Josua 24:22 - O Debleskro Lab 2024 (Sinte-Manouche)

²² Kote penas o Yosua ap i tsele menshende: “T'mer han kolla, kay dikan oun shounan, har t'mer penan: Mer rodam o baro Debles vin, te mangas les an.” Oun yon penan: “Ava, yaake hi kova.”

O Debleskro Drom 2021 (Sinte)

²² Kote penas o Josua ap i tsele menshende: “Tumer han kolla, kai dikan un shunan, har tumer penan: Mer rodam o baro Debles win, te mangas les an.” Un jon penan: “Awa, jaake hi kowa.”

Josua 24:22 Referans Kwoze

Debleskri gili 119:173

De man tiro vast, hoy hadell man! Me krom miro dji pre, te rikrap tire laba, hoy menge penenn, hoy te kras mer.

Debleskri gili 119:11

Me rikrau tiro lab an miro dji, te anap kek doosh ap mande.

Louka 10:42

Dell yek koova, hoy boud moldo hi, oun i Maria hatsas les. Kova vell latar gar krik lino.”

Hiob 15:6

Hi tiro mouy, hoy penell, te hi doosh ap toute. Me hounte penap kova gar. Hako lab, hoy rakreh, sikrell kova.

5. Mose 26:17

Kava dives penas o baro Devel touke, te hi lo tiro Devel, oun kamell, te djas tou ap leskre dromma oun kress, hoy lo toutar kamell, oun djivess pal leskre laba oun leskro čačepen, oun shouness ap leste.

Louka 19:22

Ap koleste penas o ray: Tou moleh či. Tou hal i čilačo boudepaskro. Tou djinal, kay hi man i dji dran bar, oun kay lau, kay dom či, oun hoy me gar an i phoub čivom, te vell kova baro.

Josua 24:21

Oun i tsele menshe penan pale ap o Yosua: “Čačepah, o baro Devel hi kova, koles kamah an-te-mangell.”