Johanni 8:54 - O Debleskro Lab 2024 (Sinte-Manouche)

⁵⁴ Penas o Yezous: “Te sharoms me man, vals kova či moldo. Miro dad hi kova, kay sharell man. Kolestar penenn t'mer: Yob hi maro Devel.

O Debleskro Drom 2021 (Sinte)

⁵⁴ Penas o Jesus: “Te sharoms me man, wals kowa tchi moldo. Miro dad hi kowa, kai sharell man. Kolestar penenn tumer: Job hi maro Dewel.

Johanni 8:54 Referans Kwoze

Johanni 8:50

Me kamau gar, te sharenn man i menshe. Kova hi o Devel, kay kamella, te vap me sharedo. Yob rakrell i phagi pral t'mende vin.

Gosewe laba 25:27

Boud gvin hi gar mishto. Yaake hi ninna, te shareh tou i vavares boud shoukar labentsa.

2. Petro 1:17

O Devel, leskro dad, das les peskro baro raylepen oun sharas les, har yob dran o bolepen ap leste penas: “Kava hi miro čavo, koles me o djiyestar kamau. Yob krell man barhtelo.”

2. Korintarja 10:18

Kova mensho kras peskri boudi mishto, kones maro ray Yezous sharell. Oun gar kova kras peskri boudi mishto, kay pes kokres sharell.

Bičepangre 3:13

Na-a! O Devel o Abrahamestar, oun o Isaakestar oun o Yakobestar, ko Devel mare dadendar sikras t'mende kate, havi bari zoor oun raylepen yob peskro boudepaskres, o Yezouses, das. Koles dan t'mer an o Pilateskre vasta, oun dan les bourhoste, har o Pilato kamas les te djal moukell.

Johanni 17:1

Pal kol laba dikas o Yezous pre an o bolepen oun penas: “Tata, o tsiro hi kay. Sike, havo raylepen oun havi zoor tou tiro čaveste dal, te sikrell yob ninna tiro raylepen oun tiri zoor!

Johanni 8:41

T'mer krenn kova, hoy t'maro dad ninna kras.” Penan yon ap leste: “Mari day hi kek loubni. Men hi yek dad. Kova hi o Devel.”

Johanni 7:18

Koon pral peste mishto rakrella, kova kamella, te vell yob sharedo. Koon kamella, te vell kova sharedo, kay bičras les, kova hi čačo. Oun an leste hi kek čilačepen.

1. Petro 1:21

Yob anas t'men ap o Debleskro drom. O Devel kras les i moulendar djido, oun das les peskro raylepen. Doleske čivenn t'maro tselo patsepen ap leste!

1. Petro 1:12

Kol Debleskre rakepangre hayvan, kay kova gar lenge kokres hi, hoy len o Devel sikras. Kova hi t'menge, kay kanna djivenna. T'menge vas o lačo lab o Yezous Kristestar penlo. Kolla, kay penan les t'menge, rakran kova, hoy penas lenge o Debleskro Dourho. Koles bičras o Devel dran o bolepen. Ninna i bolepangre kamenn o Yezouseskro raylepen te dikell.

Johanni 17:5

Oun kanna, tata, de man ko raylepen oun koy zoor, hoy his man pash toute, har o bolepen oun i phoub gar koy his!

Johanni 7:39

Yob penas kova pral o Debleskro Dourho, hoy kolla lenna, kay ap leste patsenna. O Debleskro Dourho his gomme gar koy. Ap ko tsiro his o Yezous gomme gar pash o Debleste an o bolepen, te bičras lo les ap lende.

Johanni 5:41

Hi mange či moldo, te vap sharedo i menshendar.

Johanni 2:11

Kova his o ersto kopo, kay kras o Yezous i baro koova an o Debleskri zoor. Kova kras lo an o gab Kana an o them Galilea. Kote sikras yob peskro raylepen oun peskri zoor. Oun leskre mala patsan ap leste.

Hosea 1:9

Oun o Devel penas: De les ko lab Lo-Ammi! I menshe an Israel hi gar mire menshe, oun me hom gar lengro Devel.

Jesaja 66:5

Shounenn, hoy o baro Devel penell, t'mer, kay glan leskro lab darenna. T'mer rikrenn pash mande, doleske rhoyrenn pen t'mare phrala pral t'mende, oun čivenn t'men pale, oun praasenn t'men oun penenn: Mou sikrell o baro Devel peskro barepen oun peskri zoor, te dikas mer, har yob t'men barhteles krell! Kolla hounte ladjenn pen palle.