Josua 6:4 - O Debleskro Lab 2024 (Sinte-Manouche)

⁴ Oun efta rashaya hounte hidjrenn efta phourdepangre oun djan glan o morhton, kay o Debleskre deesh laba dren hi. Ap o eftato dives djan t'mer efta kope troul o foro trouyel. Oun i rashaya phourdenn koy pashel an pengre phourdepangre.

O Debleskro Drom 2021 (Sinte)

⁴ Un efta rashaja hunte hidjrenn efta phurdepangre un djan glan o mochton, kai o Debleskre deesh laba dren hi. Ap o eftato diwes djan tumer efta kope trul o foro trujel. Un i rashaja phurdenn koi pashel an pengre phurdepangre.

Josua 6:4 Referans Kwoze

Debleskro tsiro 16:1

Oun me shounom, har yek dran o Debleskro kheer bari gole das oun ap kol efta bolepangre penas: “Djan vin oun čorenn kol efta čare, kay pherdo Debleskri rholi hi, pral i phoub vin!”

2. Familjakro liil 20:17

Gar t'mer hounte kourenn t'men kote. Ačenn glan lende tardo! Ačenn kote oun dikenn, har me, o baro Devel, t'men dran lengro vast vin lau. Me hom pash t'mende, t'mer menshe dran Youda oun Yerusalem. Ma darenn! Trashenn či! Taysar djan pash lende! O baro Devel hi t'mentsa.”

Debleskro tsiro 8:2

Oun me dikom kol efta bolepangren, kay glan o Debleskro beshepaskro tardo hi. Kolla lan efta phourdepangren.

2. Familjakro liil 20:21

Yob rakras pes i menshentsa tele, oun bičras gipangre, te djan le glan i lourdende, an-rido an pengre shoukar koola, oun givenn o baro Debleske koy gili: Parkrenn t'men pash o baro Debleste! Leskro lačepen hi an hako tsiro koy.

1. Rajengro liil 18:43

oun penas ap peskro boudepaskro: “Dja pre oun dik koy, kay hi o baro pani!” Yob djas, dikas oun penas: “Kote hi či!” Oun o Eliya penas: “Dja pale!” Oun o boudepaskro djas oun vas pale, efta kope.

3. Mose 14:16

Palle čivell lo peskro čačo goushto an ko djet, hoy an leskro servo vast hi, oun vitsrell ko djetestar efta kope ap o Debleskri rhačepaskri.

Debleskro tsiro 15:7

Kote his ninna kol star zorele bolepangre tardo. Oun yek lendar das kol efta bolepangren efta sonakangre čare an lengre vasta. An kol čare his i rholi o Deblestar, kay djivell kanna oun hako tsireske.

Debleskro tsiro 15:1

Oun me dikom i vavar baro koova an o bolepen. Kova his baro oun dareno. Kote his efta bolepangre, kay anenn efta kope i bari phagi pral i phoub. Pal koy eftati phagi vell bouder kek phagi. Palle hi o Devel bouder gar rhoyedo.

Debleskro tsiro 10:3

Oun yob das zoreles gole, har i bari divyi margodja zoreles gole della. Oun har yob gole das, shounom efta zorele golya dran o bolepen.

Debleskro tsiro 8:6

Oun kol efta bolepangre, kay his len kol efta phourdepangre, lan len an i vasta, te phourdenn le dren.

Debleskro tsiro 5:6

Oun me dikom i terno bakres pash o rayeskro beshepaskro, hoy vi-dikas, har vals lo maredo. Kova hi tardo mashkral kol star zorele bolepangre oun kol čačepangre phourende. Les hi efta shinga oun efta yaka. Kol efta yaka hi o Debleskro Dourho, hoy pral i tseli phoub vin bičedo vas.

Debleskro tsiro 5:1

Oun me dikom i liil an o čačo vast kolestar, kay ap o rayeskro beshepaskro beshdo hi. Ap ko liil his dren oun vin čomone činlo. Oun ko liil his khetne pandlo efta doryentsa.

Debleskro tsiro 1:20

Me kamau te hayvess, hoy kol efta bolepangre momlia hi, hoy tou an miro čačo vast dikal. Te hayvess ninna, hoy kol sonakangre momlia hi! Kol efta bolepangre momlia hi o Debleskre boudepangre, kay denn yak ap i patslende, kay an i efta forya khetne venna. Oun i efta sonakangre momlia hi i patsle, kay venna khetne an i efta forya.”

