Johanni 8:42 - O Debleskro Lab 2024 (Sinte-Manouche)

⁴² “Te vals o Devel t'maro dad”, penas o Yezous, “kamans man t'mer. Lestar vom me. Me vom gar mandar. Hi o Devel, kay bičras man.

O Debleskro Drom 2021 (Sinte)

⁴² “Te wals o Dewel tumaro dad”, penas o Jesus, “kamans man tumer. Lestar wom me. Me wom gar mandar. Hi o Dewel, kai bitchras man.

Johanni 8:42 Referans Kwoze

Johanni 12:49

Kova, hoy me penom, vell gar mandar. O dad, kay bičras man, penas mange, hoy me penap oun rakrap.

Johanni 14:10

Patseh tou gar, kay me an o dadeste hom oun o dad an mande hi? Hoy me t'menge penau, kova vell gar mandar. Na-a! O dad, kay an mande hi, krell kova halauter.

Johanni 17:8

Hoy tou mange penal, penom me lenge doureder. Oun yon lan mire laba pre oun hayvan, kay me čačepah toutar vom. Oun yon patsan, kay tou man bičral.

Johanni 17:25

Tata, tou hal an o čačepen tardo! I menshe ap kay phoub prindjrenn tout gar. Me prindjrau tout. Oun kalla hayvan, kay tou man bičral.

Maleachi 1:6

O baro Devel, ko ray pral o bolepen oun i phoub, penell: I čavo hounte hadell peskro dades, oun i boudepaskro hounte dikell pre ap peskro rayeste. Me hom t'maro dad – hoske hadenn man gar? Me hom t'maro ray – hoske dikenn gar pre ap mande? T'mer rashaya, t'mer dikenn tele ap mande. Oun t'mer poučenn: Hoy kram, kay peneh tumer dikan tele ap mande?

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

1. Johanni 4:14

Mer dikam, kay o Devel, maro dad, peskro čaves bičras. Doleske penah mer i menshenge, kay yob kova hi, kay lell len vin dran o čilačepen oun o merepen.

Johanni 5:43

Miro dad bičras man pash t'mende. T'mer lan man gar pre. Te vell i vavar, koles kek bičras, koles lenn t'mer pre.

1. Korintarja 16:22

Koon o Yezouses, maro rayes, gar kamella, ap koleste vell i bibarht! Maranatha!

Johanni 3:17

O Devel bičras peskro čaves gar ap i phoub, te anell yob o Debleskri rholi pral i menshende. Yob vas, te lell lo len dran o čilačepen oun o merepen vin.

Johanni 5:23

te sharenn le halauter o čaves, yaake har sharenn le o dades. Koon o čaves gar sharella, kova sharella vitar gar o dades, kay bičras o čaves.

Debleskro tsiro 22:1

Oun yob sikras man o baro lengsto pani, hoy djoudjo hi har i djoudji vali. Ko pani dell o djipen oun vell kotar, kay hi o beshepaskro o Deblestar oun o terno bakrestar.

Galatarja 4:4

Har ko čačo tsiro vas, bičras o Devel peskro čaves. Kova vas i mensho, oun pandlo ap o Moseskre laba.

Johanni 8:14

Penas o Yezous: “Ninna te rakrau mandar kokres, hi kova čačo, hoy penau. Me djinau, konestar me vom, oun kay me djaua. T'mer djinenn gar, konestar me vom, vitar gar, kay me djaua.

Johanni 13:3

O Yezous djinas, kay o Devel, leskro dad, halauter an leskre vasta čivas, oun kay yob o Deblestar vas, oun kay yob pale pash o Debleste djala.

Johanni 16:30

Kanna djinah mer, kay tou halauter djineh. Tou djineh glan-vi, hoy i menshe kamenn toutar te poučell. Doleske patsah mer, kay tou o Deblestar veh.”

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.