Josua 10:40 - O Debleskro Lab 2024 (Sinte-Manouche)

^40-41 Yaake las o Yosua o tselo them dren: o pralstouno them, oun o them, kay o kham pralstounes hi, ninna o telstouno them oun o them ap i berge, – ko tselo them mank Kadesh-Barnea oun Gaza, oun mank Gosen oun Gibeon. O Yosua das i tsele bare rayen moulo, ninna lengre tsele menshen. Oun yob moukas kekes ap o djipen te ačell, yaake har penas leske o baro Devel, – o Devel pral o Israel.

O Debleskro Drom 2021 (Sinte)

^40-41 Jaake las o Josua o tselo them dren: o pralstuno them, un o them, kai o kham pralstunes hi, ninna o telstuno them un o them ap i berge, – ko tselo them mank Kadesh-Barnea un Gaza, un mank Gosen un Gibeon. O Josua das i tsele bare rajen mulo, ninna lengre tsele menshen. Un job mukas kekes ap o djipen te atchell, jaake har penas leske o baro Dewel, – o Dewel pral o Israel.

Josua 10:40 Referans Kwoze

Debleskri gili 9:17

O baro Devel sikras, koon yob hi, oun das i čilačende pengri phagi. I čilače pandan pen an koy netsa, hoy yon pengre vastentsa kran.

1. Rajengro liil 15:29

Oun har yob baro ray vas, maras lo i tseli familya o Yerobeamestar. Oun yob moukas kekes leskri familyatar djido. Yaake vas kova čačo, hoy penas o baro Devel ap peskro boudepaskro, o Ahia dran Shilo, oun hoy kova doureder penas.

Josua 10:37

oun lan o foro dren, oun dan o baro rayes oun i tsele menshen o rhareha moulo, ninna kolen, kay an i forya koy trouyel djivan. Oun yon moukan kekes te nashell. Yaake har lo kova an o foro Eglon kras, kras lo kate ninna.

Josua 10:35

Oun yon lan ko foro gomme kava dives dren. Oun dan les o rhareha. Oun lauteren, kay dren djivan, das lo moulo. Yaake har lo kova o foreha Lakish kras, kras lo kate ninna.

Josua 9:24

Oun yon penan ap o Yosua: “Maro ray, mer shounam, te hi kova čačo, te penas o baro Devel ap o Mose, koles leskro čačo vast his, te dell lo t'men o tselo them, oun te hounte venn halauter moulo dino, hoy dren djivenn. Doleske his men bari daar maro djipaske, oun kram kava yaake.

Josua 8:27

Kokres i firhe oun vavar kouč koova, hoy an o foro his, lan i Israelitarya penge. Yaake penas o baro Devel ap o Yosua.

Josua 8:2

Oun tou kress ko foreha Ai oun leskro baro rayeha yaake har tou kova o foreha Yericho oun leskro baro rayeha kral. Kokres lengro koova oun lengre firhen rikrenn t'menge! Kanna čivess morshen khatemen pal o foro, kay lenge palle an o doumo perenn!”

Josua 6:17

Oun o foro oun halauter hoy dren hi, hi o baro Debleske. Kek mensho oun kek firho nay ačell djido. Kokres koy loubni Rahab ačell djido, yoy oun halauter, hoy pash late an o kheer hi. Yoy khatras kol morshen pash peste, kolen mer bičram.

5. Mose 7:24

Oun yob dell t'men lengre bare rayen an o vast. Oun t'mer marenn len, oun lengre laba venn bistedo. Kek nay vell zorleder har t'mer. T'mer marenn len halauter.

Josua 18:21

Oun kalla hi i forya, hoy i familye dran o kheer Benyamin lan: Yericho, Bet-Hogla, Emek-Keziz,

Josua 12:8

an o pralstouno them, oun an o telstouno them, an koy tala, kay o pani Yordan nashell, oun an o them, hoy langs o panyeste pre djal, ninna an o divyo them, oun an o moulo them Negev. I menshe, kay kote djivan, his i Hetarya, i Amorarya, i Kanaanitarya, i Perisarya, i Hivarya oun i Yebousarya.

5. Mose 1:7

Stenn kanna pre oun djan doureder pash i berge, kay i Amorarya djivenn, oun kote, kay kol Kanaanitarya djivenn: an o telstouno them o panyestar Yordan, oun an o pralstouno them, oun an o divyo them Shefelah oun an o them Negev pash o baro pani bis pash i berge Libanon oun o baro lengsto pani Eufrat.

2. Mose 34:12

Ma avenn mala kol menshenge an ko them, kay t'mer venna! Te vans lengre mala, nay anans le t'men miro dromestar tele.

Josua 10:39

oun lan o foro dren, ninna kol forya, hoy troul o foro Debir his. Oun yon dan lengro baro rayes oun i tsele menshen o rhareha moulo, oun moukan kekes te nashell. Yaake har lo kova o foreha Hebron oun o foreha Libna oun leskro baro rayeha kras, kras lo ninna o foreha Debir oun leskro baro rayeha.

Josua 11:16

Oun o Yosua las o tselo them dren: o pralstouno them oun halauter, hoy kote čiddo hi, kay o kham pralstounes tardo hi, ninna o tselo them Gosen, oun o telstouno them, oun o them pash o pani Yordan,

4. Mose 13:17

Oun o Mose bičras len, te hatsenn le vin har ko them Kanaan hi. Oun yob penas ap lende: “Djan koy pre an o moulo tato them Negev, oun palle djan ap o pralstouno them!

5. Mose 2:34

Palle lam leskre tsele forya dren, oun dam hakenes moulo: morsha oun djouvya oun čave, kek lendar ačas djido.

Nehemia 9:24

Oun i čave van an ko them oun lan les dren. Oun tou kral len zorleder har i Kanaanitarya, kolla, kay an ko them djivan, oun dal lengre bare rayen oun ninna i menshen an lengro vast, oun yon nay kran lentsa, hoy yon kaman.