Debleskro tsiro 1:4

Me, o Yohanni, činau kava liil ap i tsele patslende, kay an i efta forya an o them Asia khetne venna. Lačepen oun barht t'menge! Kova dell t'men o Devel! Yob djivella hako tsiro: kanna oun an ko tsiro, hoy his oun hoy vella! Lačepen oun barht t'menge! Kova dell t'men o Debleskro Dourho! Kova hi har efta yaga glan o Debleskro beshepaskro tardo.

2. Rajengro liil 5:10

Koy bičras o Elisa yekes pash leste, te penell kova leske: “Dja koy oun thob tout efta kope an o Yordan! Palle djal o nasslepen toutar oun tiro mass vell pale sasto.”

4. Mose 23:1

O Bileam penas ap o Balak: “Mouk kate ap efta platse barra pre te čivell, kay nay rhačrau firhen o Debleske, oun an mange efta terne gourma oun efta bakre!”

Zakarie 4:6

“Kol efta momlia hi o baro Debleskre yaka, hoy lauter dikenn, hoy ap i phoub djala.”

Zakarie 4:2

oun penas ap mande: “Hoy dikeh?” Me penom: “Me dikau i momelengri kerdi dran sonakay. Ap late hi i čaro. Koy pre hi efta momlia, hakeni i mouyeha.

Jesaja 27:13

Oun ap ko dives vell an i bari phourdepaskri phourdedo. Oun i Israelitarya, kay his nashedo an o them Assour, oun kay his vin tradedo an o them Egiptia, kolla lauter venna oun mangenn o baro Debles an ap o Debleskri berga an o foro Yerusalem.

Hiob 42:8

Kanna lenn efta terne gourma oun efta bakre oun djan pash o Hiob, oun marenn kol firhen kote, oun rhačrenn len mange! Oun o Hiob, koles miro čačo vast hi, hounte mangell man t'menge. Ap koleste shounau oun krau t'mentsa gar, har hounte kroms. T'mer rakran gar o čačepen pral mande har yob kras.”

2. Familjakro liil 20:19

Oun i Levitarya dran i khera Kohat oun Korah, stan pre oun sharan i bari golyah o baro Debles, kay o Israeleskro Devel hi.

2. Familjakro liil 13:12

Dikenn, mentsa hi o Devel oun djal glan mende. Ninna leskre rashaya hi kate, te phourdenn le an i phourdepangre oun denn men o sikepen, te djas mer an o kourepen t'mentsa. T'mer Israelitarya, ma kourenn t'men o baro Debleha, kay o Devel t'mare phourendar hi! T'menge djal kova gar mishto vin!”

3. Mose 4:6

Yob čivell peskro goushto an ko rat, oun vitsrell efta kope ko ratestar glan o layntikro kotar than, hoy hi glan o Debleskri kouč isema.

1. Mose 2:3

Oun o Devel penas: “Ko eftato dives hi i baro dives mange. Ko dives hi miro.” Ap o eftato dives his leskri boudi halauter kerdo, oun yob boudras bouder gar.

Josua 6:3

Shob divessa mouk tire tsele lourden troul o foro te djal: hako dives yek kopo.

Josua 6:5

Te shounenn i lourde, har i rashaya lengsto an pengre phourdepangre phourdenn, hounte denn le halauter i bari kourepaskri gole. Palle perenn i pre-čidde barra troul o foro an pende khetne. Oun i tsele lourde nay djan haki rigyatar an o foro dren.”

Josua 6:13

Oun kol efta rashaya hidjran kol efta phourdepangre glan o morhton, oun phourdan ap lende o tselo tsiro pash o djapen. Oun kol feteder kourepangre djan lenge glan vin. Oun kol vavar lourde djan pal o morhton. Oun an ko tselo tsiro phourdan i rashaya an pengre phourdepangre.

2. Rajengro liil 5:14

Koy djas yob tele pash o pani Yordan oun čivas pes tel o pani efta kope yaake har o Debleskro morsh kova penas. Oun leskro mass vas pale sasto har ko mass i tikno čavestar. Oun yob vas sasto ap peskro tselo mass.