Josua 9:13 - O Debleskro Lab 2024 (Sinte-Manouche)

¹³ Oun kal molyakre gone, kay his neve, har len khere pherdo kram, kanna van le phoure oun djan paash. Kalla mare koola oun kirrha van phoure oun djan paash ap ko dour drom, hoy hounte djam.”

O Debleskro Drom 2021 (Sinte)

¹³ Un kal moljakre gone, kai his newe, har len khere pherdo kram, kanna wan le phure un djan paash. Kalla mare koola un kircha wan phure un djan paash ap ko dur drom, hoi hunte djam.”

Josua 9:13 Referans Kwoze

Mateo 9:17

Oun kek čorell i nevi mool an i phoure molyakre gone. I nevi mool krell i phoure molyakre gone paash. Oun i mool nashell vin. I nevi mool vell čoredo an i neve molyakre gone. Palle djal i nevi mool oun i neve molyakre gone gar paash.”

Josua 9:4

koy moukan le penge an i shere trouyel te djal, har nay rhorhenn le len, te ačenn le djido. Oun yaake djan le koy oun lan rhapen pentsa an phoure gone, hoy le ap pengre bourike čivan, ninna phoure molyakre gone, hoy paash his oun pale sido van.

Josua 9:12

Dikenn, kate hi maro maro, hoy o dromeske his. Ap ko dives, har les mentsa lam dran mare khera, his lo gomme tato. Dikenn, hoy lestar vas, – phouro hi lo oun har bar.

Josua 9:14

Kote lan i pralstoune pral i Israelitarya o rhapastar kol vavarendar, hoy len o dromeske pashel his, oun rhan les. O baro Debles poučan le koleske gar.

5. Mose 29:5

T'men his kek maro te rhal, oun kek mool oun vavar zorelo pipen te piyell. O baro Devel das t'men rhapaske, te hayvenn t'mer, te hi yob t'maro Devel.

Josua 9:5

Ap lengre pire rivan le phoure kirrha, hoy paash his oun sido van. Oun ninna lengre koola ap lende his phouro. Oun ko tselo maro, hoy le peha lan, his phouro oun har bar.

Markus 2:22

Oun kek čorell nevi mool an i phoure molyakre gone. I nevi mool krell i phoure molyakre gone paash. Oun koy mool nashell vin, oun kol molyakre gone djan paash. I nevi mool vell čoredo an neve molyakre gone!”

Louka 5:37

Oun kek čorell i nevi mool an phoure molyakre gone. I nevi mool krell i phoure molyakre gone paash. Oun i mool nashella vin. Oun i gone hi ninna paash.