Johanni 7:28 - O Debleskro Lab 2024 (Sinte-Manouche)

²⁸ O Yezous, kay an o Debleskro baro kheer i menshenge o Debleskro lab penas, shounas kova, oun das gole: “Har nay prindjrenn t'mer man, oun djinenna, kay vom? Me vom gar mandar kokres! Čačepah, koles, kay bičras man, prindjrenn t'mer gar!

O Debleskro Drom 2021 (Sinte)

²⁸ O Jesus, kai an o Debleskro baro kheer i menshenge o Debleskro lab penas, shunas kowa, un das gole: “Har nai prindjrenn tumer man, un djinenna, kai wom? Me wom gar mandar kokres! Tchatchepah, koles, kai bitchras man, prindjrenn tumer gar!

Johanni 7:28 Referans Kwoze

Johanni 8:42

“Te vals o Devel t'maro dad”, penas o Yezous, “kamans man t'mer. Lestar vom me. Me vom gar mandar. Hi o Devel, kay bičras man.

Johanni 8:19

Poučan yon lestar: “Kay hi tiro dad?” Penas o Yezous: “T'mer prindjrenn man gar, vitar gar miro dades. Te prindjrans t'mer man, yaake prindjrans ninna miro dades.”

Johanni 8:26

Me nay penoms t'menge boud koova, kay dikom o čilačepen ap t'mende. Me krau kova gar. Me penau i menshenge, hoy shounom kolestar, kay bičras man. Oun hoy yob penella, hi čačo.”

Johanni 8:14

Penas o Yezous: “Ninna te rakrau mandar kokres, hi kova čačo, hoy penau. Me djinau, konestar me vom, oun kay me djaua. T'mer djinenn gar, konestar me vom, vitar gar, kay me djaua.

Jeremia 9:6

Doleske penell o baro Devel, ko ray pral o bolepen oun i phoub: Har o roup an i yag djoudjes kerdo vell, yaake kamau mire menshen doukentsa djoudjes te krell. Dell či vavares, hoy krap me nay mire menshenge.

Johanni 17:3

Kova hi ko djipen, hoy gar pre-herella: Te prindjrenn yon tout, kay tou hal o čačo Devel, oun te prindjrenn yon o Yezous Kristes, koles tou bičral ap kay phoub.

Johanni 12:49

Kova, hoy me penom, vell gar mandar. O dad, kay bičras man, penas mange, hoy me penap oun rakrap.

Johanni 5:43

Miro dad bičras man pash t'mende. T'mer lan man gar pre. Te vell i vavar, koles kek bičras, koles lenn t'mer pre.

Mateo 11:27

Lauter das miro dad an mire vasta. Kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell kolen, kay patsenn ap leste, koon o dad hi.

1. Johanni 5:10

Koon ap o Debleskro čaveste patsella, kova djinella an peskro dji, kay hi kova čačo, hoy o Devel pral o Yezous Kristeste penas. Koon o Debles gar patsella oun leskre laba gar patsella, hoy o Devel pral peskro čaveste penas, kova penella, te rhorhras o Devel.

Hebrearja 6:18

Ko lab, hoy das o Devel oun das peskro vast pre, nay vell an kek tsiro krik lino. O Devel rhorhella gar. Oun mer, kay vam pash leste, te lell lo men dran o čilačepen vin, men hi kanna leskro zorelo lab, te dell lo men o djipen, hoy gar pre-herella, yaake har yob penas.

Tito 1:2

Yon hounte djinenn, te lenn le o djipen, hoy gar pre-herella. Kova penas o Devel glan i rah tsiro. Oun yob rhorhella gar.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

2. Korintarja 1:18

O Devel djinella: Kova hoy mer penah, kova krah ninna.

Remarja 3:4

Na-a, kova kras lo gar. O Devel hi čačo. Hako mensho hi i rhorheno. An i Debleskri gili hi činlo: Tou, mo Devel, lauter, hoy rakreh, hi čačo. Kek nay vell oun penella, kay tire laba gar čačo hi.

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

Bičepangre 17:23

Me djom an t'maro foro trouyel, oun dikom ko koova, hoy t'menge moulno hi, oun hoy t'mer an-mangenna. Oun me hatsom i bar, kay anenn le rhapen i debleske. Ap ko bar hi činlo: Ko debleske, kay prindjrah gar. Oun me penau t'menge: Ko Devel, kones t'mer an-mangenna, ninna te prindjrenn les gar, pral koleste rakrau me kanna.

Johanni 17:25

Tata, tou hal an o čačepen tardo! I menshe ap kay phoub prindjrenn tout gar. Me prindjrau tout. Oun kalla hayvan, kay tou man bičral.

Johanni 16:3

Yon prindjrenn o dades gar oun man vitar gar. Doleske krenn yon kova.

