Jona 2:2 - O Debleskro Lab 2024 (Sinte-Manouche)

² Oun har lo an o mačeskro per his, mangas lo peskro baro Debles an,

O Debleskro Drom 2021 (Sinte)

² Un har lo an o matcheskro per his, mangas lo peskro baro Debles an,

Jona 2:2 Referans Kwoze

Debleskri gili 120:1

I gili te givell ap o drom an Yerusalem. Har djas mange djoungeles, dom gole ap o baro Debleste, oun yob shounas man.

Debleskri gili 34:6

Kolla, kay ap leste dikenna, lengre yaka venna har i momeli, oun yon hounte ladjenn pen gar.

Debleskri gili 86:13

Tiro lačepen mange hi baro. Tou lal miro djipen vin dran o merepen.

Hebrearja 5:7

Har o Yezous ap i phoub djivas, kras lo lauter, hoy o Devel kamas. Doleske shounas les o Devel. An i daar mangas o Yezous o Debles i ropah oun bari golyah. Yob djinas, kova nay lell les dran o merepen vin.

1. Samuel 30:6

Oun i morshengre djia rovan pral lengre čavende oun čen, oun yon van yaake rhoyedo ap o Davideste, te kaman le les moulo te dell i barrentsa. Oun o David vas an i pharo tsiro. Oun yob las peskri zoor o baro Deblestar, kay leskro Devel hi.

Mateo 12:40

O Yona ačas triin divessa oun triin rati an o baro mačeskro per. Oun yaake hounte ačell o Mensheskro Čavo triin divessa oun triin rati an i phoub paskedo.

Debleskri gili 116:3

O merepen pandas man an peskre shelle. Djinom bouder gar dren oun vin, yaake baro his miri daar te hounte meroms oun djoms pash i moulende.

Debleskri gili 22:24

T'mer, kay o baro Debles an-mangenna, sharenn les! T'mer lauter dran o kheer Yakob, hadenn les pre! Oun darenn lestar, t'mer lauter dran o kheer Israel!

Debleskri gili 4:1

I gili o rayeske pral i gipangre, te givell pash o bashepen ap i doryengri bashepaskri. O David kras kay gili.

Louka 22:44

Oun o Yezous mangas o Debles zorleder, oun rat nashas leskro sherestar tele ap i phoub, yaake zoreles vas i daar ap leste.

Jesaja 14:9

O tselo moulengro them hi ap i herya oun djinell, te veh. I moulen moukenn le gar te sovell, tou te veh. Kolla, kay bare raya his ap i phoub, ava, i raya pral boud menshende, stenn pre foun pengre rayengre beshepangre.

Debleskri gili 65:2

Tou, Devel, kay djiveh ap i berga Sion, tou hal moldo, te sharas tout, oun rikras mare sobya, hoy touke dam.

Debleskri gili 61:2

Shoun, miro Devel! Shoun miri gole! Shoun, har me tout mangau!

Debleskri gili 16:10

Tou moukeh man gar an o merepen, oun kameh gar, te merell miro mass tele an i phoub.

Bičepangre 2:27

Tou moukeh man gar pash i moulende, oun kameh gar, te merell miro mass tele.

1. Samuel 1:16

Rike tiri boudepaskretsat gar i djouvyake, kay či moldo hi. Miro dji hi phagedo oun phares, doleske rakrom me kate yaake rah.”

Ropaskre gilja 3:55

Baro Devel, tiro lab dom gole, dour tele dran i phoub shounal miri gole:

Ezekiel 26:20

Oun vitsrau tout tele pash kolende an o moulengro them, pash kol menshende, kay meran glan i rah tsiro. Dour tella an i phoub, pash kova, hoy kol phoure foryendar pral ačas, hoy tele djan, dau tout i platsa pash i moulende. Yaake nay djivell bouder kek an toute. Tou veh bouder kek foro ap i phoub, kay i djide djivenn.

Ezekiel 31:14

An ko tsiro, hoy vella, vell bouder kek rouk yaake baro – bareder har i tsele vavar – te nay phourdell lo pes pre, ninna te hi lo pash o pani tardo. Kek rouk nay hadell pes pral i vavarende. Kol tsele rouka hounte merenn, oun djan tele an o moulengro them, pash i vavar menshende, kay meran.

2. Familjakro liil 33:12

Har lo an bari daar his, mangas lo o ropah o baro Debles, kay leskro Devel oun o Devel leskre phourendar his, oun penas leske, har boud les leskri doosh khaytas.

Louka 11:10

Koon mangella, kova lella. Koon rodella, kova hatsella. Oun koon ap o voudar della, koleske vell pre kerdo.