Josua 3:8 - O Debleskro Lab 2024 (Sinte-Manouche)

⁸ Tou pen ap i rashaya, kay hidjrenn ko morhton: Te venn t'mer pash o pani Yordan, ačenn an o pani tardo!”

O Debleskro Drom 2021 (Sinte)

⁸ Tu pen ap i rashaja, kai hidjrenn ko mochton: Te wenn tumer pash o pani Jordan, atchenn an o pani tardo!”

Josua 3:8 Referans Kwoze

Josua 3:17

Oun i rashaya, kay o morhton hidjrenn, kay o Debleskre deesh laba dren hi, kolla ačan tardo mashkral an o pani Yordan ap i phoub, hoy his bouder gar sapeno, bis te djan i tsele Israelitarya ap i vavar rig.

Josua 3:3

oun moukas i menshenge te penell: “Ap ko tsiro, kay dikenn t'mer, har hidjrenn i rashaya dran o kheer Levi ko morhton, kay o Debleskre deesh laba dren hi, hoy t'men t'maro baro Devel das, palle stenn pre, oun djan pal o morhton!

Ropaskre gilja 3:26

O feteder koova hi, te dikas mer pokones ap o baro Debleste, te vell yob menge ap i rig.

Nehemia 13:28

Oun o čavo o baro rashayestar Elyashib, o Yoyada, koles his morsh čave, kolendar yek i romyat las, kolakro dad o Sanballat hi dran o foro Bet-Horon. Oun koles tradom mandar krik!

Nehemia 13:22

Oun me penom ap i Levitarya, te krenn le pen djoudjo o Debleske. Palle te venn le pash o foreskre voudya oun denn koy yak, te vell o Debleskro dives dren rikedo. Ninna kava biste mange gar, miro Devel. Oun dik lačes ap mande an tiro baro kamlepen.

2. Familjakro liil 30:12

Oun o Debleskro vast his pral o them Youda, te kran le yek djiyeha, hoy o baro ray oun i pralstoune lenge penan, oun hoy o baro Devel lendar kamella.

2. Familjakro liil 29:30

Oun o Hiskiya oun i pralstoune penan ap i Levitarya, te sharenn le o baro Debles kol gilyentsa, hoy kras o David oun o dikepaskro, o Asaf. Oun yon givan barhteles, oun vitsran pen ap i phoub oun mangan o baro Debles an.

2. Familjakro liil 29:27

Oun o Hiskiya penas, te anenn le kanna i marede firhe, kay o Debleske tseles rhačedo venna, oun čivenn len ap i rhačepaskri. Oun an ko tsiro, kay o mass rhačedo vas, givan i Levitarya o baro Debleske, oun i phourdepangre phourdan an pengre bashepangre. Oun ninna vas bashedo ap i vavar bashepangre, hoy kras o David, ko baro ray pral Israel.

2. Familjakro liil 29:15

Oun yon dan pengre phralen khetne gole, oun kran pen djoudjo o Debleske, oun djan an o baro Debleskro kheer, te krenn le les djoudjo, yaake har o baro ray les lenge penas, oun o baro Devel les kamas.

2. Mose 14:13

O Mose penas ap i tsele menshende: “Ma darenn! Ačenn zoreles! Dikenn har o baro Devel t'men kava dives vin lell dran i vasta kol Egiptarendar! Kal Egiptaryen, kay t'mer kava dives dikenna, kolen dikenn t'mer bouder gar, vitar gar an ko tsiro, hoy vella.

Josua 3:7

Oun o baro Devel penas ap o Yosua: “Kava dives krau me tout bares glan i yaka i tsele Israelendar, te hayvenn le: Yaake har homs o Moseha, yaake hom ninna touha!

Josua 3:9

Oun o Yosua penas ap i Israelitarya: “Avenn kate! Oun shounenn, hoy t'maro baro Devel t'menge penell:

2. Rajengro liil 2:6

Oun o Eliya penas ap leste: “Ač tou kay, man bičras o baro Devel pash o pani Yordan.” Koy penas yob: “Me dau man sovel pash o djido Debleste. Yaake har čačo hi, kay tou djiveh, me moukau tout gar kokres.” Oun kol douy djan ko drom khetne.

Josua 4:11

Oun har i tsele Israelitarya ap i vavar rig his, koy djan ninna kol rashaya ap i vavar rig, kay hidjrenn ko morhton, kay i laba o baro Deblestar dren hi. Oun yon djan glan i menshende.