Josua 7:21 - O Debleskro Lab 2024 (Sinte-Manouche)

²¹ Mank ko tselo koova, hoy lam lendar, dikom i shoukar plaashka dran o them Shinar, oun 200 (douy-sheel) roupeni kotya oun i baro lengsto sonakaskro kotar, hoy yek paash kilo phares hi. Oun me nay rikrom man gar pale oun lom kova. Oun halauter hi an miro plarhteno kheer, an i phoub khatemen. Oun o roup hi tel o vavar.”

O Debleskro Drom 2021 (Sinte)

²¹ Mank ko tselo koowa, hoi lam lendar, dikom i shukar plaashka dran o them Shinar, un 200 (dui-sheel) rupeni kotja un i baro lengsto sonakaskro kotar, hoi jek paash kilo phares hi. Un me nai rikrom man gar pale un lom kowa. Un halauter hi an miro plachteno kheer, an i phub khatemen. Un o rup hi tel o wawar.”

Josua 7:21 Referans Kwoze

Jakobo 1:15

Te shounah ap maro shero, krah mer ko čilačo koova. Oun te vas ko čilačo koova baro, anell kova menge o merepen.

Louka 12:15

Palle penas o Yezous ap kolende, kay troul leste tardo hi: “Denn garda! Ma nashenn boud bravlepen palla! O tselo bravlepen, hoy i mensho khetne anas, krell o mensheskro djipen gar braveles.”

Debleskri gili 119:37

Kre, te dikap gar ap kova, hoy či moldo hi, oun de man pale nevi zoor ap tiro drom!

2. Petro 2:15

O čačo drom moukan le, oun nashran pen. Yon djan ap ko čilačo drom, kay djas ninna o Bileam, – leskro dad hi o Beor. O Bileam kamas i čilačo koova te krell, te lell lo love.

5. Mose 7:25

Rhačrenn i figure lengre deblendar! Ko roup oun ko sonakay, hoy ap lende hi, lenn gar tele t'menge, te venn t'mare djia gar pandles ap kova. Savo koova vals djoungeles glan t'maro baro Debleskre yaka.

Hebrearja 13:5

Ma nashenn i love palla! Kova, hoy tout hi, kova mouk touke doha te vell! O Devel penas: Me bistrau tout gar, oun moukau tout kek tsireske!

Gosewe laba 28:22

Koles, kay bok pal i love hi, nashell o bravlepen palla, oun djinell gar, te vell yaake o čorvlepen pral leste.

2. Samuel 11:2

His yek dives, har i rati vas, stas o David dran peskro čiben pre, oun djas pral ap peskro kheer. Koy dikas yob pral tele, oun dikas i djouvyat, kay thovell pes. Oun koy djouvel his shoukar.

1. Mose 6:2

Koy dikan i Debleskre čave, har shoukar i menshengre ča hi. Oun yon lan penge kolen, kay yon kaman, te romedinerenn yon len.

1. Mose 3:6

Oun koy romni dikas ap ko rouk oun penas ap peste: “Mishto vals, te rhaus ko roukestar. Shoukar hi lo! Oun mishto vals, te vaus gosevo.” Oun yoy las o roukestar, rhas oun das ninna peskro romeste, kay pash late his. Oun yob rhas ninna.

Kolossarja 3:5

Ma krenn bouder kova, hoy kran an t'maro phouro djipen: Ma loubrenn trouyel! Ma krenn djoungelo oun vi-ladjedo koova! Ma moukenn čilačo koova an t'maro shero trouyel te djal! Ma nashenn pal i love! Koon pal i love nashella, koleske hi peskre love har leskro devel.

Efesarja 5:5

T'mer hounte djinenn: An o bolepen, kay hi o Yezous Kristo oun o Devel i raya, kote venn kek morsha dren, kay sovenn vavar djouvyentsa, vitar kek djouvya, kay sovenn vavar morshentsa, vitar kek, kay krell djoungelo koova, vitar kek, kay nashell pal i love. Kova, kay nashell pal i love, koleske hi o bravlepen peskro devel.

Efesarja 5:3

T'mer han o Debleskre menshe. Doleske krenn kek vi-ladjedo oun djoungelo koova! Nashenn vitar gar pal i love! Hi gar mishto, te vell pral savo koova mank t'mende rakedo!

Louka 12:2

Vell o dives, kay vell kova diklo, hoy kanna khatedo hi. Vell o dives, kay djinell hakeno kova, hoy kanna kek djinella.

Habakuk 2:9

Djungeles djal touke, kay tou rhorhepah tiro bravlepen khetne aneh! Ap tiro kheer vell bibarht. Pral ap i berga kral tou tiro kheer, te nay vell kek bibarht pral toute!

Jesaja 29:15

Djungeles djal kolenge, kay kova, hoy le penge an pengre djia glan lan, glan o baro Debleste khatrenn, oun an o kalepen i ratsyatar pengro koova krenn, oun penenn: “Koon dikell men? Oun koon djinell, te hams mer kova?”

Jesaja 28:15

T'mer penan: “Mer kram vin o merepah oun o moulengro themeha, te vas menge či. Ninna te venn i lourde dran vavar themma har i baro zorelo pani pral mende, venn le gar zorleder har mer.” T'mer patsenn, te nay khatrenn t'men pal t'mare rhorhene laba oun pal ko rhorhepen, hoy kran.

Gosewe laba 23:31

Ma dik i mool an, te hi li yaake shoukar loles an o khoro, oun djal tele har djet.

Gosewe laba 4:23

De yak ap kova, hoy patseh dour an tiro dji! Kolestar vell o djipen.

Hiob 31:1

Me djom i sovel mire yakentsa dren, te dikap gar loubekanes i terni čake palla.

2. Mose 20:17

Ma rode, har nay less tou kova touke, hoy i vavares hi: leskro kheer, leskri romni, boudepaskro, boudepaskretsa, groumni, bourika, či, hoy i vavares hi.

1. Mose 10:10

An ko ersto tsiro vas yob o ray pral i forya Babel, Erek, Akkad oun Kalne an o them Shinar.

Josua 7:20

Koy penas o Akan ap o Yosua: “Ava, hi čačo, me anom bari doosh ap mande glan o baro Debleste, kay o Israeleskro Devel hi. Oun kava hi, hoy krom:

Josua 7:22

Kote bičras o Yosua morshen pash koleskro plarhteno kheer. Kolla hatsan halauter, har yob penas, an i phoub khatemen. Oun o roup his o tel o vavar koova.

2. Rajengro liil 7:8

Kol morsha, kay nasselo ap pengro mass hi, van glan ap koy platsa, djan an yek plarhteno kheer, rhan, piyan oun lan roup, sonakay oun koola, djan krik oun khatran kova, van pale, djan an i vavar plarhteno kheer, lan lauter vin oun khatran kova ninna.

1. Mose 34:27

Palle čoran o Yakobeskre čave kol moulendar an ko foro, kay lengri pheen i zoryah an-tapedo vas.

Gosewe laba 1:19

Yaake djal hakeneske, kay kamell o vavareskro bravlepen te lell. Savo mensho lell peske kokres o djipen.