Kamlepaskri gili 5:2 - O Debleskro Lab 2024 (Sinte-Manouche)

² Me sovom, miro dji his djangelo. Shoun, miro pirno dell ap o voudar: Kre mange pre, heyo, miri pirni, miri tauba, miri goudli! Mire balla hi sapeno.

I Ghiléngheri Ghília Salomunéskero an i Rômáni tćib 1875 (Sinte - Italia)

² Me soravaha, támi, miro, dsi dshanghérelas, dallal me shundom mro gakkeskeri godli, ke, kurandò, job pendelas: Gherda man pré, miri pén, miri gakki, miri pilsterni, mri tshatshi rakkli: ghè, miro shéro hi pardo cotter rásni, te miri kritzo balla ssar i ratjakri sapánóppen.

O Debleskro Drom 2021 (Sinte)

² Me sowom, miro dji his djangelo. Shun, miro pirno dell ap o wudar: Kre mange pre, hejo, miri pirni, miri tauba, miri gudli! Mire balla hi sapeno.

Kamlepaskri gili 5:2 Referans Kwoze

Debleskro tsiro 3:20

Dikenn, me hom glan o voudar tardo, oun dau ap ko voudar. Koon shounell, hoy me penau, oun krell mange o voudar pre, pash koleste djau me dren, oun rhau leha, oun yob rhal mantsa.

Kamlepaskri gili 2:14

Miri tauba, ma khate tout glan mande, har i čirklo khatrell pes mank i bare barra, an o khatepen ap i berge! Mouk man tout te dikell, mouk man tout te shounell! Goudlo hi tiro rakepen, oun kamles dikeh tou vin.

Zakarie 4:1

Oun o bolepaskro, kay mantsa rakras, vas pale oun djangras man pre har dran o sopen,

Kamlepaskri gili 6:9

Yek kokres hi miri tauba, miri goudli. Lakri dat hi kek vavar čay. Lake hi li i lačeder čay. I vavar ča dikan lat oun penan: Har barhteli hi li! O baro rayeskre romya oun vavar djouvya dikan lat oun sharan lakro shoukapen.

Debleskri gili 119:1

Har barhtelo hi kolla, kay yaake djivenna, te hounte čingrell o Devel gar lentsa, kolla, kay ap o baro Debleskro drom djana.

Mateo 8:17

Yaake vas kova čačes, hoy o Debleskro rakepaskro, o Yesaya, glan i rah tsiro penas: Yob las mare douka, oun maro nasslepen mendar.

Jesaja 52:14

His i tsiro, kay dikan boud menshe darenes ap leste, yaake dino dikas lo vin, te dikas lo bouder gar har i mensho vin, ava, djoungleder dino har hako vavar morsh.

Jesaja 50:6

Me rikrom kolenge miro doumo, kay dan mange dava, oun rikrom mire čamya kolenge koy, kay tserdan balla dran miri čora. Me khatrom gar miro mouy, har praasan le man oun čoungran ap mande.

Kamlepaskri gili 8:7

Ninna boud panya nay krenn o kamlepen gar vin, oun i zorele panya nay hidjrenn o kamlepen gar krik. Te kamals yek o kamlepen te ginell, oun dals peskro tselo bravlepen koleske, sans i menshe les vin.

Kamlepaskri gili 7:9

Me kamau pre te djal ap koy palma oun taprau pal lakre patria. Tire čoučya mou venn mange har drake ap i drakengro rouk! Oun tiro dourho soungell har phabya.

Kamlepaskri gili 5:11

Leskro shero hi shoukar har dran lačeder sonakay. Leskre balla hi čiddo har bakrengro baal, oun hi kalo har i korako.

Kamlepaskri gili 4:9

Tou čoral mange miro dji, heyo, miri pirni. Tou čoral mange miro dji tire yakentsa, har dikal ap mande, oun yek verkliah, hoy troul tiri meen pandlo hi.

Kamlepaskri gili 4:7

Halauter ap toute hi shoukar, heyo! Oun kek djounglepen hi ap toute.

Kamlepaskri gili 3:1

Ap miro čiben an i ratsya rodom les, koles miro dji kamell, me rodom les oun hatsom les gar.

Kamlepaskri gili 2:10

Miro pirno dell pal mande gole: Ste pre, miri pirni, miri shoukester, oun ab!

Kamlepaskri gili 2:8

Miro pirno dell gole pal mande! Dik, oke vell lo, oun stell pral i bare oun tikne berge.

Gosewe laba 23:26

Miro čavo, kre tiro dji mange pre, oun dja ap mire dromma!

Debleskri gili 81:10

Pash t'mende hounte vell kek vavar devel, oun tou mangess kek vavar debles an!

1. Mose 29:20

Yaake boudras o Yakob efta bersha, te romedinerell lo i Rachel. Oun kal bersha his an leskre yaka har i tikno tsiro, yaake boud kamas lo lat.

Debleskro tsiro 14:4

Kolengro djipen hi djoudjo. An kek tsireske van le khetne i djouvyah. Oun yon djan o terno bakreske palla, kay yob ninna djala. Dran i menshende ap kay phoub las yob len khetne peske oun o Debleske.

Debleskro tsiro 3:4

Ninna te hi gar boud patsle an o foro Sardes, kay djan ap miro drom, hi save patsle mank t'mende, kay kran pengre koola gar čiklo. Kolla hi moldo, te venn le rido an parne koola, oun djivenn mantsa an o bolepen.

Efesarja 5:14

Oun kova, hoy diklo vella, ačell gar an o tamlepen.

Galatarja 2:20

Kova hom gar me, kay djivau kanna. Hi o Yezous Kristo, kay djivell an mande. Oun ko djipen, hoy kanna djivau, djivau me an o patsepen ap o Debleskro čaveste. Yob kamas te djivap, oun das peskro djipen mange an o merepen.

Johanni 10:4

Te hi leskre tsele bakre vin, djal yob glan lende. Oun i bakre djan leske palla. Yon prindjrenn leskro rakepen.

Louka 22:44

Oun o Yezous mangas o Debles zorleder, oun rat nashas leskro sherestar tele ap i phoub, yaake zoreles vas i daar ap leste.

Louka 9:32

O Petro oun kol douy vavar his yaake khino, te sovan le. Har yon pre djangran, dikan le o Yezouses, har yob an peskro bolepaskro raylepen koy tardo his, oun kol douy morshen, o Moses oun o Eliyas, pash leste.

Louka 6:12

His i dives, kay djas o Yezous ap i berga, te rakrell lo o Debleha. Oun yob ačas i tseli rat oun rakras leha.

Markus 1:35

Oun taysarlake, glan o dives, stas lo pre, oun djas kote, kay lo kokres hi. Oun kote rakras lo o Debleha.

Daniel 8:18

Oun har yob yaake mantsa rakras, homs čiddo har moulo ap miro mouy ap i phoub. Oun yob tapras man oun čivas man pale ap mire herya, te homs pale tardo.

Mateo 7:8

Koon mangella, kova lella. Koon rodella, kova hatsella. Oun koon ap o voudar della, koleske vell pre kerdo.

Kamlepaskri gili 1:16

Oun tou, miro pirno, har shoukar hal tou! Har kreh man barhtelo! Maro čiben hi an o zenlepen.

Kamlepaskri gili 5:6

Me krom o voudar miro pirneske pre, koy hi lo bouder gar koy – djas peske doureder. Miro dji kamas tardo te ačell, har djas yob peske. Me rodom les, oun hatsom les gar. Me kharom les, oun shounom kek rakepen lestar.