Josua 3:14 - O Debleskro Lab 2024 (Sinte-Manouche)

¹⁴ Oun i menshe djan vin dran lengre plarhtene khera, te djan le vergel o pani Yordan. Oun i rashaya, kay hidjrenn ko morhton, kay o Debleskre deesh laba dren hi, djan lenge glan vin.

O Debleskro Drom 2021 (Sinte)

¹⁴ Un i menshe djan win dran lengre plachtene khera, te djan le wergel o pani Jordan. Un i rashaja, kai hidjrenn ko mochton, kai o Debleskre deesh laba dren hi, djan lenge glan win.

Josua 3:14 Referans Kwoze

Hebrearja 9:4

An i palstouni isema his o sonakaskro bob tardo, kay kouč goudlo kasht pral pre rhačedo vas, hoy mishto soungella. Koy his ninna o sonakaskro morhton. An leste his o sonakaskro khoro, kay his ko maro dren čiddo, hoy Manna kharella. An ko morhton his ninna o Aroneskro kasht, hoy zenelo vas, ninna kol douy činle barra. Ap kolende his i deesh Debleskre laba činlo, hoy o Devel peskre menshentsa vin kras.

Jeremia 3:16

Oun an ko tsiro, kay van t'mer boud menshe, oun djivenn an o tselo them, koy penell bouder kek t'mendar: Anenn o Debleskro morhton, te vell o baro Devel pash mende. Kekeske vell kova an o shero, kek poučell koy pal, oun t'menge hi yek, kay hi lo krik. Oun kek krell i nevo. Ko penell o baro Devel.

Debleskri gili 132:8

Baro Devel, ste pre, oun dja pash koy platsa, kay khere hal, tou oun ko morhton, hoy men tiri bari zoor sikrell.

Josua 6:6

Oun o Yosua, koleskro dad o Noun his, das i rashayen pash peste gole, oun penas ap lende: “Anenn o morhton, kay o Debleskre deesh laba dren hi! Oun efta t'mendar hidjrenn hakeno yek phourdepaskri oun djan glan ko morhton.”

Josua 3:6

Oun ap i rashayende penas lo: “Hadenn o morhton pre, kay o Debleskre deesh laba dren hi! Oun djan glan i menshende glan!” Koy hadan le o morhton pre, oun djan i menshenge glan vin.

Josua 3:3

oun moukas i menshenge te penell: “Ap ko tsiro, kay dikenn t'mer, har hidjrenn i rashaya dran o kheer Levi ko morhton, kay o Debleskre deesh laba dren hi, hoy t'men t'maro baro Devel das, palle stenn pre, oun djan pal o morhton!

5. Mose 31:26

“Lenn kava čačepaskro liil, oun čivenn les ap i rig pash o morhton, kay o baro Debleskre deesh laba dren hi, te sikrell lo len, hoy vella, te rikrenn le pen gar ap kol laba.

Josua 24:11

T'mer djan pral o Yordan vergel, oun van pash o foro Yericho. Kote kouran pen i morsha dran Yericho t'mentsa. Oun me dom len an t'mare vasta, oun ninna kol vavar menshen, kay an kava them djivan: i Amorarya, i Perisarya, i Kanaanitarya, i Hetarya, Girgasharya, i Hivarya oun i Yebousarya.