Josua 3:7 - O Debleskro Lab 2024 (Sinte-Manouche)

⁷ Oun o baro Devel penas ap o Yosua: “Kava dives krau me tout bares glan i yaka i tsele Israelendar, te hayvenn le: Yaake har homs o Moseha, yaake hom ninna touha!

O Debleskro Drom 2021 (Sinte)

⁷ Un o baro Dewel penas ap o Josua: “Kau diwes krau me tut bares glan i jaka i tsele Israelendar, te haiwenn le: Jaake har homs o Moseha, jaake hom ninna tuha!

Josua 3:7 Referans Kwoze

Josua 4:14

Oun ap ko dives kras o baro Devel o Yosua bares glan i yaka kol tsele menshendar Israel. Oun an leskro tselo djipen dikan le pre ap leste, yaake har le kova ninna o Moseha kran.

Josua 1:5

Kek nay vell zorleder har tou, yaake rah har tou djiveh. Yaake har me o Moseha homs, yaake vau me touha. Me moukau tout gar, oun me djau gar toutar.

1. Familjakro liil 29:25

Oun i tsele Israelitarya nay dikan, har kras o baro Devel, te vas o Salomo bareder oun bareder. O Salomo vas an-diklo oun sharedo har kek vavar ray pral Israel glan leste.

Debleskri gili 18:35

Yob sikrell man, har mire vasta hounte kourenn pen, oun har miri moussi rikrell o sasterno bogo.

Josua 1:17

Yaake har mer ap o Mose shounam, yaake shounah mer ap toute. Mou vell o baro Devel, kay tiro Devel hi, yaake touha, har lo o Moseha his!

Hiob 7:17

Hoy hi o mensho, te dikess tou ap leste, har te vell lo komone baro? Hoske rissreh tou tiro tselo dji pash leste?

2. Familjakro liil 1:1

Oun o Davideskro čavo, o Salomo, vas i zorelo ray. Oun o baro Devel, kay leskro Devel his, his leha, oun kras les baro oun bareder.

Johanni 17:1

Pal kol laba dikas o Yezous pre an o bolepen oun penas: “Tata, o tsiro hi kay. Sike, havo raylepen oun havi zoor tou tiro čaveste dal, te sikrell yob ninna tiro raylepen oun tiri zoor!

Filiparja 1:20

Me patsau te rikrell man o Devel an o vast, oun kamau o tselo djiyestar te krap či, kay hounte ladjap man glan leste. Kamau gar, te trashap i menshendar. Yaake har rakrom hako tsiro o Yezous Kristestar, oun trashom lendar gar, yaake kamau les ninna kanna an o stilepen te krell, ninna te hounte merap, te dikenn i menshe ap miro djipen oun ap miro merepen, har baro oun raylo o Yezous Kristo hi.

Josua 3:6

Oun ap i rashayende penas lo: “Hadenn o morhton pre, kay o Debleskre deesh laba dren hi! Oun djan glan i menshende glan!” Koy hadan le o morhton pre, oun djan i menshenge glan vin.

Josua 3:8

Tou pen ap i rashaya, kay hidjrenn ko morhton: Te venn t'mer pash o pani Yordan, ačenn an o pani tardo!”

Josua 1:9

Penau touke pale: Ab zoreles! Oun ma traash gar! Ma dare či! Oun ma traash kekestar! O baro Devel hi tiro Devel oun hi touha, kay tou ninna djah.”