gar dikah. Mank lende hi bare raja un i sorele pralstune un lauter, kai hi len penepaske mashkral o bolepen un i phub. Lauter wan dran leste, un wan leske kerdo.

Gade chapit la Kopi




Kolossarja 1:16
29 Referans Kwoze  

Lestar vas halauter. Halauter djivell lestar, oun halauter djal pale pash leste. Sharas o Debles kanna oun hako tsiro! Amen.


Khetne leha kras o Devel o bolepen oun i phoub. Či hi koy, hoy gar leha kerdo vas.


hi men yek Devel. Kova hi maro dad an o bolepen, oun dran leste vell halauter. Oun mer ham leske koy. Oun men hi yek ray, kova hi o Yezous Kristo. Lestar vas halauter. Oun lestar lam mer o nevo djipen.


O Devel kamas, te venn boud menshe peskre čave, oun lenn leskro raylepen. Doleske hounte las peskro čavo douka oun merepen ap peste, te nay anell lo len ap ko drom, kay lenn le o Debleskro djipen. Yaake his kova mishto glan o Debleskre yaka, kay lauter kras, oun koleske lauter kerdo vas.


Baro Devel, tou hal o baro ray, hal zorelo, raylo, zorleder har hako vavar, oun o pralstouno pral hako vavareste. Halauter, hoy an o bolepen oun ap i phoub hi, hi tiro. Tou hal o ray pral i tsele themma, oun tout hi penepaske pral halauter.


Kanna, an kava tsiro, bičras lo peskro čaves pash mende, te rakras yob ap mende. Koleste das o Devel lauter an leskre vasta, te vell yob o ray pral lauter. Koleha kras lo o bolepen oun i phoub.


Te vell o čačo tsiro, anell lo halauter khetne, hoy hi an o bolepen oun ap i phoub. Oun o Yezous Kristo vell o ray pral halauter.


Kava penell o baro Devel, kova, kay ginas tout vin dran i bibarht, oun kova, kay tout kras har gomme gar boldo hals: Me, o baro Devel hom kova, kay lauter kras, Me kokres krom o bolepen bourhlo pral i phoub, Oun har me i phoub zoreles pre čivom, his kek kote pash mande.


Lauter, hoy o baro Devel kras, hi čomoneske, ninna kras lo o čilačo menshes ko diveske, kay i bibarht vella.


Kek nay dikell o Debles. Har leskro čavo ap i phoub vas, sikras yob har o Devel hi. O Yezous Kristo hi yaake har peskro dad. Oun yob hi bareder har lauter, hoy kerdo vas.


Oun mire menshe Israel, kolen mange krom, sharenn man glan i vavarende.


Yaake hounte djinenn kava dives oun bistrenn kova gar: Dell kek vavar Devel har o baro Devel kokres. Kek vavar devel hi an o bolepen oun vitar gar ap i phoub.


Oun hakeno an o bolepen oun ap i phoub oun tel i phoub hounte perell glan leste tele ap i čanga.


Oun o Yezous Kristo hi ko drom, kay o Devel oun i menshe pale mala venna. Har yob ap o troushel meras, oun peskro rat ratas, anas o Devel lauteren pash peste khetne, hoy hi an o bolepen oun ap i phoub.


Oun i raya oun lauter, kolen hi penepaske mashkral o bolepen oun i phoub, kolla nashran pengri zoor, har o Yezous Kristo ap o troushel meras. Kote sikras o Devel glan lauterende, kay hi o Yezous Kristo zorleder har yon.


Mer kourah men gar i menshentsa. Na-a, čilače zorya hi mashkral o bolepen oun i phoub, kay venna o bengestar. Kolen hi penepaske an kava čilačo tsiro. Kolentsa kourah men.


Me djinau zoreles: Či nay lell o Debleskro kamlepen mendar krik: kek merepen, kek djipen, kek bolepangre, vitar kek čilače zorya. Či, hoy ap mende vella, kanna oun an ko tsiro, hoy vella,


Tou, baro Devel hal kokres o Devel! Tou kral o bolepen oun leskre tsele bolepangre momlia, oun i phoub oun lauter, hoy ap late hi, ninna o baro pani oun lauter, hoy an leste hi. Oun tou kral, te djivell kova lauter. Oun i tsele bolepangre an o bolepen vitsrenn pen tele glan toute.


Kova, kay hi o Lab, his ap i phoub, oun i phoub vas leha kerdo. Oun i menshe ap i phoub prindjran les gar.


Lengre phoure hi o Abraham, o Isaak oun o Yakob. Ninna o Yezous Kristo vas i Israelitari, har vas lo boldo. Sharas o Debles pral kova lauter hako tsireske. Amen!


Swiv nou:

Piblisite


Piblisite