Josua 4:9 - O Debleskro Lab 2024 (Sinte-Manouche)

⁹ Deesh-te-douy vavar barra čivas o Yosua mashkral an o pani Yordan, kote kay i herya kol rashayendar tardo his, kay hidjran o morhton, kay o Debleskre deesh laba dren hi. Oun kote hi kol barra ninna gomme kava dives.

O Debleskro Drom 2021 (Sinte)

⁹ Deesh-te-dui wawar barra tchiwas o Josua mashkral an o pani Jordan, kote kai i herja kol rashajendar tardo his, kai hidjran o mochton, kai o Debleskre deesh laba dren hi. Un kote hi kol barra ninna gomme kau diwes.

Josua 4:9 Referans Kwoze

1. Samuel 7:12

Oun o Samuel las i bar oun čivas les pre mashkral Mispa oun Shen, oun das les o lab Eben-Eser, oun penas: O tselo drom his o baro Devel ap mari rig.

2. Familjakro liil 5:9

Oun i hidjepangre kashta his yaake lengsto, kay lengre palstoune kotya nay diklo van an koy glanstouni isema, hoy hi glan i palstouni isema. Foun vin nay van le gar diklo. Oun kote his o morhton bis ap kava dives.

2. Samuel 4:3

Kolla kay glan lende an Beerot djivan, nashan penge an Gittayim, oun his koy vi-themarya bis kay dives.

1. Samuel 30:25

Kava lab, hoy o David ap ko dives penas, ačas tardo oun vas i čačepaskro lab. Oun o Israel hounte rikras pes ap leste bis kava dives.

Čačepangre 1:26

Oun ko morsh djas an o them, kay i Hetarya djivenn. Oun kote kras yob i foro, oun das ko fores o lab Louz. Oun yaake kharell ko foro gomme kava dives.

Josua 24:26

Oun o Yosua činas kal tsele laba an o liil, hoy sikrell o Debleskro drom. Oun yob las i baro bar oun čivas les koy tardo, tel ko baro rouk, hoy pash o baro Debleskro plarhteno kheer tardo his.

5. Mose 34:6

Oun yob paskras les an i tala an o them Moab ap i vavar rig o forestar Bet-Peor. Bis ap kava dives djinell kek, kay lo kote paskedo hi.

2. Mose 28:21

Oun čin an lende i laba o Israeleskre čavendar, kolendar i deesh-te-douy bare familye venn. Čin an hako bar yek lab.

2. Mose 24:12

Oun o baro Devel penas ap o Moseste: “Ab pash mande ap i berga pre oun ač kote, te dap tout kol barra, kay činom mire laba dren, te sikrap mire menshende, har te djivenn le, te djinenn yon, hoy te krenn oun hoy te krenn gar.”

1. Mose 28:18

Taysarlakro stas o Yakob pre, las ko bar, hoy tel leskro shero čiddo his, čivas les pre, oun čoras djet koy pre.

1. Mose 26:33

Koy das yob koy brounna ko lab Shiba. Doleske kharell ko foro gomme kava dives Beersheba.

Mateo 28:15

Oun kol lourde lan kol love, oun kran kova yaake, har i pralstoune lenge penan. Oun ko rakepen djal gomme kava dives mashkral i biboldende trouyel.

Mateo 27:8

Doleske dan le ko kotar them o lab ratli phoub. Ninna kava dives kharell kova yaake.

1. Rajengro liil 18:31

las deesh-te-douy barra, yek bar hako čaveske o Yakobestar. Ap koleste penas o baro Devel glan i rah tsiro: “Tiro lab vell kanna Israel.”

Josua 4:10

Oun kol rashaya, kay ko morhton hidjrenn, ačan mashkral an o pani Yordan tardo, bis te halauter kerdo his, hoy o baro Devel ap o Yosua penas, te penell lo kova i tsele menshenge, yaake har o Mose kova ap o Yosua penas. Oun i tsele menshe djan sik vergel.