Josua 8:9 - O Debleskro Lab 2024 (Sinte-Manouche)

⁹ Oun yaake har o Yosua lenge penas, djan le koy oun khatran pen ap koy rig o forestar Ai, kay o kham tele djal, mank Ai oun o foro Betel. Oun o Yosua ačas an koy rat pash i vavar lourdende.

O Debleskro Drom 2021 (Sinte)

⁹ Un jaake har o Josua lenge penas, djan le koi un khatran pen ap koi rig o forestar Ai, kai o kham tele djal, mank Ai un o foro Betel. Un o Josua atchas an koi rat pash i wawar lurdende.

Josua 8:9 Referans Kwoze

Nehemia 7:32

dran i forya Betel oun Ai: 123 (yek-sheel-te-biish-te-triin);

Esra 2:28

dran i forya Betel oun Ai: 223 (douy-sheel-te-biish-te-triin);

Josua 8:12

Yaake panč zerya morshen bičras o Yosua ap koy rig o forestar Ai, kay o kham tele djal, mank kol forya Ai oun Betel, te khatrenn le pen kote, te perenn le palle i morshenge dran o foro Ai an o doumo.

Josua 7:2

Oun o Yosua bičras morshen dran o foro Yericho, te djan le pash ko foro Ai. Kava foro hi čiddo pash Bet-Aven oun gar dour o forestar Betel, ap leskri rig, kay o kham pre djal. Oun yob penas ap lende: “Djan pre oun dikenn t'men an o them čorrhanes trouyel!” Oun kol morsha kran kova,

1. Mose 32:21

Bistrenn gar te penenn leske kova: Dik, tiro boudepaskro Yakob vell pal mende.” O Yakob penas peske: “Kamau, te bistrell o Esau peskri rholi ap mande. Te dikell lo kova, hoy me les dau, nashte vell, kay lell man lo lačes pre.”

1. Mose 12:8

Kotar djas o Abram doureder an i berge pash o foro Betel. Mank kol forya Betel oun Ai čivas yob peskro plarhteno kheer pre. Ko foro Betel hi čiddo ap koy rig, kay o kham tele djala. Oun o foro Ai hi čiddo ap koy rig, kay o kham pre djala. Kote kras yob pale i rhačepaskri o baro Debleske, kay venn firhe leske rhačedo, oun kharas o baro Debles an.

Josua 8:8

Oun te lan t'mer o foro dren, palle rhačrenn les pre, yaake har o baro Devel kova penas. Denn yak, te krenn, hoy penom t'menge!”

Josua 8:10

Oun sik taysarlakro stas o Yosua pre, oun moukas i tsele lourden khetne te kharell. Palle djas yob oun o Israeleskre phoureder glan lende vin pash o foro Ai.

1. Samuel 30:27

Leskre mala, kolenge yob čomone bičras, his an Betel, an Ramot-Negev, an Yattir,