Josua 1:4 - O Debleskro Lab 2024 (Sinte-Manouche)

⁴ Ko tselo them mank kava moulo tato them oun i berge Libanon, oun mank o baro lengsto pani Eufrat oun o baro pani, hoy kote hi, kay o kham tele djala, kova vell t'maro them. Ninna o them, kay i Hetarya djivenna, vell t'maro.

O Debleskro Drom 2021 (Sinte)

⁴ Ko tselo them mank kau mulo tato them un i berge Libanon, un mank o baro lengsto pani Eufrat un o baro pani, hoi kote hi, kai o kham tele djala, kowa well tumaro them. Ninna o them, kai i Hetarja djiwenna, well tumaro.

Josua 1:4 Referans Kwoze

2. Mose 23:31

Oun me penau, har bares tiro them vella. Yob djal foun ko Baro Lolo Pani bis pash ko baro pani, kay i Filistarya djivenn, oun foun o moulo tato them bis pash o lengsto pani Eufrat. Kolla, hoy kote djivenna, dau an tiro vast, te tradenn t'mer len dran o them vin.

5. Mose 11:24

Hako kotar phoub ap koleste t'mare pire stakrenn, hi t'menge, o tselo them mank o moulo tato them oun i berge Libanon, oun mank o lengsto pani Eufrat oun o Mashkralstouno Baro Pani.

5. Mose 3:25

Mangau tout, mouk man pral o pani Yordan vergel te djal oun ko lačo them te dikell, hoy kote hi, kol shoukar berge oun o Libanon.”

5. Mose 1:7

Stenn kanna pre oun djan doureder pash i berge, kay i Amorarya djivenn, oun kote, kay kol Kanaanitarya djivenn: an o telstouno them o panyestar Yordan, oun an o pralstouno them, oun an o divyo them Shefelah oun an o them Negev pash o baro pani bis pash i berge Libanon oun o baro lengsto pani Eufrat.

1. Familjakro liil 18:3

O David kouras pes ninna o baro rayeha pral o them Soba. Leskro lab his Hadad-Eser. Har o Hadad-Eser koy djas, te lell lo o them pash ko pani Eufrat dren, vas o David peskre lourdentsa, oun das les oun leskre lourden pash o foro Hamat.

1. Familjakro liil 5:9

Oun kote, kay o kham pre djala djivan le bis an o moulo them dren, hoy pash o lengsto pani Eufrat čiddo hi. Len his boud firhe an o tselo them Gilead.

Debleskro tsiro 9:14

Oun ko rakepen penas ap ko shobto bolepaskro, kay hi les koy phourdepaskri an o vast: “Mouk kol star bolepangre te djal, kay pash o baro pani Eufrat pandlo hi! Kre lengre shelle pre!”

Esra 4:20

Ninna his zorele bare raya an o foro Yerusalem, kay his i raya pral halauter, hoy ap i vavar rig o panyestar Eufrat djivella, yaake kay vas lenge hounte themeskre love dino, ninna foreskre love oun vavar koova.

1. Rajengro liil 10:29

Oun yon anan vourdya dran o them Egiptia, yekeske playsran le 600 (shob-sheel) roupene beme. Oun yek grayeske playsran le 150 (sheel-te-paash) roupene beme. Oun palle bikran le lendar doureder ap i rayende pral i Hetarya oun ap i rayende pral o them Syria.