Josua 9:10 - O Debleskro Lab 2024 (Sinte-Manouche)

¹⁰ oun ninna halauter, hoy yob kol douy bare rayentsa pral i Amorarya kras, kay ap i vavar rig o panyestar Yordan djivan, ko rayeha Sihon, ko baro rayeha pral o foro Heshbon, oun ko rayeha Og, ko baro rayeha pral o them Bashan, koon an o foro Astarot djivas.

O Debleskro Drom 2021 (Sinte)

¹⁰ un ninna halauter, hoi job kol dui bare rajentsa pral i Amorarja kras, kai ap i wawar rig o panjestar Jordan djiwan, ko rajeha Sihon, ko baro rajeha pral o foro Heshbon, un ko rajeha Og, ko baro rajeha pral o them Bashan, koon an o foro Astarot djiwas.

Josua 9:10 Referans Kwoze

Josua 12:4

Ko vavar baro ray his o Og, ko ray pral o them Bashan. Yob djivas an o foro Astarot oun an o foro Edrei, oun his yek, kay kol bare menshendar pral ačan, kay venn rise kharedo.

5. Mose 2:30

O Sihon, ko baro ray an Heshbon, kamas men gar vergel leskro themestar te djal. T'maro baro Devel moukas leskro dji har bar te vell, yaake te dikas lo či dren. Yaake das o baro Devel les oun leskro them an t'mare vasta. Oun kova his gomme kava dives yaake.

5. Mose 1:4

Kova his pal kova yob kol douy bare rayen das: o Sihon, ko baro rayes pral i Amorarya, kay an o foro Heshbon djivas, oun palle pash Edrei o Og, ko baro rayes pral Bashan, kay an o foro Astarot djivas.

1. Mose 14:5

An o deesh-te-starto bersh vas o baro ray Kedor-Laomer oun kol vavar bare raya, kay leha khetne his. Oun yon kouran pen: kol menshentsa an o foro Asterot-Karnayim – kolla his i Refayarya; kol menshentsa an o foro Ham, – kolla his i Zouzarya; kol menshentsa, kay djivenna an o them, kay o foro Kiryatayim tardo hi, – kolla his i Emarya;

4. Mose 20:14

Har hi le an o foro Kadesh, bičras o Mose yekes pash o baro rayeste pral kol Edomarya, oun moukas leske te penell: “Kova moukell touke tiro phraal Israel te penell: Tou djineh, havo pharo tsiro ap mende vas,

Josua 2:9

oun penas ap lende: “Me hayvom, te das o baro Devel t'men kava them. I bari traash glan t'mende peras ap mende. Oun hakeno, kay kate djivell, hi har bango daryatar glan t'mende.

Josua 9:9

Oun yon penan: “Dran i them dour katar krik van tire boudepangre kate pash toute. Mer shounam, har baro tiro Devel hi oun hoy yob, o baro Devel, halauter kras an o them Egiptia,

Josua 9:11

Oun har kova shounam, penan mare phoureder oun halauter, hoy an maro them djivenn, ap mende: Lenn kova, hoy t'men o djipaske hounte vell, t'mentsa ap o drom! Oun djan kote pash lende oun penenn ap lende: T'mare boudepangre ham, oun krenn mentsa vin, te krenn kek kourepen mentsa!

Josua 13:31

Oun o paash kol familyendar dran o kheer Makir – koleskro dad o Manasse his – kolen das o Mose o paash them Gilead. Kote hi kol forya Astarot oun Edrei čiddo, kay o ray pral Bashan, o Og, djivas.

Josua 2:10

Mer shounam, har kras o baro Devel t'menge i drom an o baro pani, hoy kharella Baro Lolo Pani, har djan dran o them Egiptia vin. Shounam ninna, hoy kran t'mer kol douy bare rayentsa pral i Amorarya, o Sihon oun o Og, hoy ap i vavar rig o panyestar Yordan his. T'mer maran len oun kran halauter paash, hoy lenge his.