Johanni 6:56 - O Debleskro Lab 2024 (Sinte-Manouche)

⁵⁶ Koon rhala miro mass, oun piyell miro rat, kova ačella an mande, oun me ačau an leste.

O Debleskro Drom 2021 (Sinte)

⁵⁶ Koon chala miro mass, un pijell miro rat, kowa atchella an mande, un me atchau an leste.

Johanni 6:56 Referans Kwoze

Johanni 14:20

Ko dives vella, kay t'mer djinenna, kay me an miro dadeste hom, oun t'mer an mande han, oun me an t'mende hom.

1. Johanni 3:24

Koon kova krella, hoy yob menge penas, kova ačell o Debleha khetne. Oun o Devel ačell leha khetne. O Devel das men peskro Dourho. Oun kova sikrell mende, te hi o Devel mentsa.

Debleskro tsiro 3:20

Dikenn, me hom glan o voudar tardo, oun dau ap ko voudar. Koon shounell, hoy me penau, oun krell mange o voudar pre, pash koleste djau me dren, oun rhau leha, oun yob rhal mantsa.

Johanni 14:23

Koy penas o Yezous ap leste: “Te kamell man yek o djiyestar, kova krell, hoy me penau. Koles kamell miro dad. Oun mer vah pash leste oun ačah pash leste.

Debleskri gili 91:9

Tou penal: “Pash o baro Debleste hom khere.” Tou khatral tout pash o Debleste, ko pralstuneste.

1. Johanni 4:12

Kek mensho dikas o Debles. Te hi men i dji i vavar patslenge, ačell o Devel mentsa. Oun leskro tselo kamlepen hi an mende.

2. Korintarja 6:16

An o Debleskro baro kheer vell o djido Devel kokres sharedo oun kek vavar koova. Mer halauter ham o djido Debleskro baro kheer. O Devel penas: Me kamau te djivap pash lende oun mashkral lende. Me kamau lengro Devel te vell, oun yon hi mire menshe.

Efesarja 3:17

Me mangau lestar ninna, te djivell o Yezous Kristo an t'mende dran t'maro patsepen, oun te kamenn t'mer o Debles oun ninna yek o vavares o djiyestar. Palle han t'mer har i rouk, koleskre draba djan dour an i phoub. Oun t'mer han har i kheer, hoy zoreles tardo hi.

Ropaskre gilja 3:24

Me penau mange: O baro Devel hi halauter, hoy man hounte vell; doleske dikau ap leste.

Debleskri gili 91:1

Kova, kay beshell tel o vast o Deblestar, ko pralstunestar, oun ačell pash leste, ko zorelo Debleste,

Debleskri gili 90:1

O mangepen o Mosestar, ko Debleskro morshestar. Baro Devel, maro ray, tou hal kova, pash koleste nay vah oun khere ham.

Johanni 6:55

Miro mass hi o čačo rhapen, oun miro rat o čačo pipen.

1. Johanni 2:24

T'menge penau: Rikrenn kol laba an t'mare djia, hoy shounan, har t'mer patslo van! Te ačenn kol laba an t'mende, hoy t'mer shounan, har patslo van, yaake ačenn t'mer khetne o Debleskro čaveha oun o Debleha, maro dadeha.