Johanni 6:35 - O Debleskro Lab 2024 (Sinte-Manouche)

³⁵ O Yezous penas lenge: “Me hom ko maro, kay della ko djipen. Koon pash mande vella, koles vell bouder kek bok. Oun koon ap mande patsella, koles vell bouder kek troush.

O Debleskro Drom 2021 (Sinte)

³⁵ O Jesus penas lenge: “Me hom ko maro, kai della ko djipen. Koon pash mande wella, koles well buder kek bok. Un koon ap mande patsella, koles well buder kek trush.

Johanni 6:35 Referans Kwoze

Debleskro tsiro 22:17

O Debleskro Dourho oun o terno bakreskri pirni penenna: “Ab!” Oun koon kova shounell, penella: “Ab!” Oun kones troush hi, kova vella! Koon kamell, kova lell čičeske o pani, hoy o djipen dell.

Johanni 6:41

I bibolde his rhoyemen pral kova, kay yob penas: Me hom ko maro, hoy dran o bolepen tele vas.

Jesaja 49:10

Yon bokenna gar oun troushenna vitar gar. Oun o tato dourho dran o moulo them doukrell len gar, vitar gar dell len o kham čourye. Me, kay man i baro dji lenge hi, sikrau lenge o drom, oun anau len pash shila pani, te nay piyenn le.

Debleskro tsiro 7:16

Oun yon hounte bokenn bouder gar, vitar gar troushenn le bouder. Oun o kham rhačrell len bouder gar, vitar kek vavar tatepen.

Johanni 6:37

Halauter kolla, kay dell man o dad, venn pash mande. Oun halauter kolla, kay venn pash mande, kolen vitsrau me gar vin.

Mateo 11:28

T'mer marenna t'men tele, te krenn kova, hoy t'mare phoure ap t'mende penan. Avenn pash mande! Me lau ko pharo koova t'mendar, te lenn t'mer pale nevi zoor.

Louka 6:25

Bibarht vell ap t'mende, kay kanna čalo han. T'mer bokenna. Bibarht vell ap t'mende, kay kanna sana. T'mer rovenna, oun denn gole.

Johanni 6:65

Oun yob penas doureder: “Doleske penom me t'menge, kay kek nay vell pestar pash mande. O dad kokres nay anell les pash mande.”

Johanni 5:40

Pash mande kamenn t'mer gar te vell, te lenn ko djipen, hoy gar pre-herella.

Johanni 4:15

“Romeha, de man ko pani!” penas koy djouvel, “te vell man bouder kek troush, te vap bouder gar kay, te lap kava pani.”