Josua 15:8 - O Debleskro Lab 2024 (Sinte-Manouche)

⁸ oun foun kotar doureder pre an i tala Ben-Hinnom, hoy ap koy rig koy bergatar čiddo hi, kay o kham pralstounes tardo hi. Ap koy berga hi ko foro čiddo, kay i Yebousarya djivan. Kava foro hi kanna Yerusalem. Oun kotar djas o drom doureder bis pral pre ap i berga, hoy hadell pes ap koy rig foun i tala Hinnom, kay o kham tele djal. Kay berga hi čiddo ap i nordetikri rig ko telstouno themestar, hoy kharell Refayim.

O Debleskro Drom 2021 (Sinte)

⁸ un fun kotar dureder pre an i tala Ben-Hinnom, hoi ap koi rig koi bergatar tchiddo hi, kai o kham pralstunes tardo hi. Ap koi berga hi ko foro tchiddo, kai i Jebusarja djiwan. Kau foro hi kanna Jerusalem. Un kotar djas o drom dureder bis pral pre ap i berga, hoi hadell pes ap koi rig fun i tala Hinnom, kai o kham tele djal. Kai berga hi tchiddo ap i nordetikri rig ko telstuno themestar, hoi kharell Refajim.

Josua 15:8 Referans Kwoze

Josua 18:16

Oun kotar djas o drom tele glan i berga, hoy hadell pes glan i tala Hinnom. Kay berga hi čiddo ap i nordetikri rig ko telstouno themestar, hoy kharell Refayim. Palle djas o drom tele an i tala Hinnom oun doureder an i tala langs koy berga, kay ko foro čiddo hi, kay i Yebousarya djivan, ap koy rig i bergatar, kay o kham pralstounes hi. Foun kotar djal lo tele bis pash o pani En-Rogel,

Josua 15:63

I morsha dran o kheer Youda nay tradan i Yebousaryen gar vin dran o foro Yerusalem. Doleske djivenn yon kote khetne i menshentsa dran o kheer Youda bis ap kava dives.

Čačepangre 19:10

Ko morsh kamas gar bouder pral i rat te ačell, oun hadas pes oun djas peske. Oun yob vas bis pash o foro Yebous. Kova hi Yerusalem. Oun les his kol douy esle pash peste, ap kolende lengro koova his, oun peskri djouvel oun peskro boudepaskro.

Josua 18:28

Zela, Elef, oun ko foro, kay djivan i Yebousarya, hoy hi kanna Yerusalem, ninna i forya Gibea oun Kiryat-Yearim. Kolla hi khetne 14 (deesh-te-star) forya oun lengre gaba. Kava hi o them, hoy lan i familye dran o kheer Benyamin.

2. Rajengro liil 23:10

O Yosia kras ninna koy platsa pale-čiddo, hoy kharella Tofet, oun hi an i tala Hinnom čiddo. Kova kras lo, te nay rhačrell kek peskro čaves vitar gar peskri čay an i yag o rhorheno debleske Molok.

Čačepangre 1:21

An o foro Yerusalem djivan i Yebousarya. Oun i morsha dran o kheer Benyamin tradan len gar vin. Yaake ačan i Yebousarya pash i Benyaminarya an o foro Yerusalem, oun djivenn gomme kava dives koy khetne.

Jeremia 19:14

Oun o Yeremia djas pale dran Tofet, kay bičras les o baro Devel koy, te penell yob o Debleskre laba. Oun djas ap koy glanstouni platsa glan o baro Debleskro kheer, oun penas ap i tsele menshende:

Jeremia 19:6

Doleske vell i tsiro, kay penenn yon ap kay platsa gar bouder Tofet oun tala Hinnom. Yon penenn koy pre marepaskri platsa.

Jeremia 19:2

Oun dja vin an koy tala Ben-Hinnom, kay glan ko foreskro voudar hi, kay i paash-dine pirya čiddo hi. Oun pen i menshenge kol laba, hoy me touke penau.

Jesaja 17:5

Palle hi o tselo them Israel har i harhetikri phoub, kay o djob činlo oun dren anlo vas, yaake mouklo har i tala Refayim, te vas o djob dren anlo.

2. Familjakro liil 28:3

oun rhačras soungepaskro koova an i tala, hoy kharell Ben-Hinnom. Ninna rhačras lo peskre čaven i rhorhene deblenge. Yaake kras lo savo djoungelo koova, har i menshe an vavar themma kran, – save menshe har kolla, kay o baro Devel glan i Israelende dran o them tradas.

2. Samuel 5:22

Kol Filistarya djan pale koy pral, oun his an koy tseli tala Refayim.

2. Samuel 5:18

Oun i Filistarya van, oun his an koy tseli tala Refayim.

Čačepangre 1:8

Oun i morsha dran o kheer Youda maran pen ko foreha Yerusalem oun lan les dren. Oun yon dan kolen o rhareha temerl, kay kote djivan, oun rhačran o foro pre.

1. Familjakro liil 11:4

Palle djas o David i tsele morshentsa dran Israel glan o foro Yerusalem, kay kharas an ko tsiro Yebous. Kote djivan i Yebousarya.

Nehemia 11:30

Zanoa, Adullam oun leskre gaba, Lakish oun o them koy trouyel, Aseka oun leskre gaba. Yaake djivan le an ko tselo them mank o foro Beersheba oun i tala Hinnom.