Josua 14:12 - O Debleskro Lab 2024 (Sinte-Manouche)

¹² Oun kanna de man kol berge, kolendar o baro Devel an ko dives rakras! Tou shounal an ko dives, te djivenn kol Anakarya koy an bare zorele forya. Te hi o baro Devel mantsa, palle nay tradap len vin, har o baro Devel kova penas.”

O Debleskro Drom 2021 (Sinte)

¹² Un kanna de man kol berge, kolendar o baro Dewel an ko diwes rakras! Tu shunal an ko diwes, te djiwenn kol Anakarja koi an bare sorele forja. Te hi o baro Dewel mantsa, palle nai tradap len win, har o baro Dewel kowa penas.”

Josua 14:12 Referans Kwoze

Hebrearja 11:33

Kol tsele morsha patsan, hoy o Devel lenge penas. Mashkral lende his ninna kolla, hoy kouran pen kol bare rayentsa oun kol rayengre lourdentsa. Oun yon his zorleder har kol bare raya oun lengre lourde. Vavar kran o čačepen oun dikan pengre yakentsa, har kova čačo vas, hoy o Devel lenge penas. Vavar van glan bare oun divye margodje vitsedo, oun kolla dandran len gar.

Filiparja 4:13

O Yezous Kristo dell man i zoor, te djivap yaake te yaake.

4. Mose 13:33

Mer dikam kote ninna i Nefilim, kay hi bare menshe. Lengro phouro dad hi o Anak. Mer hams an mare yaka har stepangre, oun yaake hams ninna an lengre yaka.”

4. Mose 13:28

Yek koova hi gar mishto: Kol menshe, kay djivenn kote, hi zorelo. Kol forya hi baro oun zorelo kerdo. Oun mer dikah kote ninna kol menshen, kay venn pal o Anak.

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

Josua 15:14

Kote djivan kol triin bare familye, kolengre phoure dada o Sheshay oun o Ahiman oun o Talmay his. Kolla van o morshestar Anak. Oun o Kaleb tradas len vin dran o foro.

Debleskri gili 60:12

Koon nay krell kova, har tou kokres, maro Devel? Tou moukal men oun djah gar vin mare lourdentsa an o kourepen.

Debleskri gili 44:3

Tou tradal tiro vasteha i vavar menshen vin dran lengro them, oun dal ko them mare phourende. Kol vavar menshen dal tou paash, te nay djivan mare phoure an ko them.

2. Familjakro liil 14:11

Oun o baro Devel das i Kousharya glan o Asa oun i menshende dran Youda yaake, kay yon nashan penge an i daar.

1. Samuel 14:6

Oun o Yonatan penas ap ko terno morsheste, kay leskro kourepaskro koova hidjrell: “Ab, mer djas pash kol rhalende, kay koy vergel yak denn. Nay hi, te vell o baro Devel menge ap i rig. Te krell lo kova, hi yek, kitse mer ham, boud oder gar boud.”

Čačepangre 1:20

Oun yon dan o foro Hebron o Kaleb, yaake har o Mose kova lenge penas. Oun yob tradas kotar kol triin familyen vin, kolengro phouro dad o Anak his.

4. Mose 21:34

Oun o baro Devel penas ap o Moseste: “Ma traash lendar! Me dom les an tire vasta, ninna o them i menshentsa. Oun tou kress leha yaake, har kral o baro rayeha pral i Amorarya, o Sihoneha, kay an Heshbon djivas.”

5. Mose 1:28

Kay djas koy? Mare phrala kran mare djia darenes, har penan le ap mende: Kolla menshe hi zorleder oun bareder har mer, lengre forya hi baro oun lengre massurya djan pre bis pash o bolepen. Oun ninna dikam mer o Anakarya kote!

2. Rajengro liil 19:4

O baro ray pral o them Assour bičras peskro pralstounes, te praasell lo o djido Debles. Har kamoms, te shounell o baro Devel, tiro Devel, kol tsele laba, hoy ko morsh penas, oun dell les i phagi! Mange o Deblestar kol menshenge, kay pral ačan leskre menshendar, te rikrell lo peskro vast pral lende!”

5. Mose 9:1

Shounenn, t'mer menshe Israel! T'mer djan kava dives pral o pani Yordan, te lenn themma t'menge dren kol menshendar, kay hi bareder oun zorleder har t'mer. Lengre forya hi bares, oun bare massurya djan troul lende pre an o bolepen.

5. Mose 9:3

Doleske djinenn kava dives, te djal t'maro baro Devel glan t'mende har i yag, hoy halauter pre rhačrell. Yob dell len, te hounte nashenn le penge t'mendar. Oun t'mer tradenn len vin oun denn len sik moulo. Yaake penas o baro Devel kova t'menge.