Josua 3:10 - O Debleskro Lab 2024 (Sinte-Manouche)

¹⁰ Ap kava dikenn, te hi o djido Devel mashkral t'mende, oun te tradell lo glan t'mende i Kanaanitarya vin, ninna i Hetarya, i Hivarya, i Perisarya, i Girgasharya, i Amorarya oun i Yebousarya.

O Debleskro Drom 2021 (Sinte)

¹⁰ Ap kawa dikenn, te hi o djido Dewel mashkral tumende, un te tradell lo glan tumende i Kanaanitarja win, ninna i Hetarja, i Hiwarja, i Perisarja, i Girgasharja, i Amorarja un i Jebusarja.

Josua 3:10 Referans Kwoze

5. Mose 7:1

T'maro baro Devel anell t'men an ko them, hoy t'maro vell. Oun yob tradell boud menshen glan t'mende vin: I Hetarya oun i Girgasharya oun i Amorarya oun i Kanaanitarya oun i Perisarya oun i Hivarya oun i Yebousarya. Kolla hi efta natsyone, kay hi bareder oun zorleder har t'mer.

2. Mose 33:2

Oun me bičrau i bolepaskro. Kova djal glan t'mende. Oun me tradau i vavar menshen an kava them vin: i Kanaanitarya, i Amorarya, i Hetarya, i Perisarya, i Hivarya oun i Yebousarya.

Hebrearja 10:31

Havi bari phagi vell pral kolende, ap lende o djido Devel rhoyedo hi!

1. Samuel 17:26

Kote penas o David ap kol morshende, kay koy tardo his: “Hoy lell kova, kay ko morshes kote marella oun i ladj i Israelendar pale krik lella? Hoy patsell ko Filistari, koon yob hi? Yob hi gar činlo ap peskro mass, oun patsell, te nay praasell lo i lourden ko djido Deblestar!”

Jeremia 10:10

O baro Devel hi o čačo Devel, ko djido Devel, kay hako tsireske o baro ray ačell. Te vell yob rhoyedo, trissell i phoub, oun i menshe nay rikrenn leskri rholi gar vin.

2. Rajengro liil 19:4

O baro ray pral o them Assour bičras peskro pralstounes, te praasell lo o djido Debles. Har kamoms, te shounell o baro Devel, tiro Devel, kol tsele laba, hoy ko morsh penas, oun dell les i phagi! Mange o Deblestar kol menshenge, kay pral ačan leskre menshendar, te rikrell lo peskro vast pral lende!”

Josua 22:31

Oun o Pinhas, koleskro dad o rashay Elazar his, penas ap lende: “Kanna djinah, te hi o baro Devel mashkral mende. T'mer peran gar lestar tele. Oun yob hounte dell peskre menshen Israel kek phagi.”

5. Mose 31:17

Palle rhačell miri rholi pre pral lende, oun me moukau len, oun vau lenge bouder gar ap i rig. Boud djoungelo pharo koova pherdo douka oun daar vell pral lende. Oun yon penenn palle ap ko dives: Kova lauter vell pral mende doleske, kay maro Devel bouder gar pash mende hi.

2. Mose 3:8

Me vom tele, te lap len dran o vast kol menshendar an o them Egiptia vin, oun anau len dran kava them vin oun dau len i lačo oun baro them, kay hi boud thoud oun gvin. An ko them djivenn kanna i Kanaanitarya, i Hetarya, i Amorarya, i Perisarya, i Hivarya oun i Yebousarya.

1. Tessalonikarja 1:9

Yon hi kolla, kay penenn i vavarenge, har lan t'mer men pash t'mende pre, har moukan t'maro phouro drom, te djan ap o Debleskro drom, oun mangenn bouder gar vavar koova an har o djido oun čačo Debles kokres.

Debleskri gili 9:16

I menshe an vavar themma, peran an koy rheb, hoy yon i vin hadan. An koy netsa, hoy yon vin čivan, tapran le pen kokres.

5. Mose 5:26

An kek tsiro nay shounas i mensho o rakepen o djido Deblestar dran i yag vin, yaake har mer, oun ačas djides?

Mateo 16:16

Penas o Simon Petro: “Tou hal o baro ray, kolestar o Devel penas te vell yob. Tou hal o čavo o djido Deblestar.”

Jesaja 7:14

Doleske dell o baro Devel kanna kokres i sikepen, te sikrell lo, kay hi lo ap t'mari rig: I terni čay vell vavarčandes oun lell i morsh čaves. Oun koles dell li o lab Immanuel.

1. Rajengro liil 22:28

Kote penas o Mika: “Te veh tou sasto pale pale, palle rakras o baro Devel gar dran miro mouy.” Oun palle penas lo: “Shounenn kova, t'mer menshe an i tsele themma!”

Josua 21:45

Oun yaake vas halauter yaake, har o baro Devel ap o kheer Israel penas. Yob rikras peskre tsele lače laba, hoy lo lenge penas.

2. Mose 17:7

Koy platsa, kay i menshe čingran ap leste oun kay yon gar patsan, te hi o baro Devel pash lende oun dell len kova, hoy len hounte vell, koy platsa das o Mose i laba Massa oun Meriba.

Johanni 6:69

Mer patsah oun djinah, tou veh o Deblestar. O Devel bičras tout.”

5. Mose 7:21

Doleske, ma dare lendar! T'maro baro Devel hi mashkral t'mende, ko baro zorelo Devel, glan koleste hakenes i daar taprell.

Josua 3:9

Oun o Yosua penas ap i Israelitarya: “Avenn kate! Oun shounenn, hoy t'maro baro Devel t'menge penell:

Josua 9:1

Oun kova, hoy i Israelitarya kran, shounan i tsele bare raya, hoy ap i vavar rig o panyestar Yordan djivan, an o pralstouno them oun ninna an o telstouno them oun pash o Baro Pani bis pash i berge Libanon. Kal bare raya his i raya pral o them Het, pral o them Amor, pral o them Kanaan, pral o them Peris, pral them Hiv oun pral o them Yebous.

1. Samuel 26:6

O David penas ap o Ahimelek, ko Hetari, oun ap o Abishay, koleskri day i Serouya hi, oun koleskro phraal o Yoab hi: “Koon kamell mantsa tele ap i platsa pash o Saul te djal?” Oun o Abishay penas: “Me djau touha tele!”

Debleskri gili 42:2

Har i vesheskri bouzyat bari troush hi pal shila pani, yaake nashell miro dji pal toute miro Devel.

1. Mose 15:21

i Amorarya oun i Kanaanitarya, i Girgasharya oun i Yebousarya.”

4. Mose 13:29

An o them Negev djivenn i Amalekarya. An o pralstouno them djivenn i Hetarya, i Yebousarya oun i Amorarya. Pash o baro pani oun pash o pani Yordan djivenn i Kanaanitarya.”

Josua 11:3

Ninna bičras lo morshen pash i Kanaanitarya, kay djivenn kote, kay o kham pre djala oun kote, kay o kham tele djal pash i Amorarya, pash i Hetarya, pash i Perisarya, pash i Yebousarya ap i berge, pash i Hivarya tele pash i berge Hermon an o them Mispa.

Josua 12:8

an o pralstouno them, oun an o telstouno them, an koy tala, kay o pani Yordan nashell, oun an o them, hoy langs o panyeste pre djal, ninna an o divyo them, oun an o moulo them Negev. I menshe, kay kote djivan, his i Hetarya, i Amorarya, i Kanaanitarya, i Perisarya, i Hivarya oun i Yebousarya.

Josua 24:11

T'mer djan pral o Yordan vergel, oun van pash o foro Yericho. Kote kouran pen i morsha dran Yericho t'mentsa. Oun me dom len an t'mare vasta, oun ninna kol vavar menshen, kay an kava them djivan: i Amorarya, i Perisarya, i Kanaanitarya, i Hetarya, Girgasharya, i Hivarya oun i Yebousarya.

1. Familjakro liil 1:14

ninna i Yebousarya, i Amorarya, oun i Girgasharya,