Josua 10:27 - O Debleskro Lab 2024 (Sinte-Manouche)

²⁷ Oun har o kham tele djas, penas o Yosua, te lenn le len pale kol roukendar tele. Oun yon vitsran len an koy grotta, kay khatran le pen. Oun čivan bare barra koy glan. Oun kol barra hi gomme kava dives koy.

O Debleskro Drom 2021 (Sinte)

²⁷ Un har o kham tele djas, penas o Josua, te lenn le len pale kol rukendar tele. Un jon witsran len an koi grotta, kai khatran le pen. Un tchiwan bare barra koi glan. Un kol barra hi gomme kau diwes koi.

Josua 10:27 Referans Kwoze

Josua 8:29

Oun o baro rayes o forestar Ai moukas lo ap i rouk pre te bladell. Bis ap i rat ačas yob ap i rouk. Oun har o kham tele djas, penas o Yosua, te lenn le ko moules o roukestar tele. Oun yon lan les tele oun vitsran les glan o foreskro baro voudar, oun čivan boud barra ap leste pre, hoy gomme kava dives koy hi.

2. Samuel 18:17

Oun yon lan o Absalomes oun vitsran les an o veesh an i bari rheb, oun čivan boud barra ap leste. Oun o Absalomeskre lourde nashan penge, hakeno an peskro kheer.

Josua 7:26

Oun yon čivan boud barra ap lende pre. Kolla hi gomme kava dives koy. Doleske kharell kay platsa gomme kava dives Tala Akor. Kanna his o baro Devel bouder gar rhoyedo.

Josua 4:9

Deesh-te-douy vavar barra čivas o Yosua mashkral an o pani Yordan, kote kay i herya kol rashayendar tardo his, kay hidjran o morhton, kay o Debleskre deesh laba dren hi. Oun kote hi kol barra ninna gomme kava dives.