Johanni 8:23 - O Debleskro Lab 2024 (Sinte-Manouche)

²³ Penas yob ap lende: “T'mer han i phoubyatar. Me hom dran o bolepen. T'mer han kay phoubyatar. Me hom gar kay phoubyatar.

O Debleskro Drom 2021 (Sinte)

²³ Penas job ap lende: “Tumer han i phubjatar. Me hom dran o bolepen. Tumer han kai phubjatar. Me hom gar kai phubjatar.

Johanni 8:23 Referans Kwoze

Johanni 3:31

Kova, kay vas o Deblestar, hi o ray pral lauter. Kova, kay vell i phoubyatar, rakrell pral kova, hoy ap i phoub djala. Kova, kay vas dran o bolepen, hi o ray pral halauter,

Johanni 17:16

Yon hi gar kay phoubyatar, yaake har me hom vitar gar kay phoubyatar.

Johanni 17:14

Me penom lenge tire laba. Yon hi gar kay phoubyatar, yaake har me hom vitar gar kay phoubyatar. Doleske hi i menshe ap kay phoub rhoyemen ap lende.

Jakobo 4:4

T'mer rhorhran oun moukan o Debles! Djinenn t'mer gar, kay kolla, kay čivenn pengre djia ap i phoubyakro koova, kolla hi gar o Debleskre mala? Koon kamell ko drom te djal, hoy i menshe ap kay phoub djana, kova kamell o Debles gar.

Debleskri gili 17:4

Yaake har i menshe krenna, krau me les gar. Me rikrau man ap tire laba, oun djau gar ap čilače dromma.

Johanni 3:13

Me, o Mensheskro Čavo kokres, nay penau, hoy an o bolepen hi. Me vom dran o bolepen.

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.