Johanni 14:31

Me krau, hoy miro dad mange penas, te dikenn i menshe ap kay phoub, kay kamau les o djiyestar. Stenn pre, te djas menge!”

Johanni 14:10

Patseh tou gar, kay me an o dadeste hom oun o dad an mande hi? Hoy me t'menge penau, kova vell gar mandar. Na-a! O dad, kay an mande hi, krell kova halauter.

Johanni 10:36

Man hi o dadeskro vast. Oun miro dad bičras man ap kay phoub. Me te penau, kay hom o Debleskro čavo, har nay penenna t'mer ap mande: Tou kreh, har te vess o Devel?

Johanni 8:16

Me te penau: Kova anas i doosh ap peste! palle hi kova čačo. Me krau kova gar mandar kokres. Miro dad, kay bičras man, hi pash mande.

Johanni 5:32

Man hi yek, kay penell t'menge, koon me hom. Kova, hoy yob penell pral mande, kova hi čačo.

Johanni 3:33

Koon patsell ap leste, kova sikrell yaake, kay halauter čačo hi, hoy o Devel penella.

Johanni 3:2

Kova vas an i rat pash o Yezouseste, oun penas: “Ray, mer djinah, kay tou hal i sikepaskro. O Devel bičras tout pash mende. Kek nay krell kova, hoy tou kreh an o Debleskri zoor. Ap kova dikah mer, kay hi o Devel touha.”

Johanni 1:46

Oun o Natanael penas ap leste: “Dran Nazaret nay vell či, hoy mishto hi.” “Am oun dik!” penas o Filipo.

Louka 10:22

Lauter das miro dad an mire vasta. Oun kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell o dades kolende, kay yob vin rodas.”

Louka 2:51

Palle djas lo lentsa pale an o foro Nazaret, oun kras lauter, hoy yon penan leske. Leskri day rikras kol tsele laba, hoy o Yezous penas, an peskro dji.

Louka 2:39

Oun har i Maria oun o Yosef lauter yaake kran, har an o Debleskro lab činlo his, djan le pale an pengro foro Nazaret, hoy an o them Galilea hi.

Louka 2:11

Kava dives vas t'menge an o foro Betlehem kova boldo, kay lell t'men dran o čilačepen vin. Yob hi ko baro ray, kolestar o Devel penas, te vell yob.

Louka 2:4

Oun o Yosef djas peskri pirnyah, i Maria, dran o foro Nazaret, hoy an o them Galilea čiddo hi. Oun yon djan an o foro Betlehem an o them Youdea, te moukenn le kote pengre laba pre te činell. An ko foro his o baro ray David glan i rah tsiro boldo. Oun o Yosef his o Davideskre menshendar. I Maria his ap ko tsiro an vavar koova.

Mateo 2:23

Oun kote djivas lo an i foro, hoy kharella Nazaret. Oun yaake vas kova čačo, hoy o Debleskre rakepangre glan i rah tsiro penan: Yon denn les Nazaretari gole.

Hosea 5:4

Ko čilačo koova, hoy le kran, rikrell len pale, te venn le pash mande. Yon nay moukenn gar tele, te mangenn le rhorhene deblen an. Man, o baro Debles, prindjrenn yon gar.

Hosea 4:1

T'mer Israelitarya, shounenn, hoy o baro Devel t'menge penell! O baro Devel hounte čingrell t'mentsa, kay djivenn an o them Israel. T'mer rikrenn gar khetne, han gar kamles yek o vavareha oun prindjrenn o Debles gar.

Jeremia 31:34

Kek hounte penell ap o vavareste: Tou prindjress o baro Debles. Halauter djinenn, koon me hom, i tikne oun i bare. Kova penau me, o baro Devel. Me bistrau koy doosh, hoy le ap pende anan, oun lengro čilačepen vell bouder gar an miro shero.

Debleskri gili 9:10

I bibarhtele nay khatrenn pen pash leste, oun yob rikrell peskro vast pral lende, oun dell yak ap lende an phare tsirya.

1. Samuel 2:12

O Eliyeskre čave his čilače oun kaman o baro Deblestar či te djinell.

Johanni 7:14

Har ko festo paash trouyel his, djas o Yezous an o Debleskro baro kheer, oun penas i menshenge o Debleskro lab.

Mateo 26:55

Oun koy pre penas lo ap kol tsele morshende, kay troul leste tardo hi: “T'mer van i rharentsa oun i kashtentsa pash mande, har te voms i marepaskro. Hako dives homs an o Debleskro baro kheer oun sikrom i menshende o Debleskro drom. Oun t'mer tapran man gar.

Johanni 6:42

“Hi kova gar o Yezous, ko Yosefeskro čavo?” penan yon. “Mer prindjrah leskro dades oun leskri da. Har nay penell lo: Me vom dran o bolepen?”

Johanni 9:29

Mer djinah, kay o Devel o Moseha rakras. Konestar kava vella, djinah mer gar.”