Josua 7:12 - O Debleskro Lab 2024 (Sinte-Manouche)

¹² Doleske nay venn i Israelitarya bouder gar zorele pral kolende, kay kourenn pen lentsa. Oun yon hounte nashenn lendar. Kanna hi yon kolla, kay hounte darenn lengro djipaske. Me hom bouder gar t'mentsa yaake rah, har anenn t'mer gar ko koova dran t'mende krik, hoy mandar čoran.

O Debleskro Drom 2021 (Sinte)

¹² Doleske nai wenn i Israelitarja buder gar sorele pral kolende, kai kurenn pen lentsa. Un jon hunte nashenn lendar. Kanna hi jon kolla, kai hunte darenn lengro djipaske. Me hom buder gar tumentsa jaake rah, har anenn tumer gar ko koowa dran tumende krik, hoi mandar tchoran.

Josua 7:12 Referans Kwoze

Jesaja 59:2

Na-a, t'mari doosh, hoy ap t'mende lan, hi tardo mank t'mende oun t'maro Debleste. Dran ko čilačepen, hoy kran, khatrell lo peskre yaka t'mendar, oun doleske shounell yob gar.

Čačepangre 2:14

Kote tapras o baro Debles i bari rholi pral i Israelitarya. Oun yob das len an o vast kolendar, kay len vi-čorenn. Oun ninna moukas lo len an i vasta kol menshendar te perell, kay troul lende djivenn oun lenge o djipen phares kran. Yaake his i Israelitarya bouder gar zoreles doha, te denn le kolen pale, kay ap lende djan.

4. Mose 14:45

Koy van kol Amalekarya oun kol Kanaanitarya, kay ap i berga djivan, tele, oun dan len, oun lan len palla bis pash o foro Horma.

Josua 6:18

T'mer, denn yak, te lenn t'menge či kolestar, hoy hounte vell moulo dino. Kova te krenn t'mer, palle anenn t'mer bari bibarht oun o merepen pral i tsele Israelitarya.

5. Mose 7:26

T'mer hounte anenn kek savi figura an t'mare khera, te venn t'mer gar lentsa khetne moulo dino. Čačepah, dikenn ap lende har ap i djoungelo koova, oun denn len paash.

Habakuk 1:13

Tire yaka hi yaake djoudjo, te nay dikeh kek čilačepen. Tou nay dikeh gar har i menshe doukedo venna. Hoske kreh tou či, te dikeh kol rhorhene phoukepangren, oun peneh kek lab, te rhal o čilačo koles pre, kay hi lačeder oun čačeder har yob?

Hosea 9:12

Ninna te tserdenn le pengre čaven bares, lau len lendar pale krik. Kek lendar ačell djido. Havi bibarht vell pral lende, me te tserdau man lendar krik!

Jeremia 23:33

O baro Devel penas ap o Yeremia: Te poučell toutar yek mire menshendar, i rakepaskro oder i rashay: Hoy penas o baro Devel touke, hoy phares ap toute čiddo hi? Palle peness: T'mer han phares ap mande čiddo. Kamau te vitsrap t'men krik mandar, penell o baro Devel.

Jeremia 6:8

Yerusalem, mouk tout trad te dell! Te shouneh tou gar, krau me miro dji touke pandlo. Oun dran toute krau i nango them, kay kek nay djivell bouder.

Gosewe laba 28:1

O čilačo hi ap o naashepen, ninna te lell les kek palla. Kova, kay an o čačepen tardo hi, hi har i terno levo oun darell či.

Čačepangre 2:4

Oun har o baro Debleskro bolepaskro kova lauter ap i Israelitarya penas, koy rovan le zoreles.

4. Mose 14:39

Har o Mose kol laba ap kol tsele Israelitarya penas, his kol tsele menshenge ropaske.

Čačepangre 16:20

Oun yoy penas ap leste: “Filistarya hi pral toute Simson!” Kote stas lo dran peskro sopen pre. Oun penas peske: “Me vau krik har hako vavar kopo ninna. Me nay tserdau kol dorya mandar krik.” Yob djinas gar, te djas peske o baro Devel lestar.

1. Samuel 14:38

Koy das o Saul i pralstoune lourden pash peste khetne gole oun penas: “Kava dives anas yek doosh ap peste. Hatsenn vin, koon kova kras!

Debleskri gili 44:10

Kanna čival men pale oun vitsral men an i ladj. Tou djah gar mare lourdentsa an o kourepen.

Debleskri gili 60:10

O them Moab hi miro thopaskro čaro. Ap o them Edom vitsrau miro kirarh. Pral i Filistarya dau gole: Me hom o zorleder!”

4. Mose 14:42

O baro Devel hi gar pash t'mende. Djan gar koy pre, te venn t'mer gar maredo kolendar, kay kamenn t'maro merepen!

4. Mose 14:43

Kol Amalekarya oun kol Kanaanitarya hi koy vergel tardo glan t'mende, oun t'mer venn moulo dino o rhareha. T'mer djan o baro Deblestar krik. Doleske hi lo gar t'mentsa